Senn líður að hófinu

Já, senn líður að hófinu. Verður Dýonísos vegsamaður með ótæpilegri öl- og viskýdrykkju. Munum við Skúli taka I walk the line eftir Johnny Cash ef gítar verður fyrir hendi. Hyggst Skúli syngja. Hyggst Skúli einnig deila heimabrugguðu hvítvíni sínu með Einari Halldórssyni, ef sá síðarnefndi vill þiggja, en það er nánast bókað mál.
Ber ég fram bón til Daníels um að hann taki Golden Retriever, lag sem hann sjálfur samdi, og mér þykir stórskemmtilegt.
Vona ég að Árni Grétar sjái sér fært að mæta, þó ég efist stórlega um að hann komi þar eð hann býr hinumegin á landinu.
Vona ég einnig að sem fæstir fari á ballið, en sjálfur fer ég ekki, enda lofaði ég sjálfum mér því og öðrum eftir ball nokkurt í október að ég færi aldrei aftur á skólaball.