Day: 21. september, 2004

Nei, ríkið á ekki að skerast í deilumál einstakra starfsstétta við launagreiðendur sína. Þá verður kröfum kennara ekki mætt, þó þeir kannski skrifi undir. Það er ávísun á annað verkfall innan örfárra ára; það er það sem alltaf hefur gerst í launabaráttu kennara og það er ekki ríkisins að skarast í leikinn og ákveða hvenær nóg sé nóg.

Þetta snýst um launaréttindi, ekki barnapössun.

Það er fyndið að birta frétt um ákærumál fyrirtækis á helstu vefsíðu þess (dæmi um hlutlægan fréttaflutning?). Það er álíka kjánalegt eins og þegar Netmogginn auglýsti nýja heimasíðu Netmoggans.

Þetta er einnig fyndið. Sjáið þið ekki fyrir ykkur angist íbúanna þegar Saddam flytur í hverfið? Það verður erfitt fyrir hann að vera Saddam granni, gamli karlinn í næsta húsi sem alltaf er svo góður við börnin. Sjáið þið ekki bréfberann spásséra að hvítu viðargirðingunni er umlykur gula húsið hans Saddams, þetta með rauða þakinu, heilsandi honum: „Góðan daginn Saddam, hvernig líður konunni?“ „Jú, ágætlega,“ segir Saddam „hún er öll að braggast.“ Bréfberinn vinkar til hans og biður hann að eiga góðan dag. Saddam gerir slíkt hið sama og fær sér annan sopa af kókinu sínu.

Og Davíð skyndilega orðinn vinsælli. Ætli útskýring þess sé vandfundin?

Setning gærdagsins:

„Ef Morgunblaðinu væri annt um að þakka einhverjum útlendingi sjálfstæði Íslendinga þá væri Adolf Hitler kannski betri kostur því að hernám Danmerkur hafði heldur meiri áhrif á fullt sjálfstæði íslendinga en stuðningur Bandaríkjastjórnar þó að hann hafi auðvitað verið vel þeginn og þáverandi Bandaríkjastjórn til sóma.“

-Ármann Jakobsson á Múrnum.