Ég skrifaði fimmtán síður í ritgerðinni, á eftir einn undirkafla í þessum hluta. Það er betri árangur en áður. Það hjálpar rosalega að í gær spjallaði dálítið mikið við Terry og Eygló um efnið og hugsaði einnig mikið um þetta. Þá getur maður neglt svona í gegn. Klára kaflann um helgina og geri Terry hamingjusaman næsta fimmtudag.

Eftir nokkra þurrð náði ég að skrifa slatta í ritgerðinni minni núna í dag. Ég ákvað að láta orð Neil Gaiman vera mér leiðarljós. Það var eitthvað á þessa leið: Að skrifa er eins og að fljúga í draumum, ef þú manst að þú getur það þá geturðu það.

Ég tók dálítið til áðan. Færði dót úr stofunni í herbergi til að minnka þrengsli hérna. Ég íhugaði að taka inn gasgrillið og setja niður í geymslu en hætti við vegna þess hve blautt það er. Ég er síðan aðeins búinn að finna mér eitthvað til að laga til í tölvunni. Skrifa diska með dóti sem þarf að geyma. Semsagt flest annað en að skrifa ritgerðina sem er verkefnið sem ég að vera að vinna í. Reyndar lagaði ég til tilvísanir í kafla sem ég er að fara að senda Terry en það var bara “hreingerning” en ekki skrif. Sjáum hvort að ég komist af stað núna.

Ég er að endurskoða greinina mína eftir að hafa fengið athugasemdir frá Írunum. Það er mjög spes hvað þeir eru oft að benda mér á að breyta orðalagi sem kemur beint frá Terry. Svona er enskutilfinning Englendinga og Íra ólík.

Á fimmtudaginn hitti ég loks Júlíönu og fór með henni að ganga frá hennar bókunum fyrir Derry ferðina. Það var samt vesen með hótelbókun fyrir nóttina í London. Ég hafði pantað áður á hóteli en ekkert var laust. Við tókum því og leituðum uppi hótel á svipuðum slóðum fyrir hana og það fannst. En við hefðum væntanlega getað sleppt því að velja eftir staðsetningu því í morgun bókaði ég á sama hóteli og Júlíana þannig að við erum komin með allt á hreint með ferðaplönin. Ég þarf síðan að dunda mér að skoða hvernig greinin getur virkað betur sem fyrirlestur o

Það er skrýtið að sjá nafn á þessum náunga sem ætlar að tala á ráðstefnu án þess að vita nokkuð.

Vissuð þið að Magni í Á móti sól var prufuspilari þegar verið að var að búa til Ask Yggdrasills?

Það var gefandi að setja alla bútana af ritgerðinni minni saman í eitt skjal og sjá að þetta var aðeins lengra en ég hélt. Það er allavega ekki hætta á að ég lendi í því að borga skólagjöld og október lítur ákaflega vel út eins og er.

Ég veit annars ekki til þess að kratarnir hafi mikið verið að ræða skólagjöld fyrir kosningar. En þeir hafa reyndar fallið ljúflega að fótum Sjálfsstæðisflokknum í flestu þannig að þetta kæmi ekki á óvart.

Ein athugasemd sem ég fékk frá Terry varðandi síðasta kaflann sem ég skilaði honum snerist um efasemdir hans um að nafnið Willy Higinbotham væri stafað svona.