Ég get svona almennt þekkt helstu gesti mína utan úr heimi en ég er ekki að átta mig á þessum í Helsinki.

Jæja, dund verandi veikur heima.

Ég uppfærði Truflun í WordPress 2.33. Þeir sem vel fylgjast með hafa kannski tekið eftir því að síðan mín varð skrýtin á tímabili í morgun en það lagaðist. Það sem ég þurfti að gera fara að fjarlægja utf úr WP-config og þá birtust íslenskir stafir eðlilega. Síðan fór ég í gegnum restina af þeim aktívu WP-kerfum sem eru hérna og lenti bara í vandræðum með Þjóðbrók sem tók um klukkutíma að laga. Það birtist líka einhver leiðinlegur kóði á síðunni hans Eggerts sem ég þurfti að láta hverfa. En núna ætti allt að vera komið í lag og það eru ýmsir skemmtilegir möguleikar í þessari útgáfu. Notendur Truflunar pota bara í mig ef það er eitthvað ves.

Ef ég hef ekki sagt það nógu oft þá er best að endurtaka það.  Ég elska Google Earth.

Ástæðan fyrir því að ég minnist á það núna er sú að ég var að leika mér að setja skrá inn á Kaupmannahafnarsíðuna (sem er ekki til en þó dáltið inn á henni miðað við til dæmis Færeyjasíðuna). Ef smell er á hlekk á þess skrá sem er einmitt svona: Jorcks Passage. Þá geturðu opnað skránna ef þú ert með Google Earth.  Forritið opnast, færist austur frá Bandaríkjunum, sveimar niður í átt að Danmörku, súmmar á Kaupmannahöfn og endar á Jorcks Passage þar sem spilabúðin Games Köbenhavn er staðsett.  Þetta getur Sverrir Guðmundsson allavega gert.  Ég get ekki ímyndað mér annað en hann sé með Google Earth í tölvunni sinni.

Þegar ég vinn meira í þessum ferðasíðum mínum þá ætla ég að setja svona skrá við hvern einasta stað.  Þetta er hinn andlegi hafís tækni- og framfarahyggju minnar.

Setjið inn Google Earth. Þið sjáið ekki eftir því. Næst þegar einhver þarf leiðbeiningar heim til mín þá sendi ég bara GoogleEarth skrá.

Í dag fékk ég sms frá Árnýju þar sem ég var spurður um spilabúðir í Kaupmannahöfn.  Um síðustu helgi var ég líka að tala við Sverri Guðmunds um það sama.  Ég var að fletta þessu upp áðan og ákvað að setja upp síðu með þessum upplýsingum.  Flest af þessu er nú þegar í ferðasögum mínum en þarna ætla ég að hafa þetta skipulagðara.   Þetta er ekki langt komið en ég mun vonandi vinna meira í þessu.  Ábendingar vel þegnar.  Ég geri síðan fleiri síður um aðrar borgir sem ég hef heimsótt.

Hér til vinstri má sjá þetta undir Heimurinn – Kaupmannahöfn.

Eitthvað er uppfærslan frá því um daginn að bögga mig, það virðist ekki hafa haft áhrif á aðra notendur á Truflun.  Ég ætla að reyna að laga þetta.  Vona að það gangi eftir.