Í ríkinu í gær varð mér á að missa kortið mitt þegar ég rétti það afgreiðslumanni. Æ fyrirgefðu, sagði ég. Þá gólaði hann á móti: Já! Þér er fyyyyyrirgeeeeeefiiiiið!! Eða nægir þér það ekki, vildirðu einhverja sérstaka tegund fyrirgefningar?
Í Firði í dag geng ég ganginn út af salerninu, mæti þar hafnfirðingi. Hann víkur til vinstri og ég líka, svo víkjum við báðir til hægri. Afsakið, segi ég. Þá gargar hann: Annað hvort er það hægri eða vinstri maður!!
Næst asnast ég kannski til að spyrja um verðið á avókadó og fæ svarið: Ertu fífl?