Mínar síður:

Gamalt:

Theme:


18. nóvember 2005

Frostrósatónleikar

Flokkað sem: Tónlist — Eygló @ 15:23

Mig langar doltið á stóru Frostrósatónleikanna sem verða 10. desember. Finnst samt doltið fúlt að uppáhalds Frostrósirnar mínar, Eivör og Ragnheiður Gröndal eru ekki með. Veit ekki hvað ég geri, svo veit ég ekki með hverjum ég ætti að fara. En það væri örugglega obbóslega hátíðlegt og indælt. Hugsihugs…

14. nóvember 2005

29 spurningar og svör

Flokkað sem: Persónulegt — Eygló @ 21:54

Óli benti á mig og auðvitað svara ég…

1. Hvað er klukkan? 22:55
2. Hvaða nafn er á fæðingarvottorðinu þínu? Veit ekki. Veit ekkert hvar fæðingarvottorðið mitt er.
3. Hvað ertu kölluð/kallaður? Eygló. Var stundum kölluð Glóa og Glógló mér til mikils ama. Einu sinni tók ég uppá því að vilja kalla mig Lóu, það stóð ekki lengi.
4. Hvað voru mörg kerti á síðustu afmæliskökunni þinni? Ekkert. Minnir hálfpartinn að það hafi ekki verið kaka heldur snittur og pinnamatur.
5. Hár? Ljóst, krullað, sítt.
6. Göt? 7 náttúruleg.
7. Fæðingarstaður? Fjórðungssjúkrahúsið í Neskaupstað
8. Hvar býrðu? Í Bökkunum.
9. Uppáhaldsmatur? Rjúpur, lambalæri og hamborgararnir á American Style (er hægt að fá leið á þeim?)
10. Einhvern tíma elskað einhvern svo mikið að það fékk þig til að gráta? Já
11. Gulrót eða beikonbitar? Gulrót
12. Uppáhalds vikudagur? Föstudagar
13. Uppáhalds veitingastaður? Bautinn á Akureyri
14. Uppáhalds blóm? Rósir
15. Uppáhalds drykkur? Kók.
16. Disney eða Warner brothers? Disney
17. Uppáhalds skyndibitastaðurinn? American Style! Hvað annað?
18. Hvernig er teppið í svefnherberginu á litinn? Ekkert teppi í svefnherberginu.
19. Hver var síðastur til að senda þér tölvupóst? Plúsinn :(
20. Í hvaða búð mundir þú vilja botna heimildina á kreditkortinu? Next
21. Hvað gerir þú oftast þegar þér leiðist? Hringi í mömmu, hangi á netinu eða les.
22. Hvaða spurning sem þú færð fer mest í taugarnar á þér? „Er ekkert að frétta?“
23. Hvenær ferðu að sofa? Milli 22.30 og eitt.
24. Hver verður fyrstur til að svara þér þessu?
25. Hver af þeim sem þú biður um að svara þessu er líklegastur til að svara ekki?
26. Uppáhalds sjónvarpsþáttur? Survivor
27. Með hverjum fórstu síðast út að borða? Hjördísi
28. Ford eða Chevy? Ford?
29. Hvað varstu lengi að klára að svara þessu? 10 mínútur.

Ég bendi á Trillurnar (allar þrjár), Svalbaunina og Frú Jóhönnu.

Kitl

Flokkað sem: Persónulegt — Eygló @ 21:50

Sumir bregðast seint við…
Listi af hlutum sem ég vil ekki eða get ekki.

1. Ég vil ekki reykja

2. Ég get ekki bakkað í stæði

3. Ég get ekki verið kærulaus

4. Ég vil ekki eiga jeppa

5.Ég get ekki talað færeysku

10. nóvember 2005

Snyrting, jól og myndir

Flokkað sem: Persónulegt — Eygló @ 16:42

Ég fór í fótsnyrtingu í gær. Ekki það að ég var með afskaplega fallega fætur fyrir en siggið á hælunum var aðeins að plaga mig og svo langaði mig líka í góð ráð um fótahirðu. Þetta var mjög notalegt og hér eftir verð ég með mjúka fætur. Stefnan er svo sett á handsnyrtingu eftir nokkra mánuði en þess má geta að ég hef ekki nagað neglurnar síðan ég skilaði BA-verkefninu. Hvort um orsakasamband er að ræða skal ósagt látið.

Ég er farin að hlakka mikið til aðventunnar og jólanna. Á morgun ætla ég að kíkja í búðir og kaupa kannski einhverjar jólagjafir. Svo erum við búin að ákveða að steikja laufabrauð sunnudaginn 4. desember (með fyrirvara um breytingar). Það verður fjör. Svo stefni ég að því að baka smá smákökur og búa til konfekt. Það verður gáfuleg tilraunastarfsemi.

Við Óli erum búin að opna myndasíðu. Þeir sem vilja lykilorð verða að senda mér eða Óla tölvupóst. Við erum frekar viljug að gefa lykilorð svo ekki vera feimin.

6. nóvember 2005

The Librarian

Flokkað sem: Netpróf — Eygló @ 02:24

Ég er the librarian, kemur á óvart…..
(more…)

3. nóvember 2005

War of the Worlds

Flokkað sem: Tónlist — Eygló @ 21:32

Þegar ég var lítil hlustaði ég stundum á War of the Worlds, plötu sem mamma átti. Í mestu uppáhaldi var byrjunin en oft hlustaði ég á meira. Auðvitað var öll sagan á ensku og í raun vissi ég lengi vel ekkert út á hvað þetta gekk en tónlistin er svo brilljant að hún skilaði spennunni og óhugnaðinum. Er núna að hlusta á upphafið og hef á stefnunni að hlusta á þetta í heild sinni á næstunni. Finnst þetta ennþá æði.

Deluxe Librarian Action Figure

Flokkað sem: Daglegt líf — Eygló @ 13:36

Ég var að fá útskriftargjöf frá Óla í dag. Það var hvorki meira né minna en Deluxe Librarian Action Figure. Óli kom með gjöfina í vinnuna til mín í morgun. Hún vakti lukku :)