Þingsflokksformaður Sjálfstæðisflokksins, Einar K. Guðfinnsson, sagði í Kastljósinu áðan, að virða ætti ákvæði stjórnarskrárinnar, samhliða því að hann sagðist ekki viss í sinni sök um hvort forsetinn hefði veto. Maðurinn er augljóslega í bullandi þversögn, því ef virða á stjórnarskrána, eins og lög gera ráð fyrir, verður að virða vald forsetans. Það er einfaldlega ekki hægt annað.
Day: 2. júní, 2004
108619399918564773
Hljóðs bið ég allar helgar kindir, meiri og minni, mögu Heimdallar! Forseti vor, hr. Ólafur Ragnar Grímsson, hefir beitt valdi synjunar. Megi gervöll þjóðin taka rétta afstöðu í máli þessu.
UPPFÆRT
Ha ha ha! Ég fór minn vanalega nethring og ég er FYRSTUR með fréttirnar! Mouahhmouahh!!!
Nema bévítans mogginn var á undan mér. Helvítis Árnasynir!
UPPFÆRT
Til hamingju netverjar!!!
Nema þið sem voruð fylgjandi frumvarpinu. Vitanlega eruð þið ekki sáttir, þó þið hafið ærna ástæðu til, nema þið óttist að lýðræðið muni kollvarpa því.
Langlífi
Ef ég lifi sérstaklega löngu lífi, verð fjölmiðlamatur og verð þ.a.l. spurður spurningu dauðans: „Hverju viltu þakka langlífið,“ ætla ég að svara: Öllum þeim sem drápu mig ekki.
Ypsilontendens
Ég er kominn með einhvern ypsilontendens, þ.e. ég er farinn að skrifa ypsilon í ótrúlegustu orðum. Nú er mál að linni. Það er raunar vitað mál, að ypsilon sæmir sér betur í orðum eins og skrýmsli og byskup, heldur en hið algengara í.
Þetta er svipað og hvernig ég fæ alltaf kommubrjálæði eftir að hafa lesið Þórberg. En, málsgreinar hans, eru nærri, undantekningarlaust alltaf, skrifaðar, með jafn mörgum kommum, og þessi málsgrein.
Hjálpi mér!
Ég var rétt í þessu að lenda á einhverjum þeim allra hressasta afgreiðslumanni sem ég hef nokkurn tíma lent á í 10-11. Maðurinn var svo hress að sveipur fór um mig þegar hann talaði. Hann fór hamförum, svo hress var hann! Ef allir afgreiðslumenn hættu að vera svona sveittir alltaf og reyndu að vera eins og þessi væri heimurinn vafalaust betri staður.
Netmogginn
Ríkisstjórn Bush bannað að framfylgja umdeildum fóstureyðingalögum
Viðskiptavinum fækkar á írskum krám í kjölfar reykingabanns
Samkomulag um framtíð Christianíu enn um sinn
Það er raunar margt merkilegra í fréttum, en þetta kveikti áhuga minn.