Category: Almennt

Duglegum tvítugum vopnfirskum tvíburasystrum vantar vinnu á Reykjavíkursvæðinu frá cirka miðjum september (ekki komin nákvæm dagsetning).

Hvorug nennir þó að blogga meira, það verður að lagast.

Á gatnamótum Kringlumýrarbrautar og Miklubrautar voru þrír lögreglubílar. Enginn umferð fékk að fara vestur Miklubraut þarna, umferðin leidd annað. Fyrir umferðinni var einn bíll sem sneri öfugt. Lögreglumenn voru eitthvað að vesenast þarna en ég veit ekkert hvað var á seyði. Þeir voru að mæla vegalengdir einsog um slys hafi verið um að ræða en þarna var enginn annar bíll ef einhver gangandi vegfarandi varð fyrir bíl þá var búið að færa hann á sjúkrahús.

Aðalástæðan fyrir að mér finnst þetta áhugavert er vegna þess að það þurfti heila þrjá lögreglubíla með blikkljós á fullu, haug af lögreglumönnum og síðan varð að stoppa umferðina. Ég hefði haldið að venjulegt slys þyrfti ekki nema svona einn til tvo lögreglubíla og það þyrfti ekki að stoppa umferðina svona lengi.

Ég þurfti að nota strætó í dag. Ástæðan er sú að bíllinn var á verkstæði, það var reyndar ekkert að honum en við létum hann í allsherjarskoðun til að sjá hvort einhver vandamál væru í uppsiglingu og til að skipta um hina og þessa hluti. Reyndar fundust enginn vandamál sem er gott þó manni finnist kannski peningurinn hafa farið fyrir lítið.

Strætó kom korteri of seint sem var ekki gott, var hræddur um verkstæðið yrði lokað þegar ég loksins kæmist. Í strætó kom upp að mér ung stúlka og sagði mér hve flott henni finndist merkið mitt (Davíð í herinn og herinn burt), Eygló var þá nýbúin að minna mig á að við ættum einhver svona merki til þannig að ég gaf stelpunni merkið. Nú er að finna nýtt merki. Spurning hvort Stefán eigi eitthvað af þessum merkjum eftir því ég er alltaf reglulega spurður um þau.

Karlmenn eru heimskir. Ég þoli ekki þá hluta af mér sem falla reglulega inn í karlmennskurugl.

Dæmi um þetta var ég að skoða í vinnunni. Ég var að hjálpa náunga að færa kassa. Hann hafði verið að taka einn kassa í einu, ég gerði þá tilraun með að taka tvo kassa í einu. Það er ekki að spyrja að því, í næstu ferð tók hann tvo kassa í einu. Þetta er nær algild regla, karlmaður getur ekki látið einsog ekkert sé þegar annar karlmaður er að lyfta meiru. Karlmaður þarf helst að lyfta meiru í einu en kona en það segir sig náttúrulega sjálft.

Það er nefnilega fátt heimskulegra en það sem er karlmannlegt við karlmenn.

Eygló er að vinna með fyrrverandi hljómsveitarfélaga Hjörvars úr MA, sá er líka frá Blönduósi.

Hljómsveit?

Við fórum semsagt með Hjördísi og Nils á Pizza Hut og eyddum síðan kvöldinu í spjall. Ég sýndi þeim nokkur Queen myndbönd og benti þeim á hvað mér finnst vera besta myndband allra tíma. Nils lofaði að lána mér Sandman sem þýðir að ég get klárað að kynna mér helstu verk Neil Gaiman.

Þess má síðan geta að kærastan bloggaði aftur í dag, endilega kíkið á það, nenni ekki að hlekkja hana enda er hlekkur á hliðinni. Þarna einhvers staðar =>