Ég er orðinn of alvarlegur bloggari. Það er ekki maklegt.
Day: 16. nóvember, 2004
Fláráðsháttur og slettirekuskapur
Og ekki var nú skárra þegar farið var yfir feril Condollezzu Rice fyrr í fréttunum. Það hefði mátt halda að það ætti að gera hana að utanríkisráðherra Íslands, svo ítarleg var umsögnin. Hvað varðar það mig eiginlega, að hún sé góðvinur George Bush? Ekki neitt, og þar að auki gæti mér ekki verið meira sama þótt hún ætti enga vini. Það skiptir engu máli.
UPPFÆRT
Ég sé að fleiri bloggarar eru mér sammála. Það merkilega við svona fréttaflutning er auðvitað hinn augljósi sannleikur, sem þó er aldrei sagt frá, eins og skilyrðislaus stuðningur ónefndra ríkisstjórna og fjölmiðlanna þeirra við fjöldamorðingja, svo dæmi sé tekið.
Síðasta hálmstráið
110062490841385550
Áðan var himininn blár en nú er hann rauður. Það sem ekki hefur breyst er að enn snjóar og börnin eru enn að bisa við snjókarlagerðina úti í garði. Sjálfur gerði ég minn fyrsta snjókarl fjórtán ára. Talandi um að hafa misst af miklu …
110062093705796604
110061970495251769
Sverrir Jakobsson skrifar á Múrinn. Skyldulesning.
110061573117513334
Ekki er nóg með að í dag sé heilagasti dagur ársins, heldur hefur einnig kyngt niður fagurtærri mjöll og myndast ný fannbreiða ofan á hinni úreldu. Það er aðeins til að undirstrika fegurðina sem felst í íslensku og hvetur menn til iðkunar þess drottins lofaða siðar, að tala rétt mál. *Dæs*.
Uppfært:
Í framhaldi af þessu verður að teljast sérlega viðeigandi að Silja hafi hlotið verðlaunin í dag, enda öndvegis íslenskumaður þar á ferð.