Það sem eftir stendur er að með hjálp R-listans er Gunnar Birgisson að beina fólksstraumi og menningarstarfsemi yfir í Kópavoginn, vegna þess að Reykjavíkurborg er of þver til skilnings. Já, miklar eru menningarumbætur Rúnklistans. Svo miklar raunar að ég yrði ekki hissa þótt Reykjavík hreppti hnossið í keppninni um mesta lágmenningarhallærisplan veraldar.
Day: 20. júlí, 2005
Senn nær íhaldið borginni
Svo fleygði Össur Skarphéðinsson, fyrrverandi formaður hentistefnuflokks Samtíningar, steini úr glerhúsi sínu. Aðeins degi eftir að hann lýsti yfir að R-listinn gæti samanstaðið af Samtíningu og óháðum. Er það markmið þessa manns að ganga af R-listanum dauðum?
Þetta tengist spoiler á Harry Potter bókinni
112187072071378598
Mannanafnanefnd telur nægan rökstuðning til heimildar vera að einhvern tíma hafi verið til íslenskir ríkisborgarar sem hétu þessum nöfnum. En það hlýtur að vera vegna þjóðernis. Voru þessir menn ekki danskir eða af dönskum ættum? Ætti Mannanafnanefnd þá ekki að heimila nöfnin Robert og Fischer (Róbert er þegar til, en kann að vera að það nægi ekki öllum)? Ef Omar (Ómar) Sharif flyttist hingað til lands, ætti þá að kalla nöfnin íslensk og heimila þau til nafngiftar? Það er nú það. En hitt er svo annað, að Tristan Alexander Fischer Sharif yrði líkast til nýjasta tískunafnið.
Það er alltaf gaman að fara í bankann, sötra kaffi og fylgjast með ankannalega stráknum á þjónustuborðinu reyna að svara öllum símhringingum sem heyrast í húsinu, meðan maður bíður eftir afgreiðslu. Á stefnuskrá hjá mér núna er að eiga villtan ágúst og eyða vetrinum í þjáningarfullar afborganir, meðan ég læt minnka yfirdráttinn kerfisbundið. Ég get því sagt að ég hlakki meira til mánaðamóta en til jóla. Það er nú raunar ekkert nýtt. Og yfirleitt eru verstu mánaðamót ársins milli nóvember og desember, einhverra hluta vegna.