Mér finnst skrýtið að hugsa til þess að það sé til fólk sem sér ekkert að því að nota hugtakið “siðaðar þjóðir” eins og þessi Eyjaklerkur gerir þarna í athugasemd við eigin færslu. Þetta er voðalegur nýlenduhugsanaháttur þar sem við siðaða fólkið horfum niður á villimennina. Reyndar er kannski skiljanlegt að klerkurinn sé enn fastur í þessum hugsanahætti enda var helsta einkenni siðaðra þjóða nú kristnin en þær ósiðuðu trúðu á stokka og steina. Ég er nokkuð spenntur að vita hvaða þjóðir kallinn telur siðaðar.