Day: 14. febrúar, 2005

Nú fagna allir þeim tíðindum að fella eigi niður afnotagjöld Ríkisútvarpsins. En enginn gerir sér grein fyrir því að þau verða eftirleiðis innheimt með nefskatti. Þetta er því aðeins tilfærsla, en ekki niðurfelling.

Svo ég haldi áfram á sömu braut:

„Skömmu síðar andaðist Emolon, þreyttur á lífinu í Fjósakonunum. Og það nær saman, sem saman vill. Í næsta lífi fæðast þau Emolon og Memblóka norður í Mývatnssveit, þar sem fólkið er svo andlegt. Þau giftast og reisa bú. Nokkru síðar vill svo til, að Memblóka bjargar folaldi nábúa síns upp úr pytti og óð í fæturna. Fyrir það varð hún meistari. Memblóka og Emolon urðu nú að skilja. Hún hvarf í samfélag heilagra. En veslings Emolon hafði allt af haft þetta fyrir viðkvæði: „Við erum nú bara menn,“ og þess vegna gat hann aldrei bjargað folaldi nábúa síns upp úr pytti. Litlu eftir dauða Memblóku stal hann úr guðskistu í sveit sinni. Fyrir það þótti hann sjálfkjörinn ritstjóri Morgunblaðsins og var þar virðulegur og mikils metinn borgari til dauðadags.“
-Þórbergur Þórðarson í Bréfi til Láru.

Það þarf ekki að kunna íslensku til að vera ritstjóri Morgunblaðsins, a.m.k. ef miðað er við forsíðufyrirsögnina góðu um afnotagjöldin frá í gær. Þaðan af síður er ritstjóri Morgunblaðsins framsækinn guðhræddur umhverfis- og frelsisunnandi. Hann er afturhaldssinnað fífl og lítið meira.

Hver andskotinn er að fólki að láta sér detta það í hug að rýma Laugaveginn fyrir nýbyggingum? Bráðum lítur allur miðbærinn út eins og hús Iðunnar við Lækjargötu; eins og eitthvað tekið úr rassgatinu á Halldóri Ásgrímssyni. Já, það var lóðið, rústið borgina rétt meðan Árni Þór er í útlöndum og getur ekki varið hana fyrir ykkur fíflunum! Hvert er Ísland að fara? Og hlutirnir gerast ekki betri en í landsmálunum, þar sem mínir allranáðugustu herrar keppast hver við annan um að sleikja innvort rassgatið á ráðamönnum Evrópu og Bandaríkjanna sitt á hvað. Ætli mönnum þar á bæ detti næst í hug að rýma Skaftafell og Hallormsstaðaskóg fyrir sovétblokkum, leggja hraðbraut yfir þvert og endilangt hálendið og reisa álver á Borgarfirði eystri? Vilja menn kannski fara í stríð við Færeyjar (sem við myndum áreiðanlega tapa vegna þess að við erum svo ömurleg), einkavæða dómstóla og ganga í fokkíng Evrópusamband andskotans? Til hvers eiginlega í andskotanum búum við hérna?
Í Mogganum í gær sá ég grein um einhvern þríhyrning dauðans. Ég held að forsætis-, utanríkis- og dómsmálaráðuneytin hljóti að mynda þann þríhyrning. Eða voru það kannski umhverfis-, iðnaðar- og menntamálaráðuneytið?