Day: 13. maí, 2003

Hver sagði svo að líffræði væri ekki geðsleg:
„Sumar sækja fæðu í leifar dauðra lífvera. Þær eru rotverur, og lífshættir þeirra kallast rotlíf.“
Prófið að setja inn orðið uppvakningar í staðinn fyrir rotbakteríur:
„Rotbakteríur þrífast í leifum af líkömum dauðra lífvera, þar sem þær sundra lífrænum efnum og fá úr þeim orku til lífsstarfa sinna auk þess sem þær sækja í þessi efni hráefni til nýmyndunar á efnum til vaxtar og viðhalds eigin líkama… …inni í dauðum líkömum lífveranna sem þær nærast á…“
Fokking uppvakningar!
„Rotbakteríurnar nota sem sagt líkama dauðra lífvera rétt eins og við.“
Úff! Speak for your self. Til hvers ætli hann Örnólfur brúki alla þessa búka sína?
„Fljótt á litið er rotnun hvimleitt fyrirbæri.“

Kræst! Nú þarf ég ekki að spila Resident Evil til að verða hræddur! Ég les bara líffræði!! Aldrei hélt ég að ég ætti eftir að sjá orðin rot, líkami, dauður, sækja og hráefni í sömu málsgrein en mér skjátlaðist greinilega!!!

Jæja, þá er helvítisdjöfulsinsandskotansdönskubrjálæðihelvítisfokkingaldarinnar BÚIÐ! Ég veit að ég er að fagna hálfri viku á eftir öllum öðrum en ég var að klára dönsku fyrir rest í dag. Um leið og ég er handviss um að ég þurfi aldrei að lyfta Babette’s Gæstebud aftur fer ég út með hana og brenni.
Annars þá hitti ég Silju aftur í dag (í fyrsta skipti frá því á föstudag) og er nú komið í ljós að hún hafði rétt fyrir sér og að hún hafi fengið heilahristing eftir allt saman. Maður veit svei mér þá ekki hvað skal segja =/
…úps?

Frikki er á leið í stríð við ruslpóstssendendur og óska ég honum góðs farnaðar í þeim efnum. Ég styð hann fyllilega í þessu, en þó hef ég sjálfur aldrei fengið ruslpóst.
Ég las það um daginn á ónafngreindu bloggi einhverskonar skoðanaframfærslu þess bloggara. Vildi viðkomandi manneskja halda því fram að minnihlutahópar ættu að fá „sérstaklega mikil mannréttindi.“ En slíkt eru ekki mannréttindi heldur forréttindi. Ættu mannætur til dæmis að njóta forréttinda fyrir að vera í minnihlutahóp? NEI en þær mega njóta venjulegra mannréttinda þrátt fyrir það. Engin hópur manna eða einn stakur maður á skilin réttindi framar öðrum. Ekki nema sé talað um réttindi sem allir geta áunnið sér eins og bílpróf eða þess konar.
Ég hvet alla hér með til að nota orðtakið „að kveða í kútinn“ frekar en „að þagga niður í“

Radiohead quote dagsins:
„Our guitars are more clitoris substitutes than phallus ones. We stroke them in a nicer, gentler way.“