Ég var að baka í kvöld og stillti á Bylgjuna og það verður að segjast eins og er að þeir sinna gamla fólkinu vel. Ég var bara í rokna stuði. Svo ég nefni dæmi; Gogo’s (það lá við að ég hringdi í Önnu systur og segði henni að stilla á Bylgjuna), Talking heads – ekki það að ég fíli þá eitthvað ógurlega, Haddaway – með What is love, kannski slæmt dæmi því það er auðvitað glatað lag, en það er bara svo mikið 92 eitthvað.
Það vakti mig síðan til umhugsunar þegar ég stillti á Smash hits í sjónvarpinu og þeir voru að sýna þátt sem heitir “Top 100 party anthems” hvað mikið hefur breyst síðan ég var upp á mitt, ja ekki besta, en uhm ákafasta eða eitthvað. Blessunin hún Tiffany rataði nefnilega í 8. sætið með “I think we’re alone now”, það góða númer og það vakti athygli mína að hún var kappklædd allt myndbandið, nema einu sinni sá ég skína í bera framhandleggi. Hún var meira að segja í hlýlegum peysum alveg upp í háls. Hvað gerðist?
Annars áttum við mægður góða stund fyrir framan sjónvarpið. Horfðum á tónleikana með Mika. Sóley er afar skotin í honum og var strax farin að leggja plön að því að sjá hann á tónleikum og ráðast upp á svið og kyssa hann 
. Svona geta kellur með þrjátíu ára aldursmun náð saman, það verður að virða það við mig að hann er öllu nær mér í aldri en henni…
Hvernig er þetta eiginlega með þig og karlmenn sem heita M-eitthvað? Mika, Michael (George), Mummi, Mortensen (Viggo) o.s.frv. Annars eru þetta allt óttalegir vælukjóar, nema Mummi auðvitað og svo er Mortensen danskur og það er stór plús.
Comment ritaði Stefán — 29. mars 2008 @ 15:04
Ekki gleyma Mads Mikkelsen. Þeir eiga það náttúrulega allir sameiginlegt að vera megabeibs (eða megahunks kannski frekar?)
Comment ritaði Kisumamma — 30. mars 2008 @ 14:53
Ég er í því að stilla á stöðvar með þessari frábæru mússík bæði í sjónvarpinu og útvarpi. Bara dásamlegt.
.
Já hann Mika er vinsælt krútt. Hér á heimilinu dilla allir sér þegar hann er settur á fóninn. Meira að segja húsbóndinn líka hi hi
Annars varð ég bara að hrósa þér fyrir frábæran pistil um Bretlandsferðina ykkar hjóna. Sé að þið hafið skemmt ykkur frábærlega. Ég sé það líka alveg svart á hvítu að ég verð að skoða eitthvað meira en oxford street næst þegar ég fer þangað …(roðn)
Bestu kveðjur frá Hollandi.
Comment ritaði Dagný — 2. apríl 2008 @ 16:31