Skoðanir Stebbafr

Það er ekki hægt að komast hjá því að lesa skoðanir Stefáns Friðriks Stefánssonar. Þær eru alstaðar. Þær birtast við aðra hverja frétt á Morgunblaðsvefnum. Þær birtast á blogggáttinni og þær birtast á Mikkavef. Ég býst fastlega við því að innan tíðar verði hann farinn að krota þær utan á póstinn minn líka.

Stefán er góður og gegn hægrimaður sem hefur skoðanir á öllu milli himins og jarðar, þótt honum hafi líklega ekki borið gæfa til þess enn að vera svo mikill rebel að horfa á sjónvarp á fimmtudögum fyrst hann eyðir kvöldinu í fylla Morgunblaðsvefinn, blogggáttina og Mikkavef af hugmyndum sínum um „óhóflega neyslustýringu vinstrigrænna“ og öðru slíku. Þar á hann við tillögu um eitthvað um tíu króna álagningu á hverja kókdós, einsog andstætt þeirri afar hóflegu neyslustýringu Sjálfstæðisflokksins að tæta svoleiðis sundur hagkerfið að venjulegt fólk þarf nú að velja milli þess að fæða börnin sín eða greiða dráttarvexti af íbúðalánum.

Einhvern veginn fær maður nú samt á tilfinninguna að Stefán og restin af stuttbuxnadeildinni þurfi ekki að örvænta enn. Þeir hafi fullteins vel efni á því nú sem fyrr að mæta á thatcherbolunum niður í Valhöll til að grilla pylsur og skála í skattlögðum kókdósum. Svo geta þeir líka farið í búðarleik og selt hver öðrum bjór svo allir geti séð hvað það er gaman hjá þeim en leiðinlegt í ríkisstjórn. Og ef allt annað klikkar búa þeir þó enn við það frelsi að hafa sjónvarp á fimmtudögum. Nær væri að þeir nýttu sér það í stað þess að angra okkur hin með heimskulegu þvaðri um skattpíningu vinstriflokkanna. Hvaðan kemur þessi vitleysa? Þú kúkar ekki í stuttbuxurnar og kennir einhverjum á næsta borði um!

6 thoughts on "Skoðanir Stebbafr"

  1. Síðan er ekki eins og sjálfstæðismenn hafi aldrei dundað við skattinn – lækkað eitt og hækkað annað – sem er alveg sama „neyslustýringin“. Var ekki skattur á bækur lækkaður fyrir nokkrum misserum? En ekki skattur á klámblöðum? Hvað er það!

  2. Emil skrifar:

    Jebb, skatturinn á bókum lækkaði en verðið hækkaði stuttu síðar umfram verðið fyrir lækkunina. WTF?

  3. Emil skrifar:

    En það var sem sagt 2007. Skattalækkunin var blekking.

  4. Það má ekki gleyma því að skattahækkanir eru afleiðingar óstjórnar Sjálfstæðismanna. Það var í krafti hennar sem samfélagið fór á hliðina með þessum afleiðingum.
    Þeim færi því best að steinþegja.

  5. Einar Steinn skrifar:

    Djöls… látið klámið mitt í friði! Ef ég vil sjá japanskar símastvíburaskólastelpur æla upp í gin hvors annar, nú, eða dverga gamna sér með Jarmþrúði frá Húnkubakka, þá er það minn réttur!
    Stöndum vörð um rúnkgögnin!

  6. Auðun skrifar:

    Afhvergju mætir þú aldrei í vorferð með safninu ég hættur að trúa þér núna að þú sért að skrá þér í ferð og ekki mæta svo enn þetta var æðisleg ferð og þú mystir að miklu

Skildu eftir svar við Emil Hætta við svar

Netfang þitt verður ekki birt. Nauðsynlegir reitir eru merktir *