Helga Jóna bjargar mér frá því að læra og bendir á netpróf sem segir að ég sé menningarnjörður. Veit ekki hvort mig langi mest til Amsterdam af öllum stöðum, en væri samt alveg til í að fara til New York og Beirút. Mig langar samt eiginlega meira til Alaska og Darien gap þó staðirnir lendi á “stay away from” listanum. Ég er samt nokkuð viss hvað ég ætla að gera í sumar. Þessir staðir eru ekki inn í því plani.
 |
| |
Your travel type: Culture Buff
 The culture buff needs to see a museum, an art gallery, a 16-th century church every day during his holiday. When he travels he is always well prepared. He has read history books, speaks a few words of the lingo, knows about the strange habits the locals have.
|
 |
| |
top destinations:
Amsterdam
New York
Beirut |
stay away from:
Alaska
Las Vegas
Darien Gap |
get your own travel profile
Ræður Steingríms J. Sigfússonar eru orðnar nokkuð fyrirsjáanlegar. Í ræðu sinni á Landsfundi VG um helgina minntist hann 10 sinnum á stjórnarandstöðuna, aldrei nefnir hann þó flokkana þar á nafn. 12 sinnum minnist hann á Sjálfstæðisflokkinn eða íhaldið. Flokkurinn sem átti hug hans allan þegar hann samdi ræðuna var þó Framsókn. Alls nefnir hann flokkinn 21 sinni í ræðunni sem er nokkuð merkilegt þar sem hann nefnir þann ágæta flokk jafn oft og sinn eigin flokk. Ég held svei mér þá að Steingrím dreymi um samstarf með Framsókn eftir kosningar.
Syngur Ný dönsk. Í kjölfar aðgerða íslenska bóndans anda erlendir klámkóngar og drotningar ekki að sér flóru landsins. Ef þeir gera það, verða þeir fullklæddir og ekki saman í hóp. Kyndilberar frelsisins úthrópa þá á torgum sem óvini ríksins sem vilja sem minnst af þessum gestum vita eða vilja ekki sjá þá . Frelsið er yndislegt, ég geri það sem ég vil. Frelsisins vegna er sunnlenskum bændum það í sjálfsvald sett hvort þeir selja land undir virkjanir í neðri hluta Þjórsár eða ekki. Frelsið virkar jú þannig að enginn getur neitt neinn til að selja vöru eða þjónustu og enginn getur neitt neinn til að kaupa vöru eða þjónustu. Hér á Íslandi er frelsið reyndar nokkuð skrýtið. Frelsið er yndilsegt, ég geri næstum það sem ég vil.
Ég sat líklega í dag minn síðasta Stúdentaráðsfund þar sem ég hef atkvæðisrétt, þó sá fundur hafi ekki staðið lengi. Dagný var kjörinn formaður nýs ráðs sem er ágætt. Af þeim sem komu til greina treysti ég henni best til þess að leiða baráttuna næsta árið. Ég fékk tækifæri til að starfa með henni á síðasta kjörtímabili í menntamálanefnd og líkaði það samstarf mjög vel. Núna vona ég að samstarfið milli Röskvu og Vöku verði gott. Ekki veitir af enda kosningar í vor þar sem ráðið verður að vera trúverðugt út á við. Það samstarf byggist ekki eingöngu á vilja Röskvuliða. Stúdentaráðsliðar Vöku bera ekki síður mikla ábyrgð á að ráðið virki trúverðugt í baráttu fyrir hagsmunum stúdenta.
Samræmd próf í grunnskólum eins og þau eru í dag eru úrelt aðferð til námsmats og ber að leita nýrra leiða til að meta getu nemenda. Grunnskólar eiga að stefna að einstaklingsmiðaðra námi en prófin falla ekki að því markmiði enda er hætta á því að skólarnir verði steyptir í sama mót. Fréttastofa Útvarpsins sagði frá því núna áðan að til skoðunar væri hjá Námsmatsstofnun að endurskoða framkvæmd prófanna. Í stað núverandi prófa kæmu einstaklings miðuð munleg próf í tölvum. Ég dansa gleðidansinn þegar það fer í gegn og verð alls ekki einn um það.
Ég fer í klippingu í næstu viku. Vilji einhver kaupa mína gyltu hárlokka þá kem ég til með að sjá um söluna sjálfur en læt ekki rakarann græða á hárinu sem ég hef sjálfur lagt mikla vinnu við að rækta. Tilboð óskast.
Nei, hættið nú alveg. Áfengissjúk, fyrrverandi söngkona á barmi taugaáfalls rakar af sér hárið. Í stað þess að fjölmiðlar sýni henni skilning og stuðning á erfiðum tímum fjalla þeir um málið eins og hópur svangra úlfa. Loksins komust þeir í eitthvað feitt sem mettar hjörðina alla. Rjóminn ofan á þetta er síðan þegar eigendur hárgreiðslustofunnar taka upp á því að bjóða hárið, rakvélina, kveikjara og tóma bjórdós til sölu.
Þetta mál minnir mig reyndar á tíma í Efnismenningu fyrir tveimur árum þar sem Gavin Lucas, fornleifafræðingur fjallaði um rusl og ásókn manna í rusl stórstjarna. Það er víst til markaður fyrir „Star Trash“. Þessi heimur okkar er svo furðulegur.
Í stað þess að vinna eitthvað í þessum þremur ritgerðum sem ég þarf að skila í vor skrifa ég tilgangslausa færslu inn á bloggið mitt þar sem ég kvarta undan því að ég hafi of mikið að gera.
Hvað eiga Gabon, Líbýa, Bahrain, Kongó, Haítí, Eþíópía og Ísland sameiginlegt?
Rétt svar er að þessar þjóðir eru allar á svipuðum slóðum á styrkleikalista FIFA í knattspyrnu karla. Samkvæmt listanum sem birtist í dag er Ísland í 95. sæti. Kvennalandsliðið sem fær mun minni athygli og fjármagn en á engu að síður miklu meiri möguleika á að komast í úrslitakeppni stórmóts situr í 21. sæti á sínum lista.
Þessi skrif Kiddu eru þörf lesning fyrir áhugamenn um VG og Álafosskvosina. Sérstaklega dreg ég út eftirfarandi kafla:
Hann [Karl Tómasson, oddviti VG í bæjarstjórn Mosfellsbæjar] taldi það meðal annars fram sem rök að ef öll framkvæmdin yrði sett í umhverfismat eins og stungið var upp á yrði það töf og mikill kostnaður fyrir bæjarfélagið. Það vakti áhuga minn að talsmaður umhverfisverndarflokks skuli ekki verðleggja hærra náttúruna og ómetanlega perlu bæjarins því í huga margra er Álafosskvos hjarta bæjarfélagsins.
Össur álíka góðan sprett á sínu bloggi:
Á meðan eru það hinir iðjagrænu vinir okkar í VG að taka á sig til skiptis hami Dr. Jekylls og Mr. Hyde í verndarmálum. Meðan Dr. Jekyll með glampandi skalla ættaðan af Gunnarsstöðum norður berst einsog vitlaus maður fyrir náttúruvernd á Alþingi er hann með Mr. Hyde með umhverfistagl lafandi úr hnakkagrófinni í stóli forseta bæjarstjórnar í Mosfellssveit. Þar hamast Mr. Hyde Vinstri hreyfingarinnar - græns framboðs einsog laminn þræll íhaldsins sem hann situr með í meirihluta í Mosfellsbæ og hafnar á báðar hendur sanngjörnum óskum um umhverfismat á veglagningu um viðkvæmustu svæði sveitarinnar á bökkum Varmár.
Oddviti VG í sveitinni er semsagt orðinn umskiptingur og virðist sérstakt kappsmála að eyðuleggja umhverfisperluna sem Varmárbakkar eru og ég flutti um innblásna ræðu í Hlégarði 1994 hjá náttúruverndarsamtökum í sveitinni. Nöturlega var að lesa um að oddviti VG hefði hímt bak við gluggatjöld meðan fólkið mótmælti og þorði ekki að láta sjá sig. Er semsagt nóg að rífa kjaft á Alþingi - en leyfa flokknum í meirihlutanum í Mosfellsbæ að fremja hernað gegn landinu?
Glöggir aðdáendur mínir hafa kannski tekið eftir að ég skipa 17. sæti á lista Framsóknarflokksins til Alþingis í Suðvesturkjördæmi. Samkvæmt könnun Fréttablaðsins í gær kemst ég ekki inn á þingi. Ég er byrjaður að leita skýringa á því. Auðvitað er úrtakið allt of lítið en annars dettur mér í hug að þingmenn kjördæmisins séu of fáir eða of margir listar séu í framboði. Hvort tveggja eru mál sem þarf að skoða betur. Burt séð frá því þá held ég að margir hefðu gagn af því að horfa á þennan þátt með Penn and Teller sem fjallar m.a. um hvernig tölur og kannanir eru notaðar í áróðri.