Gneistinn

Áðan var hringt í mig og reynt að selja mér einhvern fjandann. Ég varð mjög pirraður enda bannmerktur í bak og fyrir. Ég kvartaði og bað um að það yrði komið í veg fyrir að þetta gerðist aftur. Ég fékk hlátur sem svar. Ég athugaði í Símaskrá hvort það væri ekki allt í lagi og síðan í Þjóðskrá. Allt rétt. Þá hringdi ég í yfirmann þess sem hafði hringt og kvartaði. Fyrst þurfti ég reyndar að sitja undir sjö mínútum af leiðinlegri símatónlist. Urg. En allavega vona ég að þetta hafi einhver áhrif.

Fyrir 2000 árum náði rómverska heimsveldið yfir meginhluta þess heims sem þá var þekktur.

Hressandi að vita að börn í dag fá ennþá þessa útgáfu af mannkynssögunni. Það kemur málinu ekkert við að einhverjir barbarar í Kína, Ameríku og á Norðurlöndum hafi þekkt sín landssvæði.

Áðan var hringt í farsímann minn og einhver frá Hagstofunni var að spyrja um Eygló. Ég spurði hvers vegna það væri verið að hringja í minn síma til að ná í Eygló og fékk þau svör að þetta væri eina númerið sem væri skráð hjá þeim (væntanlega á heimilisfangið). Ég benti henni vinsamlegast á að fletta Eygló bara upp í símaskránni, þar væri hún skráð. Þetta gerðist á bílastæðinu hjá Elkó. Eygló keyrði heim og á leiðinni var hringt í símann hennar. Ég náði í símann og kíkti á hann, það var sama númer og áður. Ég svaraði “síminn hennar Eyglóar”. Stúlkan kynnti sig en ég benti henni á að hringja eftir svona 20 mínútur því Eygló væri að keyra. Mig grunar að hún sé ekki aðdáandi minn. Eygló þótti þetta hins vegar fyndið.

En það er ekki hlutverk mitt að vera að gefa upp símanúmer Eyglóar hægri vinstri. Ég er með farsíma fyrst og fremst til að vinir og vandamenn geti náð í mig. Ég er ekki 118 þjónusta.

Það er ekki skrýtið að það þurfi að lögbinda almenna tillitsemi þegar reykingafólk er upp til hópa svona laust við að hugsa um þá sem eru í kringum það. Áðan sá ég reykingamann blása reyknum útúr sér beint framan í miðaldra konu og honum virtist ekki koma til hugar að nokkuð hafi verið að því. Allt í kringum okkur var fólk að reykja beint upp í litlu krakkana sem voru á svæðinu. Hvað er að?

Í gær var dinglað hjá mér. Ég kíkti fram og sá að það var maður frá póstinum að ýta á allar bjöllurnar. Ég spurði hvað hann væri að gera og hann sagði að hann ætti þeim vanda að engin bjalla væri merkt þeim sem pakkinn væri til. Ég benti honum á að ein bjalla væri ómerkt og það hefði verið snjallt spor að byrja á að hringja henni í stað þess að angra alla í stigaganginum. Ef hann hefði viljað vera mjög viss þá hefði dugað að bera saman merkingar á póstkössum og bjöllum og þá hefði einmitt passað að ómerkt bjallan hlyti að vera sú sem tilheyrði viðtakandanum. Bahh.

Þar sem ég hef verið frá vinnu vegna veikinda í fjóra daga þá þarf ég vottorð frá lækni. Ég hringdi í Heilsugæsluna og spurði hvernig þetta virkaði og mér var sagt að almennt hringdi fólk þegar það væri orðið frískt. Ég sé ekki alveg tilganginn í þessu standi.

Ef ég væri lítill sadisti sem hefði þann draum heitastan að stinga augun úr hávöxnu fólki þá myndi ég líka ganga með regnhlíf. Ég er viss um að Hitler var regnhlífamaður.

Ég búinn að fá leið á pizzubökurum/-afgreiðslumönnum sem ekki þekkja muninn á gráðosti og rjómaosti. Er reyndar búinn að komast að því gráðosturinn er ekki óhóflega vondur en samt.

Í dag fékk ég tilboð um að kaupa ekta Queen skartgripi á mörg hundruð pund. Ég hugsa að ég láti það vera.

Annars minnir þetta mig á hvað þessi Eniga meniga auglýsing Byrs fer í taugarnar á mér. Ekki það að þetta lag sé mér mikils virði. En er þetta ekki upprunalegi textinn sem ekki er sunginn eitthvað á þessa leið?

Eniga - meniga
allir rövla um peninga
Súkkadí - púkkadí
kaupa meira fínerí
kaupæði - málæði
er þetta ekki brjálæði

Það væri nú hressandi ef bankinn myndi nota þetta óbreytt.

Ég skil ekki hvers vegna kortin voru tekin út af Ráðgjafanum á Strætó.is. Veit ekki hvaða taktík það er að gera síðuna verri en hún var. Það var svo gott að geta séð svona vel hvernig leiðirnar lágu. Þetta var sérstaklega óþægilegt þegar ég skrapp út á Skaga því þá var ég að taka leið sem ég þekkti ekkert. Það endaði í raun þannig að keyrði út í Grafarvog og tók vagninn þar í staðinn fyrir að reyna að fatta og treysta á leiðirnar sem fara þangað.

Ég var annars núna áðan að kíkja á hvaða leiðir væru færar niður í Borgartún. Af einhverjum ástæðum vildi Ráðgjafinn helst láta mig skipta um vagn á leiðinni þó að þetta ég gæti farið þetta á nákvæmlega sama tíma í einum vagni. Fatta ekki hvaða rök lágu þar á bak við. Reyndar er annað undarlegra. Mér er sagt að fara út klukkan 8:29 til að ná í vagn sem kemur 8:17 og endar niðrí Mjódd 8:36. Venjulega fara vagnar þessa leið á fjórum mínútum.

En að öðru. Þegar Gwen er ólétt þá er rétt að spyrja hvort að það sé orðið opinbert að menn sé aftur farnir að blogga ekki? Ég bara spyr.