109537495396243576

Keypti tvær Þórbergsbækur (Ýmislegar ritgerðir I & II), mætti á málfund um réttindi samkynhneigðra (eitthvað sem varðar okkur öll!), mætti ekki í skólann (til hvers?) og missti af forprófunum fyrir Gettu-betur. Ekki amalegur dagur að síðasta liðnum undanskildum.

Yfirlýsing Kofi Annan hefði ekki átt að koma neinum í opna skjöldu. Þvert á móti hefur afstaða hans fyrir stríðinu alltaf legið ljós fyrir auk þess að hún er sú eina rétta í þessu máli. Því fólki sem finnst fullseint í rassinn gripið hjá Annan að viðra þetta núna hefur einfaldlega ekkert hlustað á hann í aðdraganda stríðsins þegar mótmæli hans og flestra innan Öryggisráðs Sameinuðu þjóðanna stóðu sem allra hæst.

Þetta vekur mann vissulega til umhugsunar. Á myndinni má glögglega sjá embættismann þess fróma titils Serjeant at Arms, sem Atli Freyr minnist á í þessari færslu sinni. Er það eitt skemmtilegasta fyrirbæri sem ég hefi heyrt af í langan tíma.

109535569276755372

Forðist Sundlaugaveginn fyrir alla muni! Uppsetning tveggja umferðarljósa við gatnamót Sundlaugavegar og Laugalækjar; Sundlaugavegar og Reykjavegs (með tíu metra millibili) er ávísun á umferðarteppu, og það er nákvæmlega það sem gerst hefur. Mér finnst að þetta hefði mátt leggja fyrir íbúa Laugarneshverfis áður en þetta var gert. Enda bitnar þetta aðallega á okkur sem búum hér.

Nú tala allir um þessa forsætisráðherrabók. Ekki hef ég ætlað mér að diskútéra neitt um kosti og/eða galla bókarinnar, en eitt er víst og það er að ekki ætla ég að kaupa hana. M.a.s. hægrimenn viðurkenna að bókin litist af hægristefnu en ég er þeirrar skoðunar að svona bækur ættu að vera eins hlutlausar og möguleiki er á, þó vissulega sé erfiðara að gera það en segja það.

Fór á Quizno’s. Það rignir alltaf þegar ég fer á Quizno’s, en það er alltaf þess virði, namm.