Eggert Sólberg
sept. 26th, 2006
sept. 26th, 2006
Brók og bót
Hef verið að fletta gömlum Þjóðbrókarblöðum í dag. Margt þar mjög áhugavert. Fann þar m.a. vísu sem ort hefur verið um gjaldkerann í þessum merkilega félagsskap (eða kannski almennt um gjaldkera). Veit ekki hver orti.
Ef féhirslur tæmast, þá fölnar mitt vald
þó fögrum titli flíki.
En ef þú borgar uppsett gjald
áttu himnaríki
Annars þá fannst þeim sem ég talaði við á Bókhlöðunni nöfnin á afurðum þjóðfræðinema vera ansi skrýtin. Félagið heitir Þjóðbrók og blöðin sem félagið hefur gefið út: Lesbrók, Þjóðbrókarbót og Slæðingur. Á sínum tíma var haldin samkeppni um nafn á ritið og sigraði nafnið Læðingur en þar sem það var í notkun var S-inu bætt framan við.
Lesbrók þótti ekki nógu virðulegt. Fengu ritstjórar sem seinir voru á ferð á sig komment á við “Hysjaðu nú upp um þig Lesbrókina” frá ákveðnum prófessor.
Já… þjóðfræðingar hafa sko húmor
Lesbrók var líka efnisminna blað en Slæðingur, meira svona eins og fréttabréf.
Mér finnst Slæðingur töff nafn
Held að heimasíðan okkar fína sé nú alveg búin að útrýma þörfinni fyrir neins konar fréttabréf…
Slæðingur er mjög flott nafn, ekki misskilja mig. Ég held að mjög fá nemendafélög gefi út fréttabréf eftir að heimasíðurnar komu til sögunnar. Sá reyndar eitt frá bókasafns- og upplýsingafræðinemum í Odda um daginn.
Blöðungur já… held samt að það sé það eina sem þau gefa út, held að það sé ekkert stærra rit. Eða hvað? Óli?
Við Óli gáfum út Blöðung í febrúar 2005 sem var í stærri kantinum. Held hann hafi bara verið gefin út á netinu síðasta vetur. Veit ekki hvað þau eru að gera núna…
Þessi var svona lítið fréttabréf í A5 broti, svona 16 síður sýndist mér, mest fréttir frá síðasta skólaári. Fer sjálfsagt soldið eftir því hvað er duglegt fólk í ritstjórn