Þeir vita hvað þeir syngja í Íran. Skopmyndasamkeppni, takk fyrir, Helförin tekin fyrir. Eins og Danir hljóta að verða svekktir miðað við afgerandi hátt hlutfall gyðinga þar í landi, þá hefði ég meiri áhyggjur af því hvað Ísraelsmenn segja.
Day: 7. febrúar, 2006
Herstöðin sótt heim
Ég er víst að fara upp á Miðnesheiði með skólanum á fimmtudaginn. Ég ætla að hafa Ísland úr NATO, herinn burt og Höfnum stríði nælurnar mínar. Mér skilst þeir séu svo hrifnir af tjáningarfrelsi þarna í Bandaríkjunum.
Verklok að sinni
Ég hef ekki beinlínis staðið mig við skrifin í dag, ekki einu sinni tekist að klára heilan kafla. En ég er þó altént byrjaður. Og mér hefur tekist að halda mér óhlutdrægum enn sem komið er, svo kannski fer að rofa til hjá mér bráðum. Ég bara fæ mig ekki til að halda áfram í bili.
Lag dagsins er Muriel með Tom Waits.
Fantur
Í ritgerðinni minni, í inngangsorðum mínum um frumkristni, segist ég ætla að hafna frásögnum Biblíunnar (Genesis) hvar sem áreiðanlegri heimildir stangast á við hana. Þvínæst vitna ég í Biblíuna máli mínu til stuðnings. Já, ég er fantur.
Ritgerð
Febrúar virðist mér kominn í öllu sínu veldi.
Ég mæti ekki í skólann í dag vegna ritgerðarsmíðar.
Uppfært klukkan 9:40
Ég sé það núna að enda þótt upphaflega verklýsingin hefði mögulega þýtt það að ég skrifaði fimmtíu blaðsíðna ritgerð, þá hefði það verið talsvert auðveldara viðureignar. Ég er ekkert of góður í sagnfræðilegri kristni. Heiðin trúarbrögð og goðsögur, það er ég.
Fyndið annars, í samhenginu, að ýmsir punktar sem ég fékk frá leiðbeinandanum hafa glatast í þýðingu.