Day: 21. apríl, 2005

Það verður ekki sagt að ég sé í ástandi til að skrifa ritgerð, hvað þá eins langa og flókna ritgerð og ég er að skrifa núna. Ég þjáist af höfuðverk, athyglisleysi og sljóleika. Æ, æ, æ. Ég hefði átt að byrja á þessu í gær, andskotinn hafi það.

Mikið vildi ég að ég gæti setið þennan fund í stað þess að sitja hér heima.

Ég hef ekki farið út úr húsi, því ég er bundinn fyrir framan tölvuna, en mér sýnist á öllu að veðrið sé ágætt. Mín vegna mætti sumardagurinn fyrsti samt vera 30 apríl. Þessi tímasetning er út í hött.

Umræðan um áframhaldandi R-listasamstarf hefur verið svolítið í deiglunni núna undanfarið og flestir vinstri-grænir virðast því mótfallnir. Sverrir Jakobsson skrifar mjög góða grein um tilgang R-listans og kemst að þeirri niðurstöðu að hugsanlega sé lítill tilgangur með honum. Í greininni minnist hann á ályktun okkar í stjórn RUVG. Það ætla ég að vona að hún verði hluti af stærra ferli sem endar með dauða R-listans.