Obladi Oblada

Þetta var hreint ágætur dagur. Merkilegt nokk.

Það er rólegt í vinnunni þessa dagana. Verið að uppfæra Gegni og þess vegna getum við lítið gert í vinnunni nema segja: „Því miður, við getum ekkert gert fyrir þig“. Það er samt hægt að skila bókum og fá bækur lánaðar.

Fór klukkutíma fyrr úr vinnunni og spókaði mig í bænum með Rósu. Fékk auðvitað kaupæði. Keypti jakka og tvo boli í Flash og skó af götusölukonu. Þetta kostaði ekki nema tæpan 10.000 kall allt saman. Rósa greyið keypti ekkert nema þurrkaða ávexti. Mér fannst reyndar fyndið hvað ég vanmat hæðina á Rósu. „Hva, ertu nokkuð nema svona einnogsjötíu?“ „Uuu, ég er reyndar einn sjötíuogsjö“. Svona er ég nú stór, ég tek ekkert eftir því þó fólk í kringum mig sé hávaxið.

Svo fór ég til Heiðu. Borðaði samloku og kók hjá henni og við spjölluðum og gláptum á sjónvarpið.

Núna er ég að horfa á Magni Rockstar: Supernova. Mikið er ég stolt af honum. Hann er alveg að brillera þarna. Svo er hann svo góður við alla. Er eiginlega eins og hann sé pabbi allra hinna. Ég á mynd af Magna sem er tekin á Eiðum 1997. Ætli hún sé ekki mikils virði í dag 😉 En ég verð að viðurkenna að ég var mikill aðdáandi Magna meðan hann var í Shape. Alltaf gaman að sjá æskugoðin verða að stórstjörnum…eða eitthvað.

Jæja, best að einbeita sér að sjónvarpinu. Ógeðslega er gaman að horfa á þennan þátt, svo skemmtileg lög og góðir söngvarar.

Góða nótt

Hvað er títt síðan síðast?

Mamma og pabbi komu frá Skotlandi eftir vel heppnaða ferð heyrðist mér. Ég náði í þau á Kelfavíkurflugvöll. Seinna um daginn fórum við í Rauðhóla hina syðri. Það var gaman að koma þangað loksins. Svo tókum við stóran rúnt um Heiðmörk, fórum allskonar fjallabaksleiðir og ég gerði margar uppgötvanir á leiðinni. Verð að fara þarna aftur. Svo var grillað, ekki mikið kveikt í í þetta skipti.

Á þriðjudeginum fórum við svo í nokkrar búðir, á Þjóðminjasafnið (eða Ruslasafnið eins og sumir vildu kalla það) og í heimsókn til Ásu og Nonna. Fórum svo á American Style um kvöldið.

Pabbi flaug heim á miðvikudagsmorguninn og við mamma skutluðum honum. Svo fórum við aftur heim að sofa. Svo fór ég í klippingu. Eyddum restinni af deginum í Kringlunni og versluðum svolítið.

Á fimmtudeginum fórum við mamma í sund um morguninn eftir klukkutímaferð í Europris (merkilegt hvað tíminn flýgur í þessari búð). Svo hittum við Hrönn mágkonu niðrí bæ um hádegið og fengum okkur að borða. Svo versluðum við svolítið á Laugarveginum, aðallega kjóla og skó 🙂 Um kvöldið fórum við svo aftur í Kringluna. Eftir að Kringlan lokaði fórum við í Fossvogskirkjugarð og heimsóttum leiði Jóhannesar frænda og Guðrúnar. Svo datt okkur í hug að líta til Guðrúnar frænku (dóttur Jóhannesar og Guðrúnar í kirkjugarðinum). Þar fengum við auðvitað góðar móttökur.

Á föstudeginum tókum við því rólega fyrir hádegi og borðuðum hádegismat úti á palli. Eftir hádegið fórum við út í Viðey með Hrönn og fórum í góðan göngutúr þar. Um kvöldið fórum við Óli svo út að borða á Pizza Hut með Hrönn.

Helgin var svo bara frekar róleg. Mamma fór í gærmorgun og sumarfríið mitt búið í bili.

En ég er búin að panta mér flug til Vopnafjarðar og verð þar síðustu helgina í júlí. JibbýJey!

Annars er bara mest lítið að frétta…

Heiðmörk, Gullni hringurinn og maraþon

Grillið í Heiðmörk var gott. Komst loksins að því hvar Rauðhólar væru.

Fór Gullna hringinn með Evu í gær. Fengum mjög undarlegt veður, skiptust á skin og skúrir. Borðuðum nesti á Þingvöllum í sólskini. Borðuðum aftur nesti í bílnum við Gullfoss, ekki hægt að borða úti fyrir roki og rigningu. Ég legg til að vegurinn milli Þingvalla og Laugarvatns verði lagaður, a.m.k. að reynt að vinna aðeins á þvottabrettunum. Annars var þetta góð ferð.

Ég var að spá í að taka þátt í Reykjavíkurmaraþoninu og hlaupa heilt maraþon…eða kannski bara 3 km skemmtiskokk. Er einhver sem nennir að rölta með mér?

Sumarið er tíminn…

Það er kominn júlí! Ótrúlegt hvað tíminn æðir áfram og einhvernveginn verður manni ekkert úr verki. En svona er þetta bara.

Ég er svosem búin að gera ýmislegt í sumar og það er ýmislegt á planinu. Samt næ ég aldrei að gera helminginn af því sem ég ætla mér. En núna er ég allavega komin í sumarfrí (eitt af mörgum) og þarf ekki að mæta í vinnu fyrr en 10. júlí. Ég ætla að nota fríið í að gera eitthvað skemmtilegt með mömmu og pabba. Þau koma frá Skotlandi á mánudaginn. Kannski næ ég að plata þau til að ganga á Esjuna eins og hefur verið á planinu síðustu sumur en aldrei orðið af. Vona líka að ég sjái aðeins meira af vinum mínum á næstunni heldur en ég hef gert það sem af er sumri. Langar einhvern í útilegu?

Jæja, næst á dagskrá er grill uppí Heiðmörk. Bæjó!