Day: 2. janúar, 2005

Í kvöld kynntist ég prýðilegum manni sem heitir Halldór. Setjið inn lokasetningu Casablanca til að klára.

Á morgun er vinna. Þar verður vörutalning mikið stunduð. Það hef ég aldrei prófað, en eins og svíinn segir það: Ingenting är omöjligt!

Daginn eftir það hefst þriðja síðasta önnin í menntaskólanum. Ágætt væri ef þessu færi að ljúka.

Svona fyrst ég er farinn að hrauna yfir fólk, þá var skaupið hörmulegt. Mér stökk varla bros allan tímann. Það hefði verið fyndnara að vitna í moggabloggara blogga um hvað Fréttablaðið og Moggabloggið sé frábært en Morgunblaðið ömurlegt, hvað líði ritstjórnarstefnu sjónvarpsdagskrárinnar eftir að SME hrökklast þangað af DV og hver brjóti um.

Jæa, þá er nýja árið komið. Annars er ég hættur að skynja áramótin sem slík. Í raun er bara kominn nýr dagur sem er ekkert merkilegri en dagurinn á undan.

Í gær giftist stjúpsystir mín. Það eru hinsvegar tímamót.