Gneistinn

Áðan kláraði ég umsókn.  Ég setti hana með fylgiskjölum í umslag og lokaði.  Mér fannst ég hafa afrekað mikið og hélt upp á það með að taka aðeins til.

Annars virðist ég vera á góðri leið með að verða fræðimaður.  Ekki af því að ég er farinn að skrifa lærðar greinar heldur einmitt útaf öllum þessum umsóknum.  Vona að ég verði fljótari með hverja í framtíðinni.

Stórskemmtilegur bandítími hjá þjóðfræðinni núna áðan.  Ég náði að raða inn mörkum ólíkt því sem gerist þegar ég spila með Háskólakórnum.  Hugsanlega er kynjahlutfallið mér hagstæðara þarna en ég held að færnin sé aðalmunurinn.  Allavega breyttist leikurinn þegar Sigrún Ísleifs kom inn.  Hraðinn jókst.  Þetta var hressandi.

Þegar ég kom heim þá tók ég ofan húfuna og hárið stóð svoltið mikið upp í loft.  Mér fannst það svo skondið að ég tók mynd og ég deili henni hér með með ykkur.