Ég hef ekki hugmynd um hver þessi kona er. Ég er ekki einu sinni viss um að ég vilji vita það, en svo virðist sem hún þekki mig einhversstaðar frá. Kannski er hún bara klikkuð, hver veit. Það er samt ekki mjög huggandi tilhugsun.
Month: apríl 2005
Snorra-Edda
Mitt ófélagslynda sjálf
Áðan barðist ég við að hringja í fólk upp á að setjast við Austurvöll og dreypa á bjór í sólinni. Ég hugsaði með sjálfum mér að ég gæti notið mín jafnvel einn. Svo ég grillaði tvo hamborgara, opnaði bjór og settist út á svalir með góssið. Það var ömurlegt. Stundum er félagsskapur nauðsyn. En hvers á ég að gjalda fyrir að allir séu í prófum nema ég?
Doctor philosophiae
Nokkra sá ég á vörninni sem ég kannaðist við. Auk Ármanns og Katrínar, að sjálfsögðu, sá ég Sigurð „sögu“ Ragnarsson fyrrum MS-rektor, Clarence Glad, Svan Gettu-betur kempu, sem ég raunar þekki ekki neitt, Véstein og Óla Gneista vantrúarmann. Einnig sá ég mann ískyggilega líkan Jóhanni Grétari Kröyer Gizurarsyni, en ég þorði ekki að spyrja.
Að þessu loknu kíktum við Skúli á Prikið, hvar við ræddum tilgang lífsins og heimsins málefni.
Undarlegt símtal
Bloggað um veginn
Mig langar til að skrifa, en ég hef ekkert að segja, svo ég dæli bara í ykkur Lao Tse-legu spakmæli:
Allir óska sér þess einhvern tíma að líf þeirra taki gjörbreytingum og að allt verði eins og best væri á kosið. Þeir sömu missa af hamingjunni, því hún felst ekki í því að hafa, heldur að öðlast. Sá sem hefur allt hefur ekkert til að eignast. Fullkomnun útilokar framfarir. Menn eiga að setja sér há takmörk svo þeir hafi einhver, en standi ekki uppi hafandi sigrast á þeim öllum. Þar er hryggðin fólgin.
Af því má sjá að í draumnum felst raunveruleg sæla, en í veruleikanum óveruleg martröð.
Segið svo að þessi síða standi ekki undir nafni.
Kvikmyndir og höfuðföt
Ég er búinn að panta hattinn góða. Þá er að vona að höfuðmælingin sé rétt og að hatturinn skili sér tímanlega. Lesendum til gagns og gamans skal getið að höfuð mitt er 57 cm. í ummál. Því nota ég hattastærð 7 1/8. Jahá.
Hattur
Erzhählen Sie von Ihnen Mutter.
Hattar virðast vera að komast aftur í tísku. Það veit aðeins á gott. Svo þarf aðeins að leyfa götulistamönnum að iðka listir sínar í miðbænum fyrir pening og La Belle Epoche Íslands verður að veruleika. Við verðum samt betri en frakkarnir. Við leyfum engum flugmönnum að stökkva fram af Hallgrímskirkjunni.
Hljóðrita málhelti?
Séu menn aftur á móti spenntir fyrir að hljóðrita málhelti má auðveldlega líkja eftir því með þeim hljóðtáknum sem þegar eru til. Ég er samt ekki maður til þess. Langt er síðan ég lærði hljóðfræði og ég hef flestu gleymt. Í fyrra vorum við snuðuð um hljóðfræðikennslu og því missti ég af góðu tækifæri til upprifjunar. Og ég er ansi hreint hræddur um að ég nenni ekki að leggja á mig frekara hljóðfræðinám fyrr en á háskólastigi.
Svo er til fólk eins og Silja Hlín, sem fær að læra hljóðfræði, og fussar (já, fussar!) yfir því. Þvílíkt og annað eins vanþakklæti. Þessi unga kynslóð, o.s.frv.
Leiðrétting
Ég þarf ekki að taka próf í stjórnmálafræði. Ég er búinn í skólanum.