108915673890821083

Bloggari hefur fengið eina kvörtun vegna skorts á kommentakerfi. Er bloggari ánægður með fjölda kvartana, þótt minna mætti nú vera. Mun ég, tregur til, útskýra hvers vegna kommentakerfið er á bak og burt.

Bloggari varð var við misnotkun kerfisins og ákvað að taka það jafn skjótt og hann áður hafði það gefið. Túlkun á því hvað felst í misnotkun kerfisins er ekki leyfileg öðrum en mér.
Einnig varð bloggari dauðþreyttur á því. Var tilgangur tilvistar þess að skapa málefnalegar umræður um efni þess er bloggið innihélt. Var þeim tilgangi aldrei náð og er það ein orsök brotthvarfsins.
Einnig varð bloggari þreyttur á sjálfskipuðum málfræðilöggum, sem plægðu upp nýsáinn akur Bloggsins um veginn með það eitt fyrir höndum, að koma höggi á stílsnilld bloggara. Skal þá ennfremur minnt á alræði og alvisku bloggara á þeim síðum er pár þetta prýðir. Það þýðir ekki að vera með múður á Blogginu um veginn.

Aðalástæða þess að kerfið er farið er samt einfaldlega sú að ég fylltist leiða á því. Kannski kemur það aftur í lok sumars, en þangað til verða lesendur (ef einhverjir eru, eftir kaldranalega þöggun bloggara) að sætta sig við, eins og ykkur sé ekki sama, að geta ekki kommentað.

108913420322690244

Senn verð ég á faraldsfæti og mun för minni heitið til veitingastaðar nokkurs, er eigi skal nafngreindur, af einlægum ótta bloggara við paparazzi-ljósmyndara. Munu þar hittast Burs synir, kommabloggarinn og handbendi délistans ásamt sjálfum mér, og kverúlantast.

Meðan ég skrifaði þessa færslu fór ég út og hótaði litlum krökkum alvarlegum líkamsmeiðingum, en þeir höfðu ráðist á litla bróður minn. Nú hef ég bannað þeim síðastnefnda að yfirgefa húsið; ég vil ekki efna loforðið sem ég gaf þeim. Skárra hefði það nú verið ef ég væri undir lögaldri. Þá hefði ég ekki gefið þeim færi á að láta mig þurfa að segja sér það tvisvar, svo ég tali nú undir rós.