Óhappadagur

Í dag er óhappadagur. Óhappadagur sem kemur til með að koma við bankareikninga fátækra námsmanna.

Sjónvarpið okkar dó sem sagt í dag. Viðbrögð mín voru: „Vei, þá getum við farið að gera e-ð skemmtilegt“. Óla fannst þetta ekki alveg jafn sniðugt. Frá sjónvarpinu kemur hvorki mynd né hljóð og það var smá brunalykt af því svo að ég býst við að splunkunýtt sjónvarp verði niðurstaðan. Annars væri bráðskemmtilegt að stofna spilaklúbb í staðinn fyrir kvikmyndaklúbbinn 😉

Óhapp nr. 2 átti sér stað við IKEA. Þar á bílastæðinu nánast affelgaðist annað framdekkið og við(lesist Óli) þurftum að skipta um dekk í 3 skipti á 2 mánuðum. Þetta óhapp má væntanlega rekja til óvandaðra vinnubragða dekkjaverkstæðisins Sólning í Kópavogi. Og þá er bara spurningin hvort maður ætti að láta gera við blessað dekkið í 4 sinn(já, þetta er alltaf sama dekkið!) eða kaupa nýtt.

Bless í bili…

5 thoughts on “Óhappadagur”

  1. Af hverju spilaklúbb í staðinn fyrir kvikmyndaklúbb, útilokar þetta hvort annað á einhvern hátt?

    Annars þá er þetta vitlaust hjá þér, þetta er bara þriðja skiptið sem þetta dekk fer í viðgerð, hitt var sumardekk.

  2. Ósköp eru að heyra þetta. Þið gætuð fengið mitt sjónvarp ef ég réði einhverju á þessu heimili. Verra með dekkið. Ónýtt dekk getur drepið mann á ýmsan hátt. (Í umferðinni, við að skipta o.fl.) Vonandi þarf ekki fleiri óhappadaga til þess að þú sjáist á blogginu. Þinn stóraðdáandi Óf.

Skildu eftir svar

Netfang þitt verður ekki birt. Nauðsynlegir reitir eru merktir *