112169777989407483

Móðir mín hefur löngum haft orð á því að ég klæði mig eins og ég sé fimmtugur og svo tekur tannlæknirinn minn upp á því að deyja. Það er aðeins fólk á fimmtugsaldri sem missir tannlækninn sinn. Ætli ég þurfi ekki að leita uppi annan lækni sem getur rétt af þessar þrjár tennur sem hafa skekkst aftur.

Það yrði Bjössa áreiðanlega mikið áfall ef tannlæknirinn hans hrykki upp af. Bjössi er svo mikið hjá henni að við eðlilega fólkið sem ímugust höfum á tannlæknum veltum því fyrir okkur hvort nokkuð fleira fari þeirra á milli en peningar og flúor.

Alltaf greinir Mogginn frá því þegar ásatrúarmenn blóta. Hefði upplýsingaflæðið verið jafn gott fyrir árþúsundi og það er núna hefðu eflaust fleiri þurft að sæta fjörbaugsgarði fyrir slík uppátæki.