Gestamyndir

Að vísu ekki gestur hjá okkur, en þennan sjáum við oft á leiðinni í leikskólann á morgnanna.

Að vísu ekki gestur hjá okkur, en þennan sjáum við oft á leiðinni í leikskólann á morgnanna.

Á nýlagaðri berfótaþraut í skóginum fyrir ofan bóndabæinn - gestirnir mættir.

Á nýlagaðri berfótaþraut í skóginum fyrir ofan bóndabæinn - gestirnir mættir.

Neuschwanstein kastali.

Neuschwanstein kastali.

Útsýnið við kastalann - hinn kastalinn hans Lúlla klikk var þarna fyrir neðan - sá skapmikli vildi ekki vera með.

Útsýnið við kastalann - hinn kastalinn hans Lúlla klikk var þarna fyrir neðan - sá skapmikli vildi ekki vera með.

Hópmynd í Ölpunum fyrir ofan Arnarhreiðrið.

Hópmynd í Ölpunum fyrir ofan Arnarhreiðrið.

Salzburg - Söngvaseiðs aðdáendur þekkja kastalann!

Salzburg - Söngvaseiðs aðdáendur þekkja kastalann!

Húsalengja sem byggð er inn í bergvegginn.

Húsalengja sem byggð er inn í bergvegginn.

Staðið fyrir utan fæðingarstað Mozarts.

Staðið fyrir utan fæðingarstað Mozarts.

Smá Söngvaseiðs stemming við Residenz Fountain, Julia söng og gekk framhjá honum.

Smá Söngvaseiðs stemming við Residenz Fountain, Julia söng og gekk framhjá honum.

Chapter Horse Pond og kastalinn í baksýn.

Chapter Horse Pond og kastalinn í baksýn.

Strákamynd við innganginn í Mirabell garðinn - munið Söngvaseið!

Strákamynd við innganginn í Mirabell garðinn - munið Söngvaseið!

Og svo stelpumynd á sama stað.

Og svo stelpumynd á sama stað.

Sullað í vatninu, það var grunnt þarna og ekki ískalt, bara svalandi.

Sullað í vatninu, það var grunnt þarna og ekki ískalt, bara svalandi.

Flottir frændur!

Flottir frændur!

Algjörlega nauðsynlegt að stoppa við þennan bæ í Austurríki!

Algjörlega nauðsynlegt að stoppa við þennan bæ í Austurríki!

Og þá ekki síður í þessum bæ í Bæjaralandi.

Og þá ekki síður í þessum bæ í Bæjaralandi.

En við bæinn Tittling voru þessar fínu risaeðlur.

En við bæinn Tittling voru þessar fínu risaeðlur.

Við borðuðum nestið okkar þarna og sáum meira að segja eina alvöru eðlu.

Við borðuðum nestið okkar þarna og sáum meira að segja eina alvöru eðlu.

Vei, vei

… það eru komir gestir – eru að vísu ekki hjá okkur eins og er, en samt.

Á mánudaginn var frjálsíþróttadagur í skólanum hjá systrunum, mjög gaman að stökkva, kasta, hlaupa og gera ýmislegt með félögunum og bónus að það var engin kennsla!  Yngri krakkarnir fóru í leikfimi eins og vanalega.

Á þriðjudegi var skóli og leikskóli ásamt með leikfimi þeirrar sveimhuga.  Um kvöldið kom vinnufélagi bóndans frá Íslandi ásamt fjölskyldu í mat en þau eru hér um nokkurra vikna skeið.  Við röltum með þeim upp að bóndabæ og grilluðum svo pylsur/Wurst.

Á miðvikudegi stóð til að sá skapmikli færi í heimsókn til vinar síns, en sá var lasinn svo fyrrverandi nágranninn kom í heimsókn með sitt lið og við fórum á leikvöllinn í Wanne.  Um kvöldið sendi frúin svo bóndann upp í „Bierzelt“ í Waldhausen Ost þar sem hann horfði á seinni hálfleikinn á HM (Þýskaland 1 – Ghana 0) í góðum félagsskap.

Á fimmtudegi komu gestir, bróðir frúarinnar ásamt með fjölskyldu, við byrjuðum á því að þræla þeim í gönguferð upp að froskatjörn þar sem við sáum körtur og litla snáka.

Á föstudegi fór bróðirinn ásamt mágkonunni til Outlet City í Metzingen – svona til að taka staðinn út, og voru þokkalega sátt.  Seinni partinn skruppu frúin, mágkonan, og frænkan í bæinn og skoðuðu úrval nokkurra búða og kíktu á kaffihús þar sem ís var snæddur á meðan horft var út á Neckar.  Um kvöldið var hitað upp fyrir ferðalag helgarinnar með því að horfa á Söngvaseið.

Á laugardegi var ræst snemma, smurt nesti og ekið sem leið lá að kastalanum Neuschwanstein sem Lúðvík II Bæjaralandskóngur átti – hann fylgdist með byggingu þessa kastala úr öðrum kastala rétt hinum megin við lítið dalverpi!  Kastalinn var flottur – íburður og bruðl eins og við er að búast.  Þaðan fórum við í skemmtilega „Bob“ braut sem rekin er á sumrin – eða við reiknum með að hún sé mjög skemmtileg þegar maður lendir ekki á eftir þremur amrískum **** kjellingum sem þora ekki að fara hratt!  Frekar fúlt að fara eina ferð og geta ekki notið þess að fara á fulla ferð.  Eftir þessa sleðaferð ókum við til Prien am Chiemsee þar sem við áttum bókað pláss á gistiheimili og fengum okkur ágætis kínverskan kvöldverð.

Á sunnudegi var aftur ræst snemma og smurt nesti og ekið í þýsku alpana, alla leið upp að Arnarhreiðri Hitlers – við fórum að vísu aðeins inn í Austurríki og út aftur á þessari leið.  Í göngunum inn að lyftunni sem gengur upp í húsið  kom hópur syngjandi fólks á eftir okkur, við heyrðum að þau voru skandinavísk og þau sungu svolítið – svona til að taka þátt í þessu byrjaði frúin á „Vem kan segla“ og var ekki að spyrja að því, allur hópurinn tók undir.  Þau voru norsk, alls staðar að frá Noregi og þau sem við töluðum við höfðu verið í fríi á Íslandi fyrir nokkrum árum.  Útsýnið frá Arnarhreiðrinu var stórkostlegt.

Þaðan fórum við til Salzborgar og kom okkur mikið á óvart hvað bensínið var mikið ódýrara í Austurríki en í Þýskalandi, þarna munaði um 40 sentum á lítranum!

Salzborg var óskaplega falleg, við sáum nokkra gosbrunna og torg, fæðingarhús og hús sem Mozart bjó í, garða og falleg hús.  Allt skoðað á tveimur tímum!  Á leiðinni í bílinn sáum við aðeins á sjónvarpsskjá, Þýskaland var 2-0 yfir í leik við England, sem skoruðu eitt mark á meðan við vorum þarna – en við ákváðum samt að keyra bara heim.

Þegar heim á farfuglaheimili var komið löbbuðum við flest (nema mágkonan) niður að vatninu þar sem krakkarnir fóru út í það við bátahöfnina þar sem við týmdum ekki að borga okkur inn á baðsvæðið.  Hundur einn kom og lék við krakkana um stund.  Þegar við komum til baka frá M „veitingastaðnum“ um kvöldið var búið að gera tollahlið undir brú inni í bænum, þar sem ungt fólk hafði safnast saman til að fagna sigrinum og enginn komst í gegnum hópinn nema að flauta hraustlega.

Á mánudegi skildi leiðir, bróðir ásamt fjölskyldu skruppu til Vínar og koma aftur síðar í vikunni, að beiðni bóndans var gerður „smá“ krókur upp á rúma 2 klst. til að sjá tvö bæjarskilti og láta taka mynd af sér við þau (sjá myndir).

Góð vika að baki og önnur ekki síðri framundan – hér er sumarið komið með trukki, um þrjátíu stiga hiti í dag.

Nokkrar júnímyndir

Vegna eindreginnar áskorunnar - svona líta bloggbækurnar út, komnar úr prentun hjá blurb.com.

Vegna eindreginnar áskorunnar - svona líta bloggbækurnar út, komnar úr prentun hjá blurb.com.

Og þetta er dæmi um opnu.

Og þetta er dæmi um opnu.

Þjóðlegar múffur - matarlitur örugglega yfir leyfilegu hámarki!

Þjóðlegar múffur - matarlitur örugglega yfir leyfilegu hámarki!

Búið að segja "Gjörið þið svo vel".

Búið að segja "Gjörið þið svo vel".

Þjóðhátíðargreiðslan var í boði þess skapmikla.

Þjóðhátíðargreiðslan var í boði þess skapmikla.

Tilbúnar í kvennahlaupið - þurftum að vísu að fara í jakka þar sem það var blautt og kalt!

Tilbúnar í kvennahlaupið - þurftum að vísu að fara í jakka þar sem það var blautt og kalt!

Dómari í kvennahlaupinu.

Dómari í kvennahlaupinu.

Smjattað á kirsuberjum niðri í bæ.

Smjattað á kirsuberjum niðri í bæ.

Hliðargluggi hjá Osiander við Holtsmarktplaz við Stiftskirkjuna.

Hliðargluggi hjá Osiander við Holtsmarktplaz við Stiftskirkjuna.

Blásara- og trommusveit fyrir framan Ráðhúsið í Horb.

Blásara- og trommusveit fyrir framan Ráðhúsið í Horb.

Riddarar með gunnfána sína áður en burtreiðarnar hófust.

Riddarar með gunnfána sína áður en burtreiðarnar hófust.

Við vonum að þeir góðu hafi unnið, annars átti eitthvað hræðilegt að koma fyrir börnin á áhorfendabekkjunum.

Við vonum að þeir góðu hafi unnið, annars átti eitthvað hræðilegt að koma fyrir börnin á áhorfendabekkjunum.

Brúin yfir Neckar skreytt - séð upp að kirkjunni sem trónir yfir bænum.

Brúin yfir Neckar skreytt - séð upp að kirkjunni sem trónir yfir bænum.

Það styttist

… í gestakomu, stóri bróðir frúarinnar ásamt fjölskyldu er væntanlegur síðar í vikunni, vonandi gengur það eins og í sögu.  Fylgst hefur verið með fótbolta með áður óþekktum áhuga – skrítið að vera í landi sem tekur þátt í svona stórmóti og allt er á öðrum endanum.  Andinn var frekar léttur hjá öllum fram eftir vikunni, dapraðist þó aðeins þegar tapleikurinn var búinn á föstudeginum.  Þá er bara að taka það með trukki á miðvikudaginn næsta!

Á mánudaginn fóru yngri börnin í leikfimina sína og fannst það gott – fínt að fá smá útrás í hlaupaleikjum.

Á þriðjudegi kom vinkona í heimsókn með tvær dætur, áttum við gott spjall yfir pönnukökum um landsins gagn og nauðsynjar og aðeins var kveðjugjöf til amerísku fjölsyldunnar undirbúin en þau fara í næsta mánuði.

Á miðvikudegi voru pönnsur steiktar í stórum stíl, tæplega 100 stykki þar sem allir krakkarnir ætluðu að taka með sér á sautjándanum.

Sautjándinn kom, allir í skóla og leikskóla með hauga af pönnsum, frúin bakaði múffur og steikti fleiri pönnsur (aldrei verið steiktar jafn margar á jafn stuttum tíma!).  Íslendingar komu í kaffi um eftirmiðdaginn, spjall og íslensk tónlist hljómaði.

Á föstudegi kom bóndinn snemma heim til að horfa á leikinn, systur fóru í fimleika en lítið heyrðist af gleðilátum þegar leikurinn var búinn og tap staðreynd!

Á laugardagsmorgni skelltum við kvenpeningurinn okkur í kvennahlaup með Ameríkönunum, fórum í bæinn eftir að hafa séð brúðarkjól Viktoríu Svíaprinsessu (og Jóa staðarhaldara á Bessastöðum á leið inn í kirkjuna!).  Sú snögga hafði virkilega gaman af ameríska dansinum í miðbænum, rósahátíð var heimsótt og um kvöldið kom bóndinn frúnni aldeilis í opna skjöldu þegar hann dró hana í rómantíska skógargöngu á veitingastað í tilefni af brúðkaupsafmælinu!  Hjónin borðuðu ljúffengan mat á Rosenau á meðan barnapían var heima með gormana – sem óska sérstaklega eftir því að fá hana aftur til að passa.

Á sunnudegi drifum við okkur frekar snemma af stað til Horb am Neckar, þar var svakaleg Riddarahátíð í gangi, miðbærinn girtur af og sölutjöld út um allt, niðri við ána voru burtreiðar og sáum við ríflega hálfa sýningu.  Heim þurfti að komast fljótlega eftir hádegið þar sem systur voru boðnar í afmæli til kínverskrar bekkjarsystur þeirrar sveimhuga.

Næstu dagar ættu að líða hratt – í bið eftir gestunum, vonandi verður veðrið orðið betra þegar þau koma, en frekar blautt og svalt hefur verið undanfarið.

Minning:

Í Horb, við ráðhúsið sagði sú sveimhuga við frúna, „svakalega er þetta stór fluga hjá blóminu.“  Þegar frúin fór að skoða sá hún ekki betur en þarna væri á ferð hinn ameríski býflugnakólibrífugl!  Hóað var í bóndann, en hann sá dýrið ekki nema rétt í svip og var efins um greiningu frúarinnar, en þegar hann getur bent henni á flugu sem er 4-5 cm löng, með stél og 1,5-2 cm langan íbjúgan gogg og vængi út frá miðjum búknum og dýrið getur flogið bæði aftur á bak og áfram og sýgur blómavökva – þá var þetta kvenkyns býflugnakólibrí sem hefur sloppið úr búri!

Föndur- og blíðumyndir

Sullað úti í laug á fimmtudegi.

Sullað úti í laug á fimmtudegi.

Hilla úr ruslinu hjá leikskóla þess skapmikla.

Hilla úr ruslinu hjá leikskóla þess skapmikla.

... orðin að dúkkuhúsi hjá systrunum - dýrabúð/garður/heimili þennan morguninn.

... orðin að dúkkuhúsi hjá systrunum - dýrabúð/garður/heimili þennan morguninn.

Þriðji bekkur að syngja undir stjórn Frau Stocker á Wannehátíðinni.

Þriðji bekkur að syngja undir stjórn Frau Stocker á Wannehátíðinni.

Snögg ísnorn.

Snögg ísnorn.

Skapmikill tígur.

Skapmikill tígur.

Sveimhuga blómastúlka.

Sveimhuga blómastúlka.

Playmoriddarar komnir í kastalann.

Playmoriddarar komnir í kastalann.

Hengiturn á hæðinni í Killesberg - það ruggaði mikið efst.

Hengiturn á hæðinni í Killesberg - það ruggaði mikið efst.

Útsýnið skoðað í um þrjátíu metra hæð.

Útsýnið skoðað í um þrjátíu metra hæð.

Garðurinn er mjög fallegur.

Garðurinn er mjög fallegur.

Fylgst með flamingófuglum.

Fylgst með flamingófuglum.

Svona viljum við hafa á leikskólum og leikvöllum á Íslandi.

Svona viljum við hafa á leikskólum og leikvöllum á Íslandi.

Slappleiki – föndurvinna

Þá er það reglan og hversdagsleikinn aftur, krakkar áttu ótrúlega auðvelt með að vakna og koma sér í skóla og leikskóla á mánudagsmorgni, sá skapmikli vildi reyndar helst vera heima hjá frúnni, en fékk engu ráðið – og skemmti sér konunglega með vinunum í leikskólanum.  Þau yngri fóru í leikfimina sína, en sú sveimhuga upplifði hræðilegt óréttlæti þegar sundtíminn var felldur niður og þeim gert að mæta til stærðfræðikennarans í staðinn! ÓSANNGJARNT! En það var samt gaman.

Á þriðjudegi var sá skapmikil ekki sáttur við að fara og vildi vera heima, hann hafði reyndar vaknað tvær nætur í röð og átt erfitt með að sofna aftur.  Hann fór þó í leikskólann og var mjög ánægður þegar þangað var komið, á heimleiðinni í hádeginu vældi hann hins vegar alla leiðina og var alveg ómögulegur, vildi leggja sig þegar hann kom heim og var skrítinn á allan hátt.  Enda kom á daginn seinni partinn að hann var kominn með hita.  Hann svaf aftur illa og var heima á miðvikudegi.

Þó nýttum við daginn og fórum í heimsókn til fyrrverandi nágrannans, þar sem drengurinn var sprækur og hlýtt úti (svona rétt tæpar þrjátíu gráður!), þar var ljúft að vanda.

Á fimmtudegi fóru allir í skóla og leikskóla og sá skapmikli hafði sofið vel (og frúin líka – en hún var orðin slöpp eftir órólegar nætur).  Eftir hádegið komu amerísku stelpurnar og sullað var í litlu lauginni úti á palli í blíðunni.  Blogg frúarinnar er nú komið út á prenti, kom í hús þennan dag og er mikill fengur af.  Frúin skrapp í leiðangur, ýmsar búðir og ruslahaugar skoðaðir og útkoman var dúkkuhús fyrir stelpurnar.

Á föstudegi voru fimleikar eftir skóla – og auðvitað upphaf HM – hér er allt um það bil að verða vitlaust vegna þess, fánar út um allt og meira að segja hægt að kaupa salernispappír í fánalitunum! (Bóndinn hélt nú að það væru einhver mörk til, en það er víst ekki).

Á laugardegi var hverfishátíð hér í Wanne, 3. bekkur var með um 40 mínútna söngdagskrá og stóðu sig með prýði, þarna var hoppukastali og sú snögga var best á óða vél-nautinu, sló sér eldri krökkum alveg við!  Þau voru öll máluð í framan og seinna um daginn fórum við á tjaldaland að skoða en keyptum ekkert.  Kastali var útbúinn fyrir drenginn á milli atriða þennan daginn, svo nú leika öll börn sér enn fallegar en fyrr!

Á sunnudegi ákváðum við að skreppa til Stuttgart, nánar tiltekið í Killesberg sem er fallegur garður með gosbrunnum, húsdýrum, leikvelli, blómabeðum og mikilli friðsæld.

Í þessum orðum skrifuðum eru Þjóðverjar að spila við Ástrali og ótrúlegt en satt þá hefur lítið heyrst að utan, það breytist sennilega fljótlega ef leikurinn fer eins og útlitið er í hálfleik!

Punktur:

Á þriðjudeginum leit sú ameríska við, þegar hún frétti að sá skapmikli væri slappur en hefði farið í leikskólann sagði hún: „og ertu með samviskubit?“ sem frúin svaraði auðvitað með „já!“ – þá rifjaðist upp fyrir frúnni saga sem sú ameríska hafði sagt af sér og vinkonu sinni um sama efni.  Vinkonan hafði sagt að mæður hefðu samviskubit vegna þess að þær væru mæður, það væri alltaf eitthvað sem mæður gætu hafa/hefðu átt að gera betur/fyrr/síðar/öðruvísi/lengur/skemur/______ (orð að eigin vali) og væru því með samviskubit yfir.  Frúin heldur að það sé eitthvað til í þessu.

Myndir heima og að heiman

Seljalandsfoss í öskumóðu.

Seljalandsfoss í öskumóðu.

Alltaf fallegur.

Alltaf fallegur.

Fingur á kafi í ösku við Skógafoss.

Fingur á kafi í ösku við Skógafoss.

Skógafoss í allri sinni dýrð.

Skógafoss í allri sinni dýrð.

Bóndinn mokar upp ösku í krukku.

Bóndinn mokar upp ösku í krukku.

Þorvaldseyri leynist þarna í öskuskýinu.

Þorvaldseyri leynist þarna í öskuskýinu.

Icelandair liðið, öskuský og allt saman.

Icelandair liðið, öskuský og allt saman.

Glæsilegur flugmaður - það sést ekki í bjórflöskuna hans á þessari mynd.

Glæsilegur flugmaður - það sést ekki í bjórflöskuna hans á þessari mynd.

Ballerínurnar rétt misstu af fyrsta sætinu á lokasprettinum - en voru örugglega með æfðasta atriðið.

Ballerínurnar rétt misstu af fyrsta sætinu á lokasprettinum - en voru örugglega með æfðasta atriðið.

Keppnin var hörð í nálarauganu, sigla þarf í áttu þarna í gegn.

Keppnin var hörð í nálarauganu, sigla þarf í áttu þarna í gegn.

Stelpunum tókst að lífga við eld.

Stelpunum tókst að lífga við eld.

Þetta tré bauð upp á mikið klifur þar sem rótakerfið stóð út í loftið.

Þetta tré bauð upp á mikið klifur þar sem rótakerfið stóð út í loftið.

Mikið var af drullu í nágrenni við lækinn, kjörið til að ata sig út!

Mikið var af drullu í nágrenni við lækinn, kjörið til að ata sig út!

Lítill grassnákur varð á vegi okkar upp að bíl - mjög vandmeðfarið að halda á honum!

Lítill grassnákur varð á vegi okkar upp að bíl - mjög vandmeðfarið að halda á honum!

Leikið í hengirúmi vinnufélaga bóndans - yngsta heimasætan á bænum með.

Leikið í hengirúmi vinnufélaga bóndans - yngsta heimasætan á bænum er með.

Prófað að mjólka, reyndist snúnara en það leit út fyrir.

Prófað að mjólka, það reyndist snúnara en það leit út fyrir.

Öll saman á leiksvæðinu.

Öll saman á leiksvæðinu.

Eitt af stórbýlunum á safninu.

Eitt af stórbýlunum á safninu.

Heima á ný

Íslandsferðin tók enda allt of fljótt, þó alltaf sé gott að koma heim í sitt rúm og sæng.

Á mánudegi ókum við austur fyrir fjall og allt að Skógafossi, það var mikil aska í loftinu og sérkennilegt að upplifa þetta ástand í augnablik.  Merkilegt að moka ösku úr grassverðinum í krukku til að gefa vinum í Þýskalandi og einnig að vita af sól og blíðu fyrir ofan öskuskýið.  Eftir ferðina þurftu allir að fara í sund til að skola af sér öskuna.

Á þriðjudegi fórum við í bæinn, heimsóttum bókaútgáfur og ferðamannaverslanir, hittum tengdamömmu og bróður bóndans.  Sú sveimhuga fór og kvaddi vinkonur og stórfjölskyldan safnaðist saman hjá ömmunni og afanum í kvöldverð.

Nánast fyrir dögun á miðvikudegi var ætt af stað út á flugvöll – eins og vanalega.  Allt gekk venju samkvæmt og kom á óvart hvað krakkarnir voru sátt við að fara aftur heim.  Þangað vorum við komin fyrir kvöldmat, nægilega snemma til að hægt væri að komast í búð þar sem fimmtudagur var helgidagur og allar verslanir lokaðar.

Á fimmtudegi var Fronleichnam, kaþólskur helgidagur – við fórum niður í bæ með Ameríkönunum til að fylgjast með siglingarkeppninni árlegu, það helliringdi eins og vikurnar tvær þar á undan!  Icelandair liðið með eldfjallinu komst ekki á blað – en við hrópuðum stuðning til þeirra.

Á föstudegi brast á með brakandi blíðu, eftir skottúr í IKEA fórum við ásamt ameríska kvenpeningnum til Saurucken við Entringen.  Þar er útivistarsvæði með afgirtum villisvínum, dádýrum og geitum, þremur grillsvæðum, læk og leiktækjum.  Vorum við þar fram undir kvöldmat í tæplega þrjátíu stiga hita og sól.

Á laugardegi var alþjóðleg Afríkuhátíð í bænum, við skruppum þangað og seinna um daginn í mat til vinnufélaga bóndans.  Þar var setið úti til að verða 10 um kvöldið í ljúfu sumarveðri.

Á sunnudegi ókum við yfir í Svartaskóg og heimsóttum Árbæjarsafn þeirra – Freilichmuseum heitir það.  Ekki voru nein kot þar til sýnis – sumir búgarðarnir svakalega stórir.  Svo voru kindur, geitur, kýr, hestar, hænur og gæsir sem þáðu grastoppa frá krökkunum.

Á mánudegi fer lífið aftur í fastar skorður, skólinn byrjar aftur hjá stelpum og leikskóli hjá þeim skapmikla – svo bíðum við spennt eftir fyrstu gestum sumarsins og vonum að veðrið leiki við þau.