Það sézt til sunnu, en skýjadulan stendur þó enn

Rannsókninni lýkur á morgun. Það er mikill léttir. Í kjölfarið fylgir gagnaúrvinnsla og skýrslugerð, því fer nú verr og miður, en áætlað er að klára það á þriðjudegi eða miðvikudegi. Þá má meinfýsni úrtölukvendiskennari minn hakka það gjörsamlega í spað mín vegna.

Ljóð dagsins er Varaáætlun, eftir Andra Snæ Magnason:

Ef heimurinn hryndi af einhverjum ástæðum þá ætlaði ég alltaf að flýja norður á Melrakkasléttu og lifa af landinu kringum eyðibýlið eins og forfeður mínir höfðu gert í þúsund ár en þá rann upp fyrir mér að í verkfærakassanum var ekkert nema 7 sexkantar sem fylgdu með IKEA húsgögnum og ef ég kæmist yfirleitt norður þá stæði ég með þessa sexkanta innan um svamlandi selinn og gaggandi mávinn og vaxandi grasið og ég myndi öskra á selinn og mávinn og grasið og læsa tönnunum í rekaviðinn og deyja hægt.