Day: 9. maí, 2004

Einnig hefði ég ekkert á móti því að eignast Das geographische Weltbild des späteren englischen Mittelalters mit besonderer Berücksichtigung der Vorstellungen Chaucer’s und seiner Zeitgenossen, af sömu ástæðu og mig langar í hina bókina.

Mig langar í bókina Evangelísk-kristileg Messu-söngs- og Sálma-bók, að konunglegri tilhlutun samantekin til almennilegrar brúkunar í kirkjum og heima-húsum og útgefin af því konunglega íslenska Lands-uppfræðingar félagi. Þó ekki væri nema fyrir titil hennar.

Síðast ég vissi vildu konur að báðar klósettseturnar skyldu settar niður, því þeim þætti það betri frágengni, og ég er alveg sammála því. Þetta er sami hlutur og t.d. að loka skápnum eftir að maður hefur sótt sér glas þangað. Það þykir mér lítil afsökun að segja alltaf að „það taki því ekki“ að ganga frá eftir sig.

Ekki að ég uppfylli eigin standarda. Raunar mætti frekar segja að ég geri þveröfugt við það sem ég boða hér, en engu að síður þykir mér það góður siður að skilja seturnar eftir niðri.