Mér er spurn

Hver er munurinn á félagi gegn Pólverjum og stjórnmálaflokki gegn gyðingum? Sannast sagna þá hryggir það mig að lifa á tímum þegar reductio ad Hitlerum er hætt að vera rökvilla.

Pólverjar eru 38.5 milljónir talsins, Íslendingar eitthvað um 300.000, þannig að Pólverjar búsettir hér á landi þyrftu að hlaupa á tug- ef ekki hundraðþúsundum til að veita jafn tölfræðilega marktækt úrtak yfir Pólverja og téð Pólverjahatarafélag veitir yfir Íslendinga.

Ergó: Ef allir Pólverjar, þar með talinn Szymon Kuran blessuð sé minning hans, eru nauðgarar – þá eru allir Íslendingar skítheimsk helvítis viðrini sem hata Pólverja, ekkert nema nauðaómerkileg andskotans lítil úrhrök sem helst þyrfti að berja vitleysuna úr á gapastokki. Þannig að það er kannski ekki að furða að Hitler var hrifinn af Íslendingum?

En fyrst Pólverjar eru löghlýðnastir allra á Íslandi þá er kannski engin þörf á að örvænta strax. Mig grunar nefnilega að Íslendingar séu upp til hópa ekki jafn slefandi illa gefnir og þessar rasistakuntur í Félagi gegn Pólverjum og Íslandi fyrir Íslendinga.

10 thoughts on “Mér er spurn”

  1. Ég held að í heildina séu Pólverjar og Austur-Evrópumenn hér á landi frábær viðbót við mannlífið hér á landi. Auðvitað er vandræðafólk innan um en það sama gildir auðvitað um Íslendinga. Fyrir utan að gera borgarbraginn skemmtilegri er mikið af þessu fólki til fyrirmyndar í vinnubrögðum, dugnaði og útsjónarsemi. Félag gegn Pólverjum er aumur og ömurlegur brandari. Í heildina séð eru engin vandamál vegna útlendinga á Íslandi – bara verkefni. – Aftur á móti eru mikil og alvarleg aðlögunarvandamál meðal múslíma í ýmsum nágrannalöndum okkar. Þar kemur við sögu hið rammasta og forneskjulegasta afturhald sem hefur skelfileg áhrif inn í sérsamfélög múslíma. Erfitt er að hafa orð á þessu án þess að vera stimplaður rasisti: ýmist af eiginlegum rasistum sem nota slíkan málflutning til stuðnings sínum öfgaskoðunum – eða af fylgisfólki fjölmenningarsamfélagsins sem ekkert þolir annað en fullkomið umburðarlyndi heimasamfélagsins gegn siðum og venjum innflytjenda.

  2. Við gerum ráð fyrir að aðflutt fólk felli sig við þann ramma sem lög og reglur samfélagsins setja þeim, en það er ansi erfitt fyrir yfirvöld að fylgjast með því án þess þau sjálf fari yfir hvítu línuna. Þetta er vandinn og fólk virðist mér fyrst og fremst ósammála um áherslurnar, þar sem sumir eru íslamófób og hinir eru naívistar. Ekki sérlega frjór jarðvegur fyrir vitræna umræðu þessi bloggsíða hans Egils.
    Sjálfum væri mér nokk sama hvað Egill Helgason segir, enda taka þeir mark á honum sem það gera án tillits til þess sem hann segir, ef ekki væri fyrir það að á meðan hann belgist um internetið í heilagri vandlætingu eru raunveruleg vandamál að grassera, og þau minnst meðal innflytjenda. Stærsti vandinn er þegar ungt og áhrifagjarnt fólk tekur upp á arma sína að vernda land sem þeim annars er skítsama um gegn einhverri ímyndaðri ógn sem fjölmiðlar og þá ekki síst Egill Helgason blása upp sem staðreyndir. Þá fyrst skynja ég ógn sem teljandi er að bregðast við, og sú er sprottin upp af fáfræði, heimsku og fordómum. Og þá er betra að mistök Íslendinga felist í að fyrirgefa en að refsa, eins og Salmann Tamimi sagði réttilega á dögunum.

  3. Undarlegast finnst mér hversu óþjóðlegir þessir þjóðernissinnar eru alltaf hreint. Berandi á borð fyrir fólk hugmyndir sem eru jafn þjóðlegar og Valentínusardagurinn, klæddir í úníform sem er jafn þjóðlegt og Sankti Klás.
    Svo eiga þeir yfirleitt alltaf í erfiðleikum með þjóðtunguna. Útlendingar eru oftast betri.

Skildu eftir svar

Netfang þitt verður ekki birt. Nauðsynlegir reitir eru merktir *