Eggert Sólberg
júlí 17th, 2007
júlí 17th, 2007
Blautar einingar
Ég er kominn heim eftir námskeið í Árósum með 5 einingar í farteskinu. Það var merkilega gott að komast burtu frá tölvupósti, bloggi, fréttum og öðru daglegu áreiti í hálfan mánuð. Ég hafði hugsað mér að minnast eitthvað á veðrið þar sem það rigndi eitthvað, næstum upp á hvern einasta dag á meðan dvölinni stóð. Rigningin truflaði mig þó lítið, varð kannski frekar til þess að meiri tími fór í lestur en ella. Ég hætti hins vegar við að tala um rigninguna eftir að hafa skoðað myndirnar sem Maggi tók á Hróarskeldu. Þar var aðeins meiri bleyta. Hann setur þær vonandi fljótlega inn á netið þannig að fleiri geti notið.
Þú ert voðalega mikið að pæla í rigningunni. Hún angraði mig eiginlega aldrei og olli alls ekki meiri lestri af minni hálfu.
Kannski er ég meira að pæla í rigningunni eftir að hafa fengið að heyra það ítrekað, bæði á meðan ég var úti og síðan ég kom heim hversu gott veðrið var á Íslandi. En til þess að flækja þetta enn frekar þá fór sólin í Kaupmannahöfn á mánudaginn mun meira í taugarnar á mér en rigningin í Árósum.