Hjúkkit

Mér finnst mjög skrýtið hvernig mann dreymir. Þá er ég ekki að tala beint um innihald draumanna heldur staðina sem maður er á í draumum.
Til dæmis dreymir mig alltaf að ég eigi heima í sama húsinu, ég er farin að þekkja það mjög vel og samt hef ég aldrei séð það í alvörunni. Það sama á við um einhvern sal sem er alltaf sá sami (ekki að ég viti hvað ég er alltaf að gera í einhverjum sal!) Svo er húsið hennar ömmu (þar sem hún átti heima, ekki elliheimilið) alltaf það sama, með mjög krípý stigagangi!
Er ég bara skrýtin eða er þetta algengt??
pælaraJóhanna

Ég er farin að halda að ég sé með ósýnilegt nafnspjald á mér eða eitthvað. Það er  búið að koma svo oft fyrir hérna að fólk kallar á mig með nafni og ég hef ekki hugmynd um hvernig það veit hvað ég heiti. Ekki það að mér finnist það neitt verra, enda er nafnið mitt ekki leyndarmál, heldur finnst mér það bara svolítið skrýtið….

Ég elska bus.is síðuna. Hún bjargar mér alveg þegar ég þarf að nota strætó. Það gerist reyndar ekki oft en án þessarar síðu væri í algjörlega týnd í strætókerfinu!

Ég verð að viðurkenna það líka Telma að minn húmorþroski er akkúrat á þessu stigi, ég veit ekki af hverju en ég hlæ alltaf að kúk og piss bröndurum!!

Kristín, hvort eigum við að hittast á morgun eða hinn? Viltu koma í kaffi og með því? Mínus kaffi, plús bjór?

Draugadrjóli:
Þú finnur hann koma út en það er enginn kúkur í klóinu þegar þú kíkir.

Sprengja-æð-í-enninu hnulli:
Sá sem þú þarft að hafa svo mikið fyrir að koma frá þér að þú færð næstum slag.

Mænustunguskítur:
Þessi er svo brjálæðislega sársaukafullur að þú ert viss um að hann er á leiðinni út þversum.

Rasskinnableytuþrumari (Orkuþrumari):
Fer út á svo miklum hraða að afturendinn á þér rennbleytist af klósettvatni.

Klippikúkur:
sem er svo langur að þú þarft að kúka - klippa - kúka - klippa…….

Þetta er sem sagt nýja síðan mín sem mun verða fín

Það hefur skapast sú undarlega hefð (gerist bara óvart) að Kolla (og stundum Jón Úlfur) koma í heimsókn og þá yfirleitt mat á miðvikudagskvöldum. Og það bregst þá ekki að Tískuþrautir eða þarna þátturinn er í sjónvarpinu á meðan við borðum.

Núna á miðvikudaginn gerðist það svo að Kolla var ekki í heimsókn og ég þurfti að horfa á þáttinn með öðru auganum ein!

Kolla, haltu áfram að koma í miðvikudagsheimsóknir!!!

Annars er ég í vinnunni núna. Mér telst svo til að þetta sé næst seinasta vinnuhelgin mín hérna, það er svolítið skrýtið, ég er ekki tilbúin í það að sumarið sé að verða búið, mér finnst það bara vera rétt að byrja. Aðrir í svipuðum fíling?

Ég er meira að segja búin að fá pósta frá tilvonandi kennurum um kennsluefni. Skrýtið!

Í fyrradag fórum við Hlynur í ísbíltúr með ömmu. Amma át ísinn á tveimur mínútum sléttum. Hún fær hér með verðlaun fyrir hraðát á ís….

Ég sendi Helgu Jónu góða strauma fyrir daginn.