Day: 18. september, 2004

Gísli Marteinn Baldursson segist ekki vera kona, samt er hann nefndur ein vinsælasta sjónvarpsman þjóðarinnar á síðu 49 í Fréttablaðinu í dag. Oft leynist eyrarúna fölsku flaggi undir.

Skrýtin frétt. Hvernig getur farþegi í eigin bíl verið stöðvaður af lögreglu? Hér mun við málfarsráðunaut Moggans að sakast. Það er a.v. líklegra en að þetta sé allt stórt samsæri um að koma Macaulay Culkin í fangelsi. Annars hafa sögur af skítlegu eðli Culkin borist mér til eyrna allt frá því ég var tíu ára, en þá mun hann hafa verið fjórtán. Hann ku hafa byrjað í ruglinu tólf ára (sögur segja að hann hafi m.a. sniffað lím, reykt hass og sprautað sig með heróíni, allt áður en hann náði unglingsaldri), rústað hótelherbergjum, stolið bílum, rænt úr búðum og búið úti á götu eftir að foreldrar hans afneituðu honum.

Eru þetta raunhæf dæmi um hvað gerist þegar allt of mikið álag er lagt á barnastjörnur? Nei, og sjálfsagt eru þetta allt lygar. Eina barnastjarnan sem er mér sérstaklega minnistæð, sem raunverulega hefur átt það erfitt, er Michael Jackson. Kannski Shirley Temple, en ég er þó ekki viss. Og Ruth Reginalds er bara vælukerling, eins og Macaulay Culkin.