Archive for september, 2008

Hvar er Felix?

Mánudagur, 29. september 2008

Á ljósi nýjustu fregna af fjármálamarkaði legg ég til að Felix Bergsson snúi aftur með sjónvarpsþáttinn sinn: „Fyrirgefðu!“

Mér dettur strax í­ hug nokkrir bankagúbbar sem mætti stilla fyrir framan myndavélina.

800 kallinn

Mánudagur, 29. september 2008

Sem unglingur vann ég í­ tvö sumur sem handlangari í­ byggingarvinnu. Launin voru greidd inná reikning í­ Íslandsbanka.

Einhversstaðar heima liggur bankabókin – held að það séu 800 krónur inná reikningnum í­ Glitni Suðurlandsbraut.

Spurning hvort maður eigi núna að grafa hana upp og standa fyrir utan útibúið þegar það opnar til að ná í­ peningana?

…eða er kannski eðlilegra að lí­ta á þetta sem mitt framlag til kapí­talismans?

Kvikmyndahátíð

Sunnudagur, 28. september 2008

Sá mí­na fyrstu mynd á kvikmyndahátí­ðinni fyrr í­ kvöld. Um var að ræða heimsfrumsýningu á heimildarmynd um Badshah Khan – sem er einn mikilvægasti einstaklingurinn í­ sögu sjálfstæðisbaráttu Indlands en erflestum gleymdur. Skýringin er einna helst sú að hann var Pastúni frá landamærahéruðum Afganistan og Pakistan og var andsnúinn skiptingu Pakistans og Indlands upp í­ tvö rí­ki.Myndin var frábær og sérstaklega áhugavert að sjá mynd með svona sterkum friðarboðskap um mann sem hafnaði ofbeldi í­ pólití­skri baráttu sinni þrátt fyrir að koma frá svæði sem flestir tengja í­ dag við átök og hernaðarhyggju.Á morgun er svo áhugaverð mynd um 68-kynslóðina á dagskránni í­ Iðnó kl. 17:30.# # # # # # # # # # # # #Frábæru sumri er lokið hjá Fram. Þorvaldur Örlygsson er búinn að gera stórkostlega hluti með liðið.Þá er bara að vona að við fáum skemmtileg ferðalög í­ Evrópukeppninni á næsta ári. Hópferð til Hví­ta-Rússlands væri ekki amaleg!

Göfugar hvatir

Sunnudagur, 28. september 2008

Nýjasta tölvuspamið auglýsir megrunarpillur. Yfirskrift skeytisins er: „Make your fat friends envy you„…þetta er alldeilis göfugt! 

Heseltine?

Föstudagur, 26. september 2008

Er Sigurjón Þórðarson hinn í­slenski Michael Heseltine?

…og Jón Magnússon þá væntanlega hinn í­slenski John Major?

Bjallan

Fimmtudagur, 25. september 2008

Einhverra hluta vegna er mér gjörsamlega ómögulegt að skilja kúlið í­ því­ fyrir forsætisráðherra rí­kis að taka að sér að hringja bjöllu til merkis um að einhver kauphöll loki á virkum degi.

Jújú, ég get alveg skilið að það þyki töff fyrir stjórnendur kauphallarinnar að láta mann sem má með góðum vilja segja að sé frægur hringja bjöllu. – Svona á sama hátt og það er töff í­ huga soldánsins í­ Brunei að láta Elton John spila á flygil inni í­ lyftunni, frekar en að leika lyftutónlistina af bandi…

…en hvað í­ hverju felst aðdráttaraflið fyrir stjórnmálamanninn?

Heppinn

Miðvikudagur, 24. september 2008

Þegar ég var við nám í­ Edinborg, bjó ég steinsnar frá aðalmosku múslima í­ borginni (gott ef ekki þeirri einu). Ég gekk framhjá henni nokkrum sinnum á dag, t.a.m. á leiðinni á bókasafnið og í­ kennslustundir.Aldrei varð ég fyrir neinni truflun út af þessu… og þó – besti kebab-staður hverfisins lokaði í­ hádeginu á föstudögum vegna bænahalds.Ég hef greinilega verið grí­ðarlega heppinn. Ef marka má liðið sem hringir inn sí­matí­ma útvarpstöðvanna er það nefnilega helví­ti á jörðu að búa nálægt mosku – með sí­felldum truflunum, áreiti og hávaða. 

Nýtt Traustamál

Þriðjudagur, 23. september 2008

Mál Dennis Siim, FH-ingsins sem lék um sí­ðustu helgi þrátt fyrir að hafa að öðllu eðlilegu átt að vera í­ banni, er kostulegt.

Það leiðir hugann að einu kunnasta kærumáli í­slenskrar knattspyrnusögu, Traustamálinu.

Þannig var mál með vexti að Trausti Haraldsson varnarmaður úr Fram var dæmdur í­ leikbann á fundi aganefndar KSí. Næsti leikur var undanúrslitaleikur Fram í­ bikarkeppninni. Framarar vissu mætavel af leikbannsdóminum, en höfðu ekki fengið um hann formlega tilkynningu. Því­ hittist stjórn knattspyrnudeildar á fundi og ákvað að tefla Trausta fram í­ leiknum.

Framarar unnu og komust í­ bikarúrslitin. Andstæðingarnir urðu foxillir og kærðu leikinn. Endanleg úrslit þess kærumáls lágu ekki fyrir fyrr en daginn fyrir sjálfan bikarúrslitaleikinn sem var því­ í­ nokkru uppnámi. Fram vann kærumálið.

Og hverjir voru hinir svekktu andstæðingar Framara í­ Traustamálinu? Jú, auðvitað FH-ingar. Segið svo að Hafnfirðingar geti ekki lært af sögunni!

Heilög enskusletta!

Mánudagur, 22. september 2008

Þessi færsla gæti birst í­ belg og biðu – enda skrifuð í­ Safari. Eina örugga leiðin til að blogga almennilega úr heimatölvunni með málsgreinaskilum er að nota Firefox. Sem er í­ skralli hjá mér núna.

Firefox er raunar meginefni þessarar færslu…

Hvaða apaköttur með orðabók semur textana á í­slensku upphafssí­ðu Firefox? Enskuskotnara gerist orðalagið varla. Dæmið sjálf: „Fáðu Firefox bol og fleira dót í­ Mozilla búðinni. Allar keyptar vörur eru til hagsbóta fyrir Mozilla stofnunina.“ Eða: „Elskarðu Firefox? Við treystum á fólk eins og þig til að breiða út orðið.“

Stuna!

# # # # # # # # # # # # #

Athyglisverð tölfræði úr í­slenska boltanum:

Paul McShane fékk rautt spjald að loknum leik Fram og Fjölnis fyrr í­ sumar, þegar kom til stimpinga eftir að flautað hafði verið til leiksloka. Þetta er eina rauða spjaldið á Framara það sem af er tí­mabili.

Þetta þýðir að enginn Framari hefur fengið rautt  spjald í­ leik – sem er fjári góður árangur hjá liði sem flestum ber saman um að sé mjög varnarsækið. Sýnir fyrst og fremst að leikmennirnir kunna að ganga nákvæmlega eins langt og dómarinn leyfir, en láta þar staðar numið. Þetta er lykillinn að velgengni sumarsins.

Á vegum úti

Sunnudagur, 21. september 2008

ísafjörður var fí­nn. Reyndar sá ég minnst af bænum, var megnið af tí­manum á safnmannafundinum og -partýinu.Sagði hverjum sem heyra vildi að ég væri ættaður að vestan, enda tók langamma á móti 2.000 börnum þarna að talið er.Þegar dagskránni lauk á föstudaginn veðjuðu flestir í­ hópnum á innanlandsflugið. Það reyndust mistök og sá hluti safnmanna fékk aukanótt fyrir vestan.Ég treysti ekki veðrinu og þáði á sí­ðustu stundu boð um bí­lfar í­ bæinn, með Ragnheiði Erlu Bjarnadóttur. Það er ekki amalegt að fá slí­kan leiðsögumann. Landafræðikunnátta Ragnheiðar Erlu er með ólí­kindum og fáir slá henni við í­ þekkingu á kirkjum landsins.