Day: 17. september, 2003

Hér er önnur getraun, af þeirri ástæðu að hin var svo fljótlega búin:

1: Númer hvað í seríunni er þessi Doomleikur?
2: Hvað heitir hauskúpan?
3: Hvað heitir rauði kallinn?
4: Hvað heitir tölvan sem þessi útgáfa leiksins er sérhönnuð fyrir?

Verðlaunin eru 5 sleikjóar fyrir hvern svarmöguleika. Þannig ef einn maður svarar fyrstu tveimur spurningunum rétt en einhver annar svarar þriðju spurningunni fær sá fyrrnefndi 10 sleikjóa en sá síðari 5. Ekki er hægt að svara einni spurningu oftar en einu sinni.

Annars átti ég heilbrigt spjall við bekkjarsystur mína í dag. Talið barst að útlöndum og hún tjáði mér það að hún hefði eitt sinn tekið ferju frá Costa del Sol til Aþenu. Þegar liðið hafði á ræður okkar lýsti hún áhuga sínum á því að fara til Grikklands, því þangað hefði hún aldrei komið.

Það ber einnig vel að merkja að hún hélt því fram að allar merkingar í Aþenu hefðu verið á arabísku, sem kollvarpar þeirri hugmynd náttúrulega algjörlega að þær séu á grísku. Merkilegt hvað sannleikurinn kemur manni oft í opna skjöldu, ha?

Í sögutíma í dag var okkur sagt að margir fornleifafræðingar telja Atlantis vera niðurkomið á grísku eyjunni Santorini. Merkilegt.

Ekki má ég vera minni maður en gárungarnir. Hver reit og í hvaða bók birtist það:

„Ég er nú … einn heima hjá vinnukonunum, Ástu og Bjarneyju. Margs konar skringilegar hugrenningar vakna hjá mér (!).“

Busaball MS er eftir viku í dag og það er þegar búið að ákveða öll partýmál. Þetta kalla ég skipulagni. Í gamla góða var ennþá verið að rífast um hver ætti að halda partý daginn fyrir böllin.

Fyrrum ónefndur vinnufélagi situr mér við hlið hér í tölvustofunni. Verst klæddi maður mannkynssögunnar.