Day: 4. júlí, 2006

Kommon, framlenging! Það er líka óþolandi þrátt fyrir aðra vanhæfni íslenskra íþróttaþula hversu augljóslega þeir eru hallir á „herraþjóðina“ þýsku. En vitanlega er það þeirra mál ef þeir vilja sænga hjá mönnum sem heita Schweinsteiger.
Annars vantaði bara dánaryfirlýsingu þegar einn Ítalinn lá í valnum: Paolo de la Frutti, tuttugu og átta ára gamall, búinn að spila x marga leiki, liggur hér dauður; iðrin úti, hrafnarnir bíða þess aðeins að þýska ljónið ljúki sér af við að svívirða hræið!

Mér datt í hug að blogga um hversu mikil fyrirhyggja það hefði verið að nefna barnið sitt Tan fyrir fimmtíu árum. Ennfremur hugðist ég og leiða að því líkur að ónefndur rithöfundur ætti vinsældir sínar allar undir jafn hentugu nafni miðað við tíðaranda. En ég er hættur við það núna.

Í gær tók ég framúrstefnulega ákvörðun um útlit mitt sem draga mun þónokkuð úr kynferðislegum straumum þeim sem þessi kroppur sendir frá sér. Nema ef væri til syndsamlegri takmarka. Ahem, já, eða eitthvað. Það varir þó ekki lengi …

Veðrið er hryssingslegt.

Getur einhver frætt mig um sumarlán LÍN, svosum hversu há þau eru? Í fljótu bragði virðist fátt um svör á heimasíðunni þeirra, auk þess hún er leiðinlegri en lagasafnið. Ég hef nefnilega þegar nokkra hugmynd um hvernig ég ver næsta sumri.