Day: 5. maí, 2003

Java Jampit er besta kaffi í heimi og mæli ég eindregið með því að fólk fari í Te & Kaffibúðina og kaupi sér poka, eða í hið minnsta fá sér einn bolla á staðnum. Stutt gagnrýni mín hér leiðir það í ljós að kaffið er bragðsterkt en milt í maga og það skiptir litlu máli í hvaða hlutfalli kaffið er blandað á móti vatni en helst mæli ég með því að hellt sé upp á fjóra bolla í senn og kaffið fyrir 4 & 1/2 bolla sé blandað til móts. Þetta gefur sérstakan keim og sterkt bragð en kaffið er samt nógu milt til að hægt sé að drekka hátt í tvær könnur af því (óblönduðu) og samt fá aðeins minniháttar magakveisu. Persónulega drekk ég svona eina könnu hvern sólarhring. Það er það sem færir Arn-ið í Gríminn 🙂

Stjörnuspáin mín í dag er svolítið skondin:
Travel and study are favored today, and learning along with the help of a good-looking partner is the best way to enjoy life while you absorb knowledge. The evening is especially good for romance.
Allir „good looking study partners“ eru vinsamlegast beðnir um að hringja í mig. Þið finnið mig í Sveinbjörgu, undir 4.B 😉

Annars hef ég verið að spá í því hvers vegna símaskrá MR heiti Sveinbjörg en niðurstaða mín er sem fylgir. Skráin heitir Sveinbjörg vegna þess að hún „bjargar“ sveinum í leit að númeri fallegra kvenna skólans. Sem dæmi er Palli. Hann er hrifinn af Halldóru en vantar símann hjá henni svo hann geti boðið henni út. Sveinbjörg bjargar sveininum og hann kemst í feitt.

Ef þið hafið hugmyndir um hvers vegna Sveinbjörg ber nafn þetta þá sendið þið pælingar ykkar á aggi@mr.is og svo pósta ég því hingað. Svona er að hafa ekki kommentakerfi.

Annars er ég búinn að bæta inn línk á Grétar Amazeen þar sem mér skilst að hann sé farinn að blogga aftur. By the way, gott hjá þér að blogga Siggi. Ég er stoltur af þér.