Mínar síður:

Gamalt:

Theme:


26. september 2005

Ný Vopnfirðingabörn

Flokkað sem: Ýmislegt — Eygló @ 22:14

Í nótt fæddust tvö Vopnfirðingabörn.
Agnes og Hörður eignuðust prins. Elías og Viktoría eignuðust drottningu. Til hamingju með stóru kraftaverkin.

Útskrift, partý og hversdagur

Flokkað sem: Fjölskyldan — Eygló @ 21:47

Þá er ég búin að skila verkefninu góða og bíð spennt eftir dómi. Útskriftin er 22. október, fyrsta vetrardag. Er með miklar pælingar varðandi útskriftina. Langar að hafa smá veislu…eða stóra veislu. Langar líka að kaupa mér fín útskriftarföt. Kannski að maður skoði það betur um næstu helgi. Einhverjir úr fjölskyldunni minni ætla að koma en það veltur svolítið á vinnu, veðri og heilsufari. Vona að skilyrðin verði góð.

Við vorum með innflutningspartý um helgina. Það var gaman en mætingin hefði mátt vera betri. Ætli það sé virkilega svona erfitt að taka strætó í Breiðholtið? Við sátum bara að sumbli fram eftir nóttu og svo fóru flestir heim. Áform um að fara í bæinn runnu auðvitað út í sandinn eins og svo oft áður, enda eru eldhúspartý best!

En núna er yndislegur hversdagsleikinn allsráðandi. Er oftast að vinna 9-5 og svo get ég gert það sem mér sýnist frá 5-9 :) Eins gott að mér gangi vel að nota tímann í eitthvað skemmtilegt.

Góða nótt!

21. september 2005

BA – ritgerð

Flokkað sem: Skólinn — Eygló @ 23:09

Tvö eintök af BA – ritgerðinni minni bíða þess að verða skilað á skrifstofu félagsvísindadeildar á morgun. Eitt eintak bíður þess að fá heiðurssess í einhverri bókahillunni á þessu heimili og enn eitt bíður þess að verða sent til Norðfjarðar.
Það er GÓÐ tilfinning að vera búin! Takk allir sem hjálpuðu til :*

18. september 2005

Bláklukka

Flokkað sem: Pælingar — Eygló @ 18:54

Jæja, þar kom að því að ég var klukkuð, búin að bíða eftir því síðan 2. ágúst!

En hér koma 5 staðreyndir um mig:
1. Mér finnst gaman að fletta auglýsingabæklingum.
2. Ég sakna þess að hafa ekki fjölskylduna mína nær mér. Stundum væri gaman að geta boðið mömmu og pabba í kaffi eða skroppið í stutta heimsókn til ömmu og afa.
3. Eitt það skemmtilegasta sem ég geri er að spjalla við Óla.
4. Ég safna uppskriftum, hef gaman af því að skoða uppskriftir en ég elda mjög sjaldan eftir uppskriftum.
5. Draumalöndin mín eru Færeyjar og Indland.

Ég klukka Ollu, Ásgeir, Ingibjörgu, Sigga og Jóhönnu. Koma svo!