Heimilið mitt tæknivæðist með hverjum degi. Núna erum við skötuhjúin komin með tvær tölvur, ekki seinna vænna þar sem við erum nú tvö í heimili (kannski tvö og hálft ef Patti er tekinn með).
En þrátt fyrir það þá eigum við ekki enn þráðlausan heimasíma. Það má einhver góðhjartaður taka þá gjöf á sig.
Patti er orðinn sjúklingur enn eina ferðina. Nú þarf hann að fá stíla og krem. Æði!
Ætla ekki allir að fara á Mýrina í kvöld?
Gott partý hér í gærkvöldi. Allir stólar heimilisins voru uppteknir og ég held að það hafi ekki gerst áður…
Sem sagt mikið af fólki. Og allir höfðu fyrir því að koma í einhverskonar búning nema Keflavíkurdömur (og herra) sem líta greinilega of stór á sig til að taka þátt í svona löguðu… Iss, piss!!! 
Það var ansi þreytt,nokkuð sjúskuð en ánægð Jóhanna sem vaknaði í morgun. Ótrúlegt hversu mikið magn af bollu getur horfið ofan í fáa munna…
Ég vona bara að fólk hafi skemmt sér ágætlega…
Núna er ég ennþá að reyna að klambra saman ritgerð sem er búin að halda fyrir mér vöku í rúma viku núna! Ég stefni á að klára hana um helgina, eins gott að það takist hjá mér, ekki eins og það sé ekki nóg sem þarf að gera…
Ég hefði samt viljað gera meira á skikkanlegum tíma í kvöld en þegar ein Andrea á bauninni krefst mikillar athygli þá er það eiginlega ekki hægt. Þá er eins gott að missa bara aðeins meiri svefn á þessu…
(ég er að reyna að vera ekki bitur kvartari í þessu bloggi, hef það á tilfinningunni að það hafi ekki tekist vel).
Það er örugglega ömurlegt í London þar sem hluti af fjölskyldunni minni er, glatað að vera í útlöndum, hver vill ekki vera í hörkudembu á Íslandi?
GlaðaJóhanna!!
Ég er að lesa mjög góða bók sem heitir Flugdrekahlauparinn. Mæli með henni. Ég fékk hana þó á slæmum tíma því að núna eyði ég meiri tíma en góðu hófi gegnir við lestur hennar en ekki jafn miklum tíma við að læra eins og ég ætti að vera að gera.
Nú er ég samt að reyna að vera dugleg og læra, sjáum hvernig það gengur, ég sit allavega og hnerra og er með rauðsprengd augu, ég lít þá kannski út fyrir að hafa lært meira!
Ég fór á Draugasetrið á Stokkseyri um helgina, það var mjög gaman. Við vorum alveg búin að gíra okkur upp í það að einhver kæmi og hræddi okkur (það voru “draugar” á setrinu sem voru í því að láta okkur bregða) og vorum alveg tilbúin með öskrin (allavega ég). Við fengum svo að kíkja í safnið sem er verið að útbúa þarna en það er um álfa, tröll og norðuljós og ég er ekki frá því að það verði eitt það flottasta sem ég hef séð.
Mamma mín átti afmæli á laugardaginn og af því tilefni fórum við út að borða á Horninu á sunnudaginn. Það var mjög ljúft. Reyndar fórum við líka í tilefni þess að Anna Rán á afmæli í dag. Hún er orðin 17 ára og fær því bílpróf við tækifæri.
Til hamingju með daginn sæta
Nú er veturinn endanlega kominn held ég. Ég var úti í gær með húfu, vettlinga og trefil og í dag þurfti ég að skafa af bílnum mínum áður en ég fór í skólann. Iss. En það er samt fallegt úti þannig að ég gat dáðst að hrauninu á brautinni áðan:)
Ég er að rembast við að skrifa ritgerðir, það gengur satt að segja bara ágætlega þó að það mætti alveg ganga betur… Er það ekki alltaf svoleiðis??
Þetta kom aftur og aftur í morgun í vinnunni. Það kemur voða dramatísk rödd sem segir manni að eldur sé laus í byggingunni og manni er bent á að yfirgefa húsið strax. Eftir smá stund kemur alltaf sama rödd og segir manni að það sé engin eldur laus í byggingunni.
Skemmtilegt!
Svona er þetta aftur og aftur á milli byggingarhljóðanna hérna uppi.
Er nema von að maður verði geðveikur!
Ég bið þjóðfræðinema (þá fáu sem mættu) afsökunar á að hafa ekki komist í gær í keiluna. Ég fór út að borða með glæstum píum á Óliver í tilefni þess að hún Helga átti afmæli. Reyndar átti hún Sigrún afmæli nokkrum dögum áður (og bauð okkur í himneskar veitingar) þannig að ferðin var nú að nokkru leiti henni til heiðurs líka.
Ég í mínum plebbaskap hafði aldrei áður farið á Óliver, ég var þó búin að heyra alls kyns sögur og vissi ekkert við hverju ég átti að búast þegar ég loksins lét sjá mig þar.
Ég verð eiginlega að segja að mér fannst staðurinn ágætur en mér fannst maturinn ekki sérstakur. Ég held að af þeim átta sem voru við borðið og borðuðu með mér hafi tvær verið virkilega hrifnar af matnum. Mér finnst það nú heldur lítið miðað við fjölda og að maturinn er nú ekki ókeypis heldur. Bjórinn var líka dýr þannig að ég er nú ekkert viss um að ég fari þangað aftur í bráð.
Eftir að vera búnar að sitja þarna í nokkra klukkutíma þá kom að þessu hefðbundna “hvert eigum við að fara”. Þetta var ekki alveg djammdagurinn minn í gær þannig að ég ákvað eiginlega bara að stinga af eftir að vera búin að kíkja inn á nokkra staði með þeim. Mig langaði alveg að djamma en nennti eiginlega ekki að standa í því. Kannast einhver við þá tilfinningu?
Allavega þá fór ég bara heim en stelpurnar héldu áfram. Svo vakna ég kl. 7 í morgun við símann og dyrabjölluna. Þá voru þær að veltast heim. Þetta kalla ég nú úthald!
Verð eiginlega að segja að ég fékk smá öfundartilfinningu yfir að hafa ekki verið á djamminu en var öllu glaðri þegar ég vaknaði aftur til að fara í vinnuna og leið þá bara ekkert illa…
Góð skýrsla ekki satt?
Nú sit ég hjá henni Andreu á bauninni sem þykist ekki vilja fara að sofa, það er erfitt að vera sex ára!!
Er voða mikið í vinnunni þessa dagana, þyrfti að sjálfsögðu að vera að læra, en svona er þetta nú bara
Núna er ég í vinnunni á flugvellinum. Svolítil munur frá því hvernig þetta var í sumar. En gaman engu að síður.
Er að reyna að mana mig upp í að gera verkefni. Það virðist ekkert ganga mjög vel!
Mig langar í rauðvín og osta….
Skrifa eitthvað sniðugt þegar mér dettur það í hug…
Það er kominn nýr fjölskyldumeðlimur hjá mér. Hann heitir Leó og er pínulítill tjúi sem systir mín var að kaupa. Hann er voða sætur.
Annars er allt gott að frétta. Finnst ég hafa svo mikið að gera að ég er nánast köfnuð. Held að ég hafi nú ekkert meira að gera en annað fólk, ég bara skipulegg mig ekki nógu vel!
Iss….
Gerði voða fátt um helgina, fór í matarboð og drakk rauðvín en hann Hlynur vann nokkrar rauðvínsflöskur í vinnunni sem við erum að dunda okkur við að smakka. Ekki amalegt það.
Held að ég hafi sjaldan átt eins mikið áfengi á ævinni og ég á núna. Ég á alveg úrval inn í skáp! Það er svolítið skrýtið.
Farin að læra
læriJóhanna
Já og Óli, mér líst ágætlega á breytinguna en hún mæti nú vera aðeins líflegri heldur þetta blóm
Hver breytti síðunni minni??
Ég vill byrja á því að óska öllum þjóðfræði börnum sem hafa fæðst að undanförnu til hamingju með komuna
Annars er bara fínt að frétta af mér. Var að borða gott læri í boði móður minnar. Lífið er alltaf gott eftir góðan mat. Ég fór á smá tjútt á föstudaginn með Helgu Jónu og skemmti mér bara helvíti vel. Kvöldið var alls ekki planað sem tjútt. Ég sat heima hjá Kollu og át pizzu og spilaði síðar Catan og hafði hugsað mér að fara að sofa eftir það en þá kom Helga eins og stromsveipur og dró mig út á lífið. Hittum aðeins Kristínu líka, það var ekki fyrir mikilli gleði fyrir að fara á þeim bænum. Ég vona að hún hafi nú fundið gleðina.
Mest spennandi fréttir sem ég hef eru þær að ég er að fara til Kúbu. vúhú… Um áramótin í 8 daga með þeim ágætu ferðafélögum Hlyni, mömmu og Önnu Rán. Ég geri mikla ráð fyrir að ferðin verði sú elskulegasta.
Ég er líka orðin SOS foreldri. Stelpan “mín” heitir Ester og er sex ára gamall Afríkubúi. Ekki amalegt það….
Annars er ég bara búin að vera að vinna.
Afrekaði það að fara til Kef. um daginn en gerði lítið annað en að horfa á A.N.T.M og skoða Kúbuferðir Og það er bara aldrei að vita nema að Sigrún vinkona verði bara líka um borð í þeirri vél…
Langaði að fara á ostadagana í Vetrargarðinum í Smáralind en fattaði það náttúrlega þegar ég var ekki í aðstöðu til að fara. Bömmer!
Ég er að fara til Kúbu, ligga, ligga lá….