Hvað meina menn með því að festa gengið þegar engin innistæða er fyrir því?
Hvað eru menn að spá að neita aðstoð frá Noregi? Hvað þýðir það að kannski seinna í vikunni verði hafnar viðræður við Rússa? Við stefnum hraðbyri á hausinn öll með tölu. En hvað þýðir það að ríkið fari í gjaldþrot? Þýðir það ekki að það verða ekki til peningar til að borga laun, það verða ekki til neinir peningar til að borga atvinnuleysisbætur, það verða ekki til peningar til halda uppi heilbrigðisþjónustu, það verða ekki til peningar til að halda opnum skólum o.s.frv. Hvernig byrja þjóðir á núlli?
Nú skulum við bara öll vera þakklát fyrir sjávarútveginn, landbúnaðinn og álverksmiðjurnar okkar. Það er það eina sem mögulega getur bjargað okkur í þessari stöðu. En það eru harðindi framundan, það er nokkuð ljóst.
On our own
Standing alone
Always we got by on our own
Roads are long and oceans far and wide
Nights are cold and skies are dark and gray
Ride the autumn wind and evening tide
Time is long and land is far away
Týsararnir eru komnir til landsins. Þeir spila á fjórum tónleikum um helgina, á Paddy’s í Keflavík á morgun, fimmtudag; Græna Hattinum Akureyri á föstudaginn, Nasa á laugardaginn og Hellinum á sunnudaginn.
Týr verður í Smekkleysu plötubúð, Laugavegi 35, kl 17:00 í dag og ætlar að árita diska og einnig plaköt sem hljómsveitin mun gefa. Takmarkað magn plakata er til. Fyrstir koma fyrstir fá.
Miðasala á tónleika Týr er í Smekkleysu plötubúð, Paddys og Hljómval Keflavík og í Pennanum Akureyri.
Gjaldmiðlar heimsins falla hratt en elsku krónan okkar bara fellur enn hraðar. Eins og staðan er í dag þarf að borga 106 íslenskar krónur fyrir einn bandarískan dollara. Samt er dollarinn í raun miklu minna virði en hann var fyrir stuttu síðan. Ef krónan væri að falla á sama hraða og dollarinn myndu þau haldast í hendur, ef krónan væri stekari þyrftum við að borga færri krónur fyrir dollarann. Þannig er ég a.m.k. að skilja þetta, ef þetta er rangt eða alltof mikil einföldun má einhver leiðrétta mig.
Það er 14,5% verðbólga á Íslandi á ársgrundvelli. Við fáum sennilega að heyra í fréttum í dag hver hún er á mánaðargrundvelli, það hlýtur að vera skuggaleg tala. Það er langmesta verðbólgan á Íslandi, a.m.k. innan OECD landanna. Til samanburðar eru verðbólga innan Evru-landanna 3,6%. Þegar við Óli vorum að taka íbúðarlán fyrir rúmum þremur árum þá reiknuðum við með 3% verðbólgu til sjá hvernig afborganir myndu þróast. Ég hef ekki lagt í að skoða reikninginn fyrir þennan mánuð til að sjá stöðu lánsins.
Stjórnvöld geta ekki endalaust kennt “umheiminum” um ástandið. Umheimurinn er ekki að hjálpa til en það er eitthvað miklu meira að. Svo bara brosir forsætisráðherrann útí annað og kaupir banka.
Að lokum vil ég segja að Sjálfstæðisflokkurinn er ömurlegt batterí! Og í næsta góðæri skulum við öll muna hvernig ástandið var hérna í kringum 2008…
