Gneistinn

Ég var stressaðri en þegar ég fór í sjónvarpið en Matti stóð sig mjög, mjög vel. Maður þakkar líka Agli fyrir að hafa ekki verið neitt að níðast á honum þrátt fyrir fyrri deilur okkar.

Matti leiðrétti vitleysurnar sem hafa verið í gangi og útskýrði málin á einfaldan hátt.

Það vildi reyndar svo skemmtilega til að það var löngu planað að hafa þennan mánaðarlega hitting Vantrúar heima hjá Matta í hádeginu í dag. Það þýðir reyndar að Matti gat ekki búið til pizzur og eggjakökur en þau fyrirgefa honum það væntanlega eftir frammistöðuna. Gyða hefur væntanlega líka búið til eitthvað gott. Nú væri gaman að vera með.

Núna fyrir skömmu var gangstéttin hérna fyrir utan rifin upp og steypt aftur. Ástæðan fyrir þessu er núna ljós. Þetta er orðin svona stjörnugata.

Nú sér maður hvaðan heiti hússins er komið. Ég tel mig annars góðan að þekkja eina af þessum hljómsveitum sem eiga stjörnu þarna.

Miami Showband var víst nokkuð vinsæl en ég veit af henni vegna þess að árið 1975 voru þrír meðlimir hennar drepnir af hryðjuverkamönnum á Norður Írlandi.

Kannski að leigan hjá þeim sem koma hérna eftir áramót verði hærri vegna þessara miklu upphefðar gangstéttarinnar.