Ég er örendur. Ég var nefnilega að koma frá yfirvinnu við áfyllingar. Af þeim þrettán klukkustundum sem ég hef vakað í dag hef ég eytt tólf í vinnunni, sem er svipað og gerðist í janúar. Hvorugt bætir þó metið mitt, þegar ég mætti klukkan hálfníu í vinnuna, sem þá var í Vínbúðinni Smáralind, kláraði hálftólf og var kominn heim tíu mínútum fyrir. Fimmtán tímar, takk fyrir!
Annars hef ég eiginlega ekkert að segja. Ég ætti kannski að hætta með þessar pínlegu færslur um Ikea. Já, ég held ég sleppi því bara að blogga nema ég hafi eitthvað annað um að tala en vinnuna.