Færslur

Birt þann

Teikniáskorun

Myndir neðst

Í febrúar tók ég þátt í teikniáskorun í einum discord hópnum mínum.
Við fengum mánuð til að teikna 10 myndir og þemað var resilience eða segla.
Ég ákvað að teikna plöntur og dýr sem lifa við erfiðar aðstæður en þrífast samt eins og hrúðurkarla, sveppi, fléttur og blóm sem vaxa upp úr sprungum.
Þetta var mjög skemmtileg áskorun, ég notaði blýant, strokleður, tússpenna og kúlupenna til að skyggja.  Ég eyddi 5 vikum í Þorlákshöfn að passa köttinn minn (hann þoldi ekki að flytja á 4 hæð verandi úti köttur svo hann flutti til mömmu og pabba)  Það er ekki mjög mikið að gerast í Þorlákshöfn svo ég hafði með mér nóg af verkefnum þ.á.m. þessa áskorun.

Birt þann

Framtíðar festival

Myndir neðst

Í vikunni fór ég tvisvar á framtíðar festival sem er haldin í Borgarbókasafninu Grófarhúsi.

Á miðvikudaginn fór ég og lærði að búa til blómapotta úr pappamassa og gömlum bókum. Námskeiðið var mjög skemmtilegt haldið af Ingiriði Halldórsdóttir sem kallar sig Lyfveru og þótti mér mjög gaman að spjalla við hana um listir, solarpunk og það að vera langveikur sem við báðar erum.

Borgarbókasafnð býður upp fræsafn þar sem maður getur fengið fræ til að taka með sér heim og ég tók nokkra pakka og setti niður timjan og steinselju.

Eftir námskeiðið fór ég í Brauð og co og keypti brauð og bestu snúða í heimi.

Á laugardeginum fór í Hafnarhúsið og skoðaði þrjár sýningar, ein af þeim var sérstaklega áhugaverð um hraunmyndanir og ég myndi kalla hana lavapunk.  Hún hafði áður verið sýnd á Feneyjar tvíæringnum í Arkitektúr

Þar á eftir fór ég og bjó til svefnpoka fyrir símann minn úr faraday efni sem gerir það að meðan síminn er í pokanum er ekkert netsamband og þvi auðveldara að hunsa hann.

Námskeiðið var haldið af Endurtakk og Emmu Shannon.

Ég teiknaði svo ljósaperur á pokann minn sem táknar allar hugmyndirnar sem ég á eftir að fá þegar get hundsað símann minn (við sjáum til hvernig það fer)

Eftir fór ég í kaffi Iðu og fékk mér eplapæ og bragðlausasta chai latte sem ég hef smakkað (getur verið að afgreiðslukonan hafi gleymt að setja teið út í og ég hafi bara fengið flóaða mjólk?)

Í kaffi Iðu keypti ég mér tvær bækur sem ég ætlaði reyndar alls ekki að gera en sjálfsagi finnst ekki í mér í rikum mæli 🙂

Bækurnar eru um krúttmenningu og götustíl í Kína.

Ég mæli með Framtíðar festivalinu, frábært framtak hjá Borgarbókasafninu. Það er góð ástæða fyrir að bókasöfn eru uppáhalds staðirnir mínir (fyrir utan íbúðina mína auðvitað)

Birt þann

Grískt frappe

Þetta er einn af mínum uppáhalds kaffidrykkjum og það er miklu ódýrara að búa hann til heima en að kaupa eitthvað svipað á kaffihúsi.

sykur eftir smekk
1-2 msk instant kaffi
1 dl vatn
Ísmolar
Mjólk

Setjið kaffið, sykurinn, ísmola og vatn í krukku eða ferðafólks og hristið hraustlega í 1-2 mínútur.  Bætið svo við mjólk eftir smekk, ég nota möndlumjólk eða haframjólk

Birt þann

Little fat boy

Einn af uppáhalds youtuburunum mínum heitir Frankie og kallar sig Little fat boy. Hann er vöruhönnuður sem hefur gefið út matreiðslubók með taiwönskum uppskriftum.

Það skemmtilegasta sem hann gerir er að taka klassískan amerískan mat eins og morgunkorn, Twinkies, Spaghettios og Campell súpu

og bæta við taiwönskum og öðrum asískum innihaldsefnm eins og svörtum sesamfræum, yuzu og matcha. Hann hannar líka áhugaverðar og flottar eins og hátískuveski úr pappa sem innihalda hans útgáfu af Buffalo wings.

Ef þig langar að horfa á einhvern skemmtilegan og skapandi mæli ég með honum.

Vefsíðan hans er hér þar er hægt að finna uppskriftir eftir hann https://littlefatboy.com/

Hér er youtube rásin hans  https://www.youtube.com/@LittleFatBoy

Ps. snara.is sökkar varð bara að segja hún hjálpaði mjög lítið við gerð þessarar bloggfærslu.

Birt þann

Jose Naranja

Einn af uppáhalds listamönnunum í augnablikinu er Jose Naranja. Listin hans kemur í formi skissubóka og hann blandar saman texta, teikningum, kortum og tæknilegum teikningum.

Mér finnst að skissubækurnar hans ættu vel heima í Wes Anderson mynd, þær eru mjög retró.

Hér er heimasíðan hans   https://josenaranja.blogspot.com/

Hér er umfjöllun um hann á This is colossal  https://www.thisiscolossal.com/2025/04/jose-naranja-travel-notebooks/

Birt þann

Kæru lesarar

Gleðileg jól og gæfuríkt nýtt ár.

Ég nýt jólanna hjá mömmu og pabba

Birt þann

Desember

Þann 16 desember fór ég á jólatónleika hjá Sinfóníuhljómsveit Ísland í Hörpu. Félagsmönnum blindrafélagsins var boðið ásamt leikskólabörnum.ÞEkki get ég sagt að ég sé mikil jólamanneskja en ég hafði mjög gaman af þessu. Einnig dönsuðu nemendur í listdanssóla Íslands fyrir okkur.

Þegar þetta er skrifað eru vetrarsólstöður. Ég er mjög fegin að daginn fer að lengja aftur. Skammdegisslénið hefur verið þungt þennan veturinn.

Birt þann

Lesa, horfa, hlusta

Lesa.

Nýlega las ég the tainted cup eftir Robert Jackson Bennet. Þetta er ein besta fantasía sem ég hef lesið lengi (hef aðeins verið að lesa yfir mig í fantasíunum)

Rannsóknarkona og aðstoðarmaður hennar rannsaka undarlegan dauða manns sem heilt tré hefur vaxið inn í.

Þessi bók hefur allt sem ég hef gaman af galdrar, sérvitrungar og sæskrímli.

Þó ég sé í fríi frá fantasíum bíð ég samt spennt eftir næstu bók í ritröðinni.

Horfa.

Í dag horfði ég á myndina Swing girls eftir Shinobu Yaguchi.

Myndir fjallar um unglingsstelpur sem ganga í lúðrasveitina í skólannum sínum til að sleppa við að taka stærfræði í sumarskóla. Þær kunna ekki neitt á hljóðfæri. Þetta er mest feel good mynd sem ég hef séð.

Ég hef líka verið að horfa á Madelynn De La Rosa á youtube. Hún er listakona í Kaliforníu sem fjallar um listir, bókmenntir, stíl og margt fleira.

Hlusta.

Ég hef verið að hlusta á Otoboke Beaver sem er japönsk kvennapönksveit. Þær eru mjög hressar (hef heyrt þær kallaðar grýlurnar á hestasterum)

Uppáhaldslagið mitt með þeim heitir I´m not maternal, sem mér finnst pínu fyndið og passa við mig sem hefur aldrei haft neinn áhuga á barneignum.

Mæli með ef ykkur vantar eitthvað hressandi til að hlusta á.

Birt þann

Sokkaár

Í ár hef ég prjónað 3 pör af sokkum.

Fyrsta parið er gert eftir uppskriftinni Mercury socks eftir Kim Drotar. Þetta er í fyrsta sinn sem ég prjóna uppskrift með blúnndu. Mér leist nú ekki á blikuna í fyrstu enda á ég til að gera einfalda hluti flókna en eftir nokkra sentimetra af taugaáfalli í hverri lykkju og á endanum var ég farin kunna uppskriftina utanbókar.

Þessa sokka prjónaði ég fyrir mig úr Cascade heritage garni með prjónum nr. 3.

Par nr 2 gerði ég fyrir Þórný vinkonu mína (hún er alltaf svo fótköld)Við vorum að fara til Prag og mig vantaði eitthvað einfalt til að prjóna í fluginu. Uppskriftin er favorite socks eftir Voolenvine, garnið er Grundt hotsocks sjálfmynstrandi garn og ég notaði prjóna nr. 3.

Ég hef notað þessa uppskrift mörgum sinnum hún er mjög einföld og auðskilin.

Eftir par nr. 2 átti ég svo mikinn afgang af garninu að eg ákvað að gera par fyrir Gunnar Pál son Þórnýar. Ég notaði aftur favorite sock uppskriftina en náði að McGywera hana til að passa á 10 ára strák.

Ég á enn afgang af garninu (þetta virðist vera einhver eilífðardokka) svo ég ætla að prjóna par fyrir dóttur vinkonu minnar sem fæddist í júli en ég held ég bíði aðeins með það er komin með nóg af sokkaprjóni í augnablikinu.

Birt þann

Ylfa 2

Þetta gékk ekki svo vel hjá okkur. Síðasta föstudag vorum við i Þorlákshöfn að passa Frosta hinn köttinn minn (hann þoldi ekki að verða inniköttur svo hann flutti heim til mömmu og pabba). Ylfa slapp útt og varð fyrir bíl og dó. Þetta er einstaklega ömrlegt. Ég fékk að grafa hana í garðinum hjá mömmu og pabba við hliðina á sírenu runninum.

This didn´t go well for us. Last friday we were in Þorlákshöfn catsitting my other cat Frosti (He didn´t like being a indoor cat so he moved to my parents house). Ylfa got out and got hit by a car. This really sucks. I buried her in my parents garden next to the lilac bush.