Eggert Sólberg
maí 18th, 2008
maí 18th, 2008
Brottfluttur árgangur
Þegar ég var yngri taldi ég árin þar til ég myndi fermast enda trúði ég því þá að það yrði einhver stærsti atburður lífsins. Í minningunni er fermingin ekki stærri en svo að ég hef ekki talið árin frá því að ég fermdist. Í raun hefði ekki vitað að ég ætti 10 ára fermingarafmæli í ár nema vegna þess að Halla minnti okkur bekkjarsystkinin á það. Á þessum 10 árum hefur margt breyst eins og gerist og gengur. Ég áttaði mig samt ekki á því fyrr en í gær að eftir í Borgarnesi eru aðeins búsett þrjú af bekkjarsystkinum mínum. Tvö af þremur eru líklega að flytja þaðan í sumar. Af góðum árgangi Borgnesinga verður þá líklega aðeins einn búsettur þar í haust.
Jebb, ég held að restin af mínum árgangi sé að flytja frá Vopnafirði í sumar eða haust.
Landsbyggðin lengi lifi!
Það segir samt enginn að einhverjir muni snúa aftur einhvern tíma seinna
Við skulum ekki örvænta strax að einn besti árgangur sem upp hefur komið séu allir búnir að snúa baki í æskuslóðirnar!
Það er alveg rétt. Við skulum ekki útiloka “comeback” seinna meir.
Já nákvæmlega – þegar við siglum yfir þrítugt þá fara nú einhverjir að snúa til baka.
Aldrei að vita nema ég hitti ykkur í sundleikfimi í íþróttahúsinu einhverdaginn