Höfundarréttarpæling

Hvernig kemst maður að því hvaða höfundarréttarlög gilda yfir eitthvað? Ég er þá að tala um gamlar bækur sem voru gefnar út áður en núverandi höfundarréttarlög tóku gildi. Ekki eru höfundarréttarlög afturvirk? Fer þetta ekki eftir dánarári höfundar eða eitthvað svoleiðis? Ég veit að það eru laganemar sem lesa mig, gaman væri að fá svör.

Höfundarréttur og bókasöfn

Ég er að vinna verkefni sem ég á að skila á morgun, reyndar tvö stykki í einu sem gilda samanlagt 100%. Ég var reyndar bara að byrja á þessu núna. En þetta er ekkert mál, bara að finna heimildir fyrir ritgerð sem ég á að skrifa eftir áramót. Höfundarrétt* AND Bókas?fn* sýnir að ég veit hvað ég er að gera og allt sem ég finn virðist koma vel út. Þetta er eitt af þeim verkefnum sem snýst aðallega um að vinna þau.

Af hverju er ég alltaf á síðustu stundu? Af því ég kemst upp með það líklega. Á morgun verð ég síðan að vinna verkefni fyrir flokkun og eftir það verð ég líklega vel staddur.

Hef haft það að markmiði í langan tíma að skreppa í Kolaportið, ég á líka eftir að þræða safnarabúðirnar almennilega, hef ekki gert það í lengri tíma. Fæ kannski Hallgrím með mér í það, var einhvern tíman búinn að tala um það við hann. Ætla mér að taka sérstaklega eftir hljómplötum.