Dagurinn var frekar rólegur, sú sveimhuga og sú snögga fóru í sína skóla og sá skapmikli var heimavið eins og vanalega. Eftir hefðbundna þvotta og stúss var farið út á leikvöll, sá skapmikli dró ánamaðk upp úr sandkassanum og var fljótur að losa sig við hann þegar hann áttaði sig á því að hann var …
Category Archives: Almennt
Sullumsull
Þetta var blautur dagur, ekki að það ringdi svo mikið – langt því frá. Sá skapmikli er í koppaþjálfun eins og komið hefur fram, það skýrir mikinn hluta bleytunnar. Hins vegar er myndarlegur pollur hér upp við húsið eftir rigningar síðustu kvöld og þar sat drengurinn og hellti yfir sig fötu eftir fötu, svo vinda …
„Stau“ og ekki sund
Venjulega tekur tæpar 15 mínútur að keyra þá sveimhuga í skólann en í dag tók það um 50 mínútur! Ástæðan var „Stau“ eða umferðasulta af verstu gerð, skólastúlkan var því rúmlega 20 mínútum of sein í tíma. Stærðfræðibókin hennar er fyrir 2. bekk, þar er bæði margföldun og deiling – hún var að byrja að …
Bón og Bebenhausen
Morguninn var erfiður, langur dagur í gær og þreyta í mannskapnum. Allt hafðist þó að lokum og stelpurnar mættu á réttum tíma. Heimafyrir var sá skapmikli settur í pollabuxur og stígvél til að leika sér í pollum eftir næturregnið á meðan frúin og amman skúruðu og bónuðu herbergin. Sú sveimhuga var sótt fyrir hádegið, þá …
Wilhelma í Stuttgart
Ekki er ofsögum sagt af fegurð dýra- og grasagarðsins Wilhelma í Stuttgart en þar eyddum við einmitt deginum í dag. Allur gróður í miklum blóma og dýralífið blómstraði einnig, aldrei áður hefur fjölskyldan sé jafn margt af ungviði í dýragarði. Nesti var haft meðferðis og snætt við upphaf skoðunar á garðinum og þótti þeirri snöggu …
IKEA og koppaþjálfun
Hjónin tóku daginn frekar snemma og lögðu upp í ferð til Sindelfingen en þar eru Mercedes Benz með höfuðstöðvar og IKEA með verslun – ferðinni var að vísu bara heitið í það síðarnefnda og eyddum við nokkrum klukkustundum í skandinavísku andrúmslofti og nokkrum Evrum í leiðinni. Á heimavígstöðvum stóð amman í stórræðum með krakkaskarann, ferð …
Þrif og Nokia
Þennan daginn var kennari þeirrar sveimhuga ekki við, svo hún fór ekki í skólann, aðlögun enn í gangi. Stúlkan byrjar inni í bekk eftir hvítasunnufríið sem verður tveggja vikna langt. Krakkarnir hér eru að minnsta kosti ári á undan skólanum heima og sveimhuginn fer inn í það námsefni sem hún þekkir. Sú snögga var svo …
Skrifræðið ógurlega
Póstur dagsins hljóðaði: „Tollayfirvöld geta ekki samþykkt innihaldslýsingu þína þar sem hún er handskrifuð og ekki á ensku“. Þess ber að geta að listinn var á íslensku/ensku. Svo ekki koma kassarnir til okkar í þessari viku. Sú snögga vakti okkur hjónin um sjö, dró frúna framúr og inn í eldhús og spurði hvernig þetta væri …
Leikskólinn
Þá er sú snögga orðin að leikskólastelpu hér í Þýskalandi, það var vel tekið á móti henni í morgun og krakkarnir farnir að bíða eftir þessum nýja Íslendingi. Við mæðgur vorum þar fram að hádegi og tók hún fullan þátt í dagskránni, tvær vinkonur drógu hana svo út á leiksvæðið og þar var svo gaman …
Svo bregðast krosstré …
Aldrei átti þetta nú að gerast, frúin farin að blogga! En… Lífið hér í Tübingen er að komast í fastar skorður, sú sveimhuga er búin að vera tvo daga í skólanum, sú snögga byrjar í leikskóla á morgun og sá skapmikli snúllast hér heimavið. Amman prjónar eins og herforingi, bóndinn óðum að komast inn í …