{"id":19212,"date":"2021-11-03T18:00:11","date_gmt":"2021-11-03T18:00:11","guid":{"rendered":"https:\/\/truflun.net\/oligneisti\/?p=19212"},"modified":"2024-11-03T11:42:05","modified_gmt":"2024-11-03T11:42:05","slug":"utangardsmadur-a-rokktonleikum-i-london","status":"publish","type":"post","link":"https:\/\/truflun.net\/oligneisti\/2021\/11\/03\/utangardsmadur-a-rokktonleikum-i-london\/","title":{"rendered":"Utangar\u00f0sma\u00f0ur \u00e1 rokkt\u00f3nleikum \u00ed London"},"content":{"rendered":"

\u00c1rin eftir a\u00f0 Freddie Mercury d\u00f3 g\u00e1fu b\u00e6\u00f0i Brian May, g\u00edtarleikari Queen, og Roger Taylor, trommari hlj\u00f3msveitarinnar, \u00fat s\u00f3l\u00f3pl\u00f6tur og f\u00f3ru \u00e1 t\u00f3nleikafer\u00f0ir. \u00de\u00e1 dreymdi mig um a\u00f0 fara \u00e1 sl\u00edka t\u00f3nleika. \u00c9g var s\u00e9rstaklega hrifinn af efni Roger Taylor. Happiness?<\/em> og Electric Fire<\/em>. \u00c9g man eftir a\u00f0 hafa reynt a\u00f0 sannf\u00e6ra sk\u00f3laf\u00e9laga minn um \u00e1g\u00e6ti Happiness? og \u00feegar \u00e9g sag\u00f0i a\u00f0 \u00feetta v\u00e6ri trommari Queen \u00fe\u00e1 datt honum ekki anna\u00f0 \u00ed hug en a\u00f0 \u00feetta v\u00e6ru endalaus trommus\u00f3l\u00f3. En au\u00f0vita\u00f0 spilar Roger \u00e1 \u00f3tal hlj\u00f3\u00f0f\u00e6ri.<\/p>\n

\u00deegar \u00e9g byrja\u00f0i a\u00f0 stunda utanlandsfer\u00f0ir voru Roger og Brian ekki a\u00f0 spila eigi\u00f0 efni reglulega. \u00cd sta\u00f0inn f\u00f3ru \u00feeir f\u00e9lagar a\u00f0 spila saman undir „Queen+“ nafninu. \u00c9g hef fari\u00f0 \u00e1 \u00ferenna sl\u00edka t\u00f3nleika en mig langa\u00f0i enn\u00fe\u00e1 a\u00f0 heyra \u00fe\u00e1 spila s\u00f3l\u00f3efni\u00f0.<\/p>\n

\u00deeir f\u00e9lagarnir \u00e6tlu\u00f0u a\u00f0 fara \u00ed t\u00f3nleikafer\u00f0 sem Queen+ Adam Lambert n\u00fana \u00ed fyrra en \u00feurftu a\u00f0 fresta. \u00dea\u00f0 ver\u00f0ur bara \u00e1 n\u00e6sta \u00e1ri \u00ed sta\u00f0inn. En s\u00ed\u00f0an heyr\u00f0ist or\u00f0r\u00f3mur um a\u00f0 Roger Taylor v\u00e6ri a\u00f0 taka upp n\u00fdja pl\u00f6tu. \u00dea\u00f0 var\u00f0 s\u00ed\u00f0an meira spennandi \u00feegar \u00fea\u00f0 var sta\u00f0fest a\u00f0 \u00fea\u00f0 v\u00e6ri ekki bara platan Outsider<\/em> heldur l\u00edka t\u00f3nleikafer\u00f0 um Bretland.<\/p>\n

\u00c9g keypti mi\u00f0a strax. En \u00e9g \u00feor\u00f0i ekki a\u00f0 kaupa flugfer\u00f0 strax. \u00c9g bei\u00f0 a\u00f0eins. \u00c9g b\u00f3ka\u00f0i \u00f3tr\u00falega \u00f3d\u00fdrt h\u00f3tel me\u00f0 \u00e1kaflega g\u00f3\u00f0um afb\u00f3kunarskilm\u00e1lum (langa\u00f0i au\u00f0vita\u00f0 a\u00f0 k\u00edkja \u00e1 h\u00f3teli\u00f0 sem er me\u00f0 \u00fats\u00fdni yfir gamla h\u00fasi\u00f0 hans Freddie). Bei\u00f0 a\u00f0eins lengur. B\u00f3ka\u00f0i flug. Keypti nokkra leikh\u00fasmi\u00f0a.<\/p>\n

\u00c9g \u00e1tti erfitt me\u00f0 a\u00f0 velja s\u00fdningar til a\u00f0 fara \u00e1 enda \u00farvali\u00f0 enn\u00fe\u00e1 a\u00f0eins takmarka\u00f0. \u00dear sem \u00e9g er a\u00f0d\u00e1andi s\u00f6ngkonu sem heitir Samantha Barks (Les Mis<\/strong> myndin) \u00fe\u00e1 \u00e1kva\u00f0 \u00e9g a\u00f0 k\u00edkja hva\u00f0 h\u00fan v\u00e6ri a\u00f0 gera. H\u00fan er \u00ed a\u00f0alhlutverki \u00ed Frozen<\/strong>-s\u00f6ngleiknum. \u00c9g s\u00e1 ekki fyrir m\u00e9r a\u00f0 \u00fea\u00f0 liti vel \u00fat a\u00f0 vera 42 \u00e1ra kallinn \u00ed leikh\u00fasi fullu af ungum stelpum. Meira af vali m\u00ednu h\u00e9r ne\u00f0ar.<\/p>\n

\u00c9g \u00feurfti a\u00f0 fylgjast vel me\u00f0 Covid-19 skilyr\u00f0um \u00ed Bretlandi. A\u00f0 lokum var \u00fea\u00f0 \u00feannig a\u00f0 \u00e9g \u00feurfti bara a\u00f0 m\u00e6ta me\u00f0 b\u00f3lusetningarvottor\u00f0 og b\u00f3kun \u00ed smitpr\u00f3f \u00e1 \u00f6\u00f0rum degi fer\u00f0arinnar. Smitpr\u00f3fi\u00f0 \u00e1tti bara a\u00f0 senda \u00e1 h\u00f3teli\u00f0 og \u00fea\u00f0 fylgdi me\u00f0 svarumslag fyrir s\u00fdni\u00f0.<\/p>\n

Fimmtudagur (\u00fatfer\u00f0 og 11. september)<\/h1>\n

\u00c9g flaug snemma \u00e1 fimmtudagsmorgun og var lentur um h\u00e1degi. Ne\u00f0anjar\u00f0arlest \u00e1 h\u00f3teli\u00f0. \u00c9g \u00e6tla\u00f0i a\u00f0 nota bara kort til a\u00f0 borga \u00ed lestarnar eins og s\u00ed\u00f0ast en kreditkorti\u00f0 mitt er me\u00f0 \u00f3n\u00fdta \u00f6rfl\u00f6gu og debetkortinu var hafna\u00f0. \u00c9g \u00feurfti \u00fev\u00ed a\u00f0 kaupa ostrukort.<\/p>\n

H\u00f3teli\u00f0 er sta\u00f0sett \u00ed Fulham. Heitir Ibis London Earls Court<\/strong>. Sj\u00faska\u00f0 en ekki s\u00f3\u00f0alegt. Sm\u00e1 l\u00far, ekki n\u00f3gu langur. Lei\u00f0 eins og \u00e9g allur v\u00e6ri lurkum laminn. F\u00f3r ni\u00f0ur \u00ed Soho. Svo heppilega vildi til a\u00f0 \u00fea\u00f0 var n\u00fdopnu\u00f0 skyndib\u00fa\u00f0 \u00ed Karnab\u00e6. S\u00fa heitir Queen The Greatest<\/strong> og er tileinku\u00f0 fimmt\u00edu \u00e1ra afm\u00e6li Queen.<\/p>\n

Queenb\u00fa\u00f0in selur Queenv\u00f6rur. \u00c9g sko\u00f0a\u00f0i miki\u00f0 en keypti ekki margt. Au\u00f0vita\u00f0 langa\u00f0i mig a\u00f0 kaupa Queenboli \u00e1 drengina m\u00edna og st\u00f3\u00f0 vi\u00f0 bor\u00f0i\u00f0 \u00fear sem barnast\u00e6r\u00f0irnar voru. \u00c9g lenti tvisvar \u00ed \u00fev\u00ed a\u00f0 starfsf\u00f3lk kom mj\u00f6g alvarlegt til m\u00edn og \u00fatsk\u00fdr\u00f0i a\u00f0 bolirnir v\u00e6ru fyrir krakka. \u00c9g sag\u00f0ist vita \u00fea\u00f0. Fann r\u00famleg n\u00famer fyrir str\u00e1kana.<\/p>\n

\u00c9g var kominn \u00ed t\u00edma\u00fer\u00f6ng og gat ekki fundi\u00f0 neinn g\u00f3\u00f0an veitingasta\u00f0 \u00feannig a\u00f0 \u00e9g hoppa\u00f0i inn \u00e1 skyndibitasta\u00f0 sem heitir Slim Chickens<\/strong>. \u00c9g f\u00e9kk kj\u00faklingav\u00e6ngi sem voru ekki s\u00e9rstaklega g\u00f3\u00f0ir. Verra var samt a\u00f0 \u00fea\u00f0 var enginn vaskur \u00e1 kl\u00f3settinu. Enginn vaskur \u00e1 kl\u00f3settinu! Ef \u00fei\u00f0 hafi\u00f0 bor\u00f0a\u00f0 kj\u00faklingav\u00e6ngi sj\u00e1i\u00f0 \u00fei\u00f0 kannski vandam\u00e1li\u00f0. \u00deetta er fingramatur. V\u00e6ngirnir voru hj\u00fapa\u00f0ir s\u00f3su. Sums\u00e9 kl\u00edstra\u00f0. \u00c9g gat ekki \u00fevegi\u00f0 m\u00e9r. Lausnin? \u00c9g nota\u00f0i t\u00f6luvert magn af spritti til a\u00f0 n\u00e1 \u00fev\u00ed mesta af m\u00e9r.<\/p>\n

R\u00e9tt hj\u00e1 kj\u00faklingasta\u00f0num var sta\u00f0ur sem virtist koma vera t\u00edmafer\u00f0alangur. „Live Nudes“ og „Peep Show“ er ekki beinl\u00ednis eitthva\u00f0 sem er \u00e1 hverju horni \u00ed Soho 21. aldarinnar. Meira eitthva\u00f0 fr\u00e1 sj\u00f6unda og \u00e1ttunda \u00e1ratugnum. \u00c9g sko\u00f0a\u00f0i ekki vandlega en eftir a\u00f0 Cory Doctorow birti mynd af sama sta\u00f0 \u00e1kva\u00f0 \u00e9g a\u00f0 leita a\u00f0 uppl\u00fdsingum. Kemur \u00ed lj\u00f3s a\u00f0 \u00feetta er mex\u00edkanskur veitingasta\u00f0ur<\/a>.<\/p>\n

\u00dea\u00f0 var \u00ed kringum 11. september \u00fear sem \u00e9g var a\u00f0 sko\u00f0a m\u00f6gulegar leikh\u00fasfer\u00f0ir. M\u00f6gulega haf\u00f0i allt tal um tuttugu \u00e1ra afm\u00e6li\u00f0 \u00feau \u00e1hrif a\u00f0 \u00e9g keypti mi\u00f0a \u00e1 Come from Away<\/em>. \u00dea\u00f0 er s\u00f6ngleikur um 11. september 2001. Vi\u00f0 hin eldri munum m\u00f6rg eftir \u00fev\u00ed a\u00f0 eftir hry\u00f0juverkin voru allar flugv\u00e9lar \u00ed lofthelgi Bandar\u00edkjanna sendar \u00e1 kanad\u00edska flugvelli.<\/p>\n

\u00c1\u00f0ur en \u00feotut\u00e6knin var\u00f0 til \u00feess a\u00f0 h\u00e6gt var flj\u00faga lengri vegalengdir \u00feurfti a\u00f0 millilenda til a\u00f0 taka eldsneyti. Mig minnir a\u00f0 Keflav\u00edk hafi sinnt sl\u00edku hlutverki. Sm\u00e1b\u00e6rinn Gander \u00e1 N\u00fdfundnalandi var\u00f0 l\u00edka mi\u00f0st\u00f6\u00f0 fyrir millilendingar. \u00deannig a\u00f0 \u00fear var\u00f0 til risavaxinn flugv\u00f6llur sem var\u00f0 flj\u00f3tlega \u00fareltur.<\/p>\n

\u00deann 11. september 2001 \u00feurftu \u00f3tal \u00feotur a\u00f0 lenda \u00e1 \u00f6ruggum sta\u00f0, helst fjarri fj\u00f6lmennri bygg\u00f0. \u00derj\u00e1t\u00edu og \u00e1tta far\u00feegav\u00e9lar lentu \u00ed Gander. Skyndilega tv\u00f6falda\u00f0ist n\u00e6r mannfj\u00f6ldinn. S\u00f6ngleikurinn fjallar um \u00feetta a\u00f0allega \u00ed gamans\u00f6mum t\u00f3n me\u00f0 nokkrum d\u00f6kkum atri\u00f0um. \u00deetta var eiginlega of skr\u00fdti\u00f0 til a\u00f0 sleppa og \u00e9g s\u00e1 ekki eftir \u00fev\u00ed. \u00dea\u00f0 s\u00e1tu samt engin l\u00f6g eftir \u00ed h\u00f6f\u00f0inu \u00e1 m\u00e9r.<\/p>\n

\u00cd r\u00f6\u00f0inni \u00ed leikh\u00fasi\u00f0 \u00feurfti \u00e9g a\u00f0 s\u00fdna b\u00f3lusetningarvottor\u00f0i\u00f0, eins og \u00e9g \u00feurfti a\u00f0 gera \u00e1 \u00f6llum sl\u00edkum samkomum. \u00dea\u00f0 var hins vegar skr\u00fdti\u00f0 a\u00f0 sj\u00e1 hve f\u00e1ir voru me\u00f0 gr\u00edmur \u00ed salnum (og almennt \u00ed London mi\u00f0a\u00f0 vi\u00f0 st\u00f6\u00f0una og reglur).<\/p>\n

F\u00f6studagur (Roger Taylor \u00ed Shepherd’s Bush)<\/h1>\n

\u00c9g var \u00f3tr\u00falega \u00fereyttur \u00feegar \u00e9g kom \u00e1 h\u00f3teli\u00f0 og mig langa\u00f0i til a\u00f0 sofa af m\u00e9r f\u00f6studaginn. \u00c9g ger\u00f0i \u00fea\u00f0 ekki alveg en \u00e9g afreka\u00f0i ekki miki\u00f0. \u00c9g \u00edhuga\u00f0i a\u00f0 k\u00edkja \u00e1 nuddstofu \u00ed g\u00f6tunni en \u00e9g veit bara ekkert hvernig ma\u00f0ur s\u00e9r muninn \u00e1 nuddstofu og „nuddstofu“.<\/p>\n

R\u00e9tt \u00e1\u00f0ur en \u00e9g f\u00f3r af sta\u00f0 \u00e1 t\u00f3nleikana k\u00edkti \u00e9g vi\u00f0 \u00e1 Rudie’s Jerk Shack<\/strong>. \u00dea\u00f0 er l\u00edtil ke\u00f0ja af jama\u00edskum veitingast\u00f6\u00f0um. \u00c9g keypti aftur kj\u00faklingav\u00e6ngi og haf\u00f0i franskar me\u00f0. Fyrsti bitinn var ekki g\u00f3\u00f0ur. L\u00edka alltof sterkur. En \u00feetta var\u00f0 flj\u00f3tt \u00e1kaflega gott. Samt sterkt.<\/p>\n

Yfirgrundin ferja\u00f0i mig til Shepherd’s Bush \u00fear sem t\u00f3nleikarnir voru. \u00dear sem munnurinn minn var enn logandi \u00e1kva\u00f0 a\u00f0 \u00e9g a\u00f0 k\u00edkja \u00ed Waitrose<\/strong> og finna eitthva\u00f0 til a\u00f0 sl\u00f6kkva eldinn. H\u00e9r \u00e1\u00f0ur fyrr hef\u00f0i \u00e9g nota\u00f0 k\u00f3k e\u00f0a anna\u00f0 gos en \u00ed sta\u00f0inn greip \u00e9g kanilsn\u00fa\u00f0. \u00dea\u00f0 dug\u00f0i.<\/p>\n

\u00dea\u00f0 var \u00e1hugavert a\u00f0 heims\u00e6kja matv\u00f6ruverslanir \u00ed London. V\u00ed\u00f0a voru afsakanir var\u00f0andi v\u00f6ruskort. Brexit er sums\u00e9 alveg a\u00f0 virka. \u00cd Waitrose<\/strong> \u00fe\u00f3tti m\u00e9r fyndi\u00f0 a\u00f0 sj\u00e1 osta merkta me\u00f0 „inniheldur mj\u00f3lkurv\u00f6rur“. \u00c9g \u00e6tla\u00f0i a\u00f0 taka mynd en hugsa\u00f0i me\u00f0 sj\u00e1lfum m\u00e9r a\u00f0 myndi yr\u00f0i kannski notu\u00f0 af f\u00f3lki sem telur \u00feetta tengjast hruni vestr\u00e6nnar si\u00f0menningar.<\/p>\n

T\u00f3nleikasta\u00f0urinn er s\u00f6gufr\u00e6gur, Shepard’s Bush Empire<\/strong>. \u00dea\u00f0 opna\u00f0i \u00e1ri\u00f0 1903 og samkv\u00e6mt Wikipediu kom sj\u00e1lfur Chaplin fram \u00e1 svi\u00f0inu. Lengi var salurinn nota\u00f0ur fyrir uppt\u00f6kur og \u00fatsendingar BBC.<\/p>\n

Brian og Roger hafa b\u00e1\u00f0ir spila\u00f0 \u00e1\u00f0ur \u00ed salnum. Sj\u00e1lfur John Deacon spila\u00f0i \u00fearna \u00e1ri\u00f0 1995 me\u00f0 SAS band, n\u00e6sts\u00ed\u00f0ustu t\u00f3nleikar hans til \u00feessa (spila\u00f0i s\u00ed\u00f0ast 1997 me\u00f0 Brian, Roger og Elton John undir dansi hj\u00e1 Bejart Ballettinum).<\/p>\n

\"R\u00f6\u00f0in
\u00c9g aftastur \u00ed r\u00f6\u00f0inni. \u00dea\u00f0 kom reyndar flj\u00f3tlega f\u00f3lk fyrir aftan mig.<\/figcaption><\/figure>\n

S\u00ed\u00f0asta t\u00f3nleikafer\u00f0 Roger \u00e1 s\u00f3l\u00f3ferlinum var 1998-99. \u00deannig a\u00f0 \u00e9g haf\u00f0i be\u00f0i\u00f0 lengi. \u00c9g bei\u00f0 \u00ed svona tvo klukkut\u00edma \u00ed r\u00f6\u00f0inni. \u00c9g var enn\u00fe\u00e1 aumur \u00ed l\u00edkamanum eftir flugi\u00f0 daginn \u00e1\u00f0ur \u00feannig a\u00f0 \u00feetta voru ekki notalegar stundir. \u00c9g nennti ekki einu sinni a\u00f0 spjalla vi\u00f0 f\u00f3lk \u00ed r\u00f6\u00f0inni. Nema reyndar st\u00falkuna sem var \u00e1 eftir m\u00e9r \u00ed r\u00f6\u00f0inni.<\/p>\n

\u00c9g var alltaf a\u00f0 horfa \u00e1 hana a\u00f0 velta fyrir m\u00e9r hvers vegna h\u00fan v\u00e6ri svona kunnugleg. \u00c9g \u00e1tta\u00f0i mig skyndilega hvers vegna. Sama h\u00e1rgrei\u00f0sla og st\u00f3r gleraugu (\u00e1 n\u00fat\u00edmam\u00e6likvar\u00f0a). St\u00f3r gleraugu \u00e1 samt\u00edma m\u00e6likvar\u00f0a – ekki endilega n\u00edunda \u00e1ratugs. \u00c9g afsaka\u00f0i mig vi\u00f0 st\u00falkuna og \u00fatsk\u00fdr\u00f0i \u00e1 a\u00f0 h\u00fan minnti mig mj\u00f6g \u00e1 systur m\u00edna. \u00c9g nefndi ekki a\u00f0 \u00fatlitslega s\u00e9\u00f0 v\u00e6ri h\u00fan eiginlega blanda af m\u00e9r (\u00e1 unglings\u00e1rum) og \u00d6nnu.<\/p>\n

\u00deegar \u00e9g kom inn b\u00f6lva\u00f0i \u00e9g sj\u00e1lfum m\u00e9r t\u00f6luvert fyrir a\u00f0 hafa ekki keypt s\u00e6ti \u00e1 sv\u00f6lunum. L\u00edti\u00f0 \u00ed \u00fev\u00ed a\u00f0 gera \u00feannig a\u00f0 \u00e9g f\u00f3r aftast \u00ed salinn og settist ni\u00f0ur \u00fear me\u00f0an \u00e9g bei\u00f0. Gat um lei\u00f0 d\u00e1\u00f0st a\u00f0 \u00feessum fallega t\u00f3nleikasal.<\/p>\n

\u00c9g heyr\u00f0i l\u00edka f\u00f3lk tala um a\u00f0 gr\u00edmur v\u00e6ru \u00f3\u00fearfar. Mi\u00f0a\u00f0 vi\u00f0 smit\u00fer\u00f3un \u00ed London var \u00e9g ekki jafn bjarts\u00fdnn. \u00c9g hugsa\u00f0i l\u00edka um hve au\u00f0velt v\u00e6ri a\u00f0 dreifa s\u00fdklum me\u00f0 \u00fev\u00ed a\u00f0 syngja h\u00e1st\u00f6fum me\u00f0 l\u00f6gunum.<\/p>\n

Upphitunaratri\u00f0i\u00f0 var Colin MacLeod (l\u00edklega yngri br\u00f3\u00f0ir Connor). Mj\u00f6g f\u00ednn en \u00e9g var ekki \u00ed neinu stu\u00f0i. \u00c9g var gla\u00f0astur me\u00f0 a\u00f0 setjast aftur ni\u00f0ur \u00feegar hann f\u00f3r af svi\u00f0i.<\/p>\n

\u00deegar klukkan f\u00f3r a\u00f0 n\u00e1lgast n\u00edu byrju\u00f0u kunnuglegir t\u00f3nar a\u00f0 heyrast. Ekki Roger e\u00f0a Queen. \u00dea\u00f0 var Hopp\u00edpolla<\/strong> me\u00f0 Sigur R\u00f3s. Lagi\u00f0 bo\u00f0a\u00f0i auglj\u00f3slega upphaf t\u00f3nleikanna. \u00c9g gladdist mj\u00f6g. F\u00e9kk sm\u00e1 orku. Langa\u00f0i a\u00f0 vera gaurinn sem talar um a\u00f0 vera fr\u00e1 \u00cdslandi.<\/p>\n

S\u00ed\u00f0an kemur Roger og fyrsta lagi\u00f0 hans var Strange Frontier<\/strong>. N\u00fa er \u00fea\u00f0 \u00feannig a\u00f0 \u00e9g hef aldrei veri\u00f0 jafn hrifinn af eldri s\u00f3l\u00f3pl\u00f6tum hans. \u00dea\u00f0 er Strange Frontier<\/em> og Fun in Space<\/em>. \u00c9g eigna\u00f0ist \u00fe\u00e6r seint og s\u00ed\u00f0armeir. Happiness?<\/em> og Electric Fire<\/em> f\u00e9kk \u00e9g 15 og 19 \u00e1ra gamall. \u00c9g man gle\u00f0ina sem fylgdi \u00fev\u00ed a\u00f0 finna Happiness?<\/em> \u00ed skamml\u00edfri pl\u00f6tub\u00fa\u00f0 (HP?) \u00ed g\u00f6ngug\u00f6tunni \u00e1 Akureyri. \u00dea\u00f0 er erfitt a\u00f0 jafna tilfinningatengsl t\u00e1ningsins vi\u00f0 t\u00f3nlist. En Strange Frontier<\/strong> er fr\u00e1b\u00e6rt lag.<\/p>\n

N\u00e6st t\u00f3k Roger lagi\u00f0 Tenement Funster<\/strong>. \u00dea\u00f0 er af Queenpl\u00f6tunni Sheer Heart Attack<\/em>. \u00dea\u00f0 gaf t\u00f3ninn fyrir t\u00f3nleikana.<\/p>\n

\n

And my rock’n’roll forty fives
\nBeen enragin’ the folks on the lower floor<\/p>\n<\/blockquote>\n

Roger hefur alltaf veri\u00f0 nostalg\u00edskur sem textasmi\u00f0ur og yrkir gjarnan um s\u00edn yngri \u00e1r. En \u00feema\u00f0 var ekki um pers\u00f3nulegar upplifanir heldur sameiginleg tengsl okkar vi\u00f0 rokkt\u00f3nlist. \u00cd raun m\u00e6tti kalla \u00feessa t\u00f3nleika \u00e1starbr\u00e9f til rokksins.<\/p>\n

Au\u00f0vita\u00f0 er \u00feema\u00f0 ekki algilt eins og n\u00e6sta lag s\u00fdnir okkur. \u00dea\u00f0 var We’re All Just Trying To Get By<\/strong> af n\u00fdju pl\u00f6tunni Outsider<\/em>. \u00dea\u00f0 lag fjallar beint og \u00f3beint um heimsfaraldurinn sem vi\u00f0 upplifum n\u00fana. Frekar lj\u00faft og fallegt.<\/p>\n

N\u00e6sta laga var s\u00ed\u00f0an eitt upp\u00e1haldi\u00f0 mitt af Electric Fire<\/em>, A Nation of Haircuts<\/strong>. \u00c9g hef alltaf sett lagi\u00f0 \u00ed samhengi vi\u00f0 „Cool Britannia“. Brit popp var\u00f0 vins\u00e6lt og \u00fea\u00f0 var aftur f\u00ednt a\u00f0 vera breskur. En \u00fea\u00f0 er vissulega sm\u00e1 sj\u00e1lfsh\u00e1\u00f0 \u00ed textanum enda Roger alltaf veri\u00f0 me\u00f0vita\u00f0ur um \u00edmynd s\u00edna. \u00dea\u00f0 var yndisleg tilfinning a\u00f0 syngja me\u00f0 \u00ed vi\u00f0laginu.<\/p>\n

\n

And we salute you all you groovy dudes
\nYeah we salute you you’re so fucking cool<\/p>\n<\/blockquote>\n

These Are The Days Of Our Lives<\/strong> er lag sem er \u00f3\u00fearfi a\u00f0 kynna fyrir Queena\u00f0d\u00e1endum. H\u00e1punktur Roger\u00edskrar fort\u00ed\u00f0ar\u00fer\u00e1 sem f\u00e9kk a\u00f0ra og d\u00fdpri merkingu eftir dau\u00f0a Freddie. B\u00f3kstaflega s\u00ed\u00f0asta skoti\u00f0 af honum \u00ed t\u00f3nlistarmyndbandi er hann a\u00f0 segja „I still love you“ sem \u00e9g hef alltaf liti\u00f0 \u00e1 sem v\u00edsun \u00ed Love of My Life<\/strong>. Kjarni Rogers kemur hins vegar sk\u00fdrt fram \u00ed eftirfarandi l\u00ednum.<\/p>\n

\n

No use in sitting and thinkin’ on what you did
\nWhen you can lay back and enjoy it through your kids<\/p>\n<\/blockquote>\n

\u00dea\u00f0 var l\u00edka gaman a\u00f0 sj\u00e1 b\u00f6rnin hans m\u00e6tt til a\u00f0 sj\u00e1 gamla kallinn. \u00c9g \u00feekkti reyndar bara tv\u00f6 \u00feeirra, Tigerlily (sem hanna\u00f0i hi\u00f0 min\u00edmal\u00edska og \u00e1hrifar\u00edka umslag Outsider<\/em>) og Rufus (n\u00faverandi trommari The Darkness).<\/p>\n

\u00c1ri\u00f0 2013 gaf Roger \u00fat pl\u00f6tuna Fun on Earth<\/em>. \u00dear m\u00e1 finna lagi\u00f0 Up sem kom n\u00e6st. \u00c9g hef aldrei grennslast fyrir um \u00fea\u00f0 en textinn minnir mig \u00e1 samnefnda mynd.<\/p>\n

Queen var aldrei p\u00f3lit\u00edsk hlj\u00f3msveit en sem s\u00f3l\u00f3listama\u00f0ur hefur Roger ort t\u00f6luvert um sko\u00f0anir s\u00ednar. Mig grunar a\u00f0 \u00fea\u00f0 hafi alveg haft \u00e1hrif \u00e1 mig, s\u00e9rstaklega Happiness?<\/em> platan og n\u00e1nar tilteki\u00f0 l\u00f6gin Nazis 1994<\/strong> og Dear Mr. Murdoch<\/strong>. \u00deau l\u00f6g voru ekki spilu\u00f0 \u00ed \u00feetta sinn. En \u00ed sta\u00f0inn fengum vi\u00f0 gl\u00e6n\u00fdtt lag sem heitir Gangsters Are Running This World<\/strong>.<\/p>\n

Absolutely Anything<\/strong> er l\u00edka af Outsider<\/em>. \u00dea\u00f0 er \u00fe\u00f3 nokku\u00f0 eldra. Lagi\u00f0 var sami\u00f0 fyrir samnefnda kvikmynd fr\u00e1 \u00e1rinu 2015 sem Terry Jones leiksst\u00fdr\u00f0i. \u00c9g hef aldrei s\u00e9\u00f0 myndina en Roger segir a\u00f0 h\u00fan hafi fengi\u00f0 \u00f3sanngjarna d\u00f3ma. \u00c9g \u00feori varla a\u00f0 horfa.<\/p>\n

\u00dea\u00f0 er erfitt a\u00f0 \u00edmynda s\u00e9r Queen syngja um heimilisofbeldi en \u00fea\u00f0 gerir Roger \u00ed laginu Surrender<\/strong> af Electric Fire. \u00c9g hef aldrei heyrt baks\u00f6gu lagsins n\u00e1kv\u00e6mlega en Roger hefur sta\u00f0fest a\u00f0 \u00fea\u00f0 byggi \u00e1 pers\u00f3nulegri reynslu. Mi\u00f0a\u00f0 vi\u00f0 a\u00f0 foreldrar hans skildu \u00feegar hann var ungur liggur \u00e1kve\u00f0in t\u00falkun \u00ed augum uppi. H\u00e9r t\u00f3k Tna Keys (Christina Hizon) a\u00f0 s\u00e9r a\u00f0 syngja \u00e1 m\u00f3ti Roger.<\/p>\n

\n

No hope left, just pain
\nWhiskey on his breath, violence in his brain
\nScared kids, with scarred minds<\/p>\n<\/blockquote>\n

A\u00f0 \u00f6\u00f0rum \u00f3l\u00f6stu\u00f0um (og a\u00f0 Roger undanskildum) var Tna Keys stjarna kv\u00f6ldsins. H\u00fan spila\u00f0i \u00e1 hlj\u00f3mbor\u00f0, fi\u00f0lu og trommur auk \u00feess a\u00f0 syngja. A\u00f0rir me\u00f0limir hlj\u00f3msveitarinnar voru m\u00e9r g\u00f3\u00f0kunnir en h\u00fan kom fersk inn, gl\u00f6\u00f0 og h\u00e6fileikar\u00edk.<\/p>\n

Man on Fire<\/strong> var \u00e1 Strange Frontier<\/em>. Platan innih\u00e9lt l\u00edka lag eftir Bruce Springsteen en \u00feetta lag minnir mig einmitt alltaf \u00e1 „The Boss“. Kannski er \u00fea\u00f0 raddbeitingin, kannski textinn, l\u00edklega b\u00e6\u00f0i. En \u00fea\u00f0 er allavega gaman a\u00f0 syngja me\u00f0.<\/p>\n

Styrkur hlj\u00f3msveitarinnar sem Roger setti saman fyrir t\u00f3nleikafer\u00f0ina s\u00e1st best \u00feegar hann sj\u00e1lfur t\u00f3k s\u00e9r p\u00e1su og leyf\u00f0i \u00feeim a\u00f0 spreyta sig \u00e1 Queenlaginu Rock It (Prime Jive)<\/strong>. \u00dea\u00f0 var trommarinn Tyler Warren sem t\u00f3k a\u00f0 s\u00e9r a\u00f0 syngja lagi\u00f0. Hann kom inn \u00ed Queenfj\u00f6lskylduna \u00ed gegnum farandss\u00fdninguna Queen Extravaganza sem hefur heims\u00f3tt \u00cdsland. Hann hefur l\u00edka teki\u00f0 a\u00f0 s\u00e9r trommusl\u00e1tt \u00e1 t\u00f3nleikafer\u00f0um Queen+ Adam Lambert. L\u00edkt og \u00e1 \u00feessum t\u00f3nleikum tekur Roger alltaf enn\u00fe\u00e1 nokkur l\u00f6g en hann er 72 \u00e1ra og Tyler gefur honum t\u00e6kif\u00e6ri \u00e1 a\u00f0 spara kraftana.<\/p>\n

Me\u00f0 Rock It<\/strong> kom eitt af \u00feessum yndislega sterku upplifunum \u00feegar \u00e1horfendur syngja me\u00f0 og, allavega \u00e9g, fara a\u00f0 tr\u00faa b\u00f3kstaflega \u00e1 bo\u00f0skap t\u00f3nlistarinnar.<\/p>\n

\n

When I hear that rock and roll
\nIt gets down to my soul
\nWhen it’s real rock and roll
\nOh rock and roll<\/p>\n<\/blockquote>\n

\u00dea\u00f0 er l\u00f6ngu \u00feekkt a\u00f0 af Queen \u00fe\u00e1 var Roger alltaf st\u00e6rsti a\u00f0d\u00e1andi David Bowie og naut \u00feess mest a\u00f0 taka upp Under Pressure<\/strong> me\u00f0 honum (\u00fea\u00f0 eru til \u00fdktar s\u00f6gur um \u00e1rekstra Brian og Bowie). Hann syrgir Bowie enn og t\u00f3k au\u00f0vita\u00f0 lagi\u00f0 \u00feeirra.<\/p>\n

Brian og Roger unnu lengi me\u00f0 Nelson Mandela til a\u00f0 vekja athygli \u00e1 aln\u00e6misfaraldrinum \u00ed Afr\u00edku. Fyrsta lagi\u00f0 sem \u00feeir t\u00f3ku upp me\u00f0 Paul Rodgers, Say it’s Not True<\/strong>, var einmitt til stu\u00f0nings \u00fev\u00ed verkefni (46664). Roger t\u00f3k lagi\u00f0 l\u00edka pl\u00f6tunni Fun on Earth<\/em>. \u00dea\u00f0 er erfitt a\u00f0 l\u00edta framhj\u00e1 hve vel textinn endurspeglar \u00e1standi\u00f0 \u00ed heiminum \u00ed dag. \u00c9g s\u00f6ng allavega mj\u00f6g innilega me\u00f0.<\/p>\n

\n

With the wonders of science
\nAll the knowledge we’ve stored
\nMagic cocktails for lives
\nPeople just can’t afford<\/p>\n<\/blockquote>\n

N\u00e6sta lag var kynnt me\u00f0 v\u00edsun \u00ed kvikmyndina Bohemian Rhapsody<\/em>. Roger taldi a\u00f0 ill hafi veri\u00f0 fari\u00f0 me\u00f0 lagi\u00f0 \u00fear. Gert of miki\u00f0 gr\u00edn a\u00f0 \u00fev\u00ed. Vi\u00f0 t\u00f3nleikagestir gl\u00f6ddumst allavega mj\u00f6g a\u00f0 syngja me\u00f0 I’m in Love with My Car<\/strong>.<\/p>\n

Titillag pl\u00f6tunnar Outsider<\/em> er \u00feema t\u00f3nleikana \u00ed hnotskurn. Ekki af \u00fev\u00ed a\u00f0 \u00fea\u00f0 fjallar um rokk heldur af \u00fev\u00ed \u00fea\u00f0 fjallar um a\u00f0 vera utangar\u00f0s sem hefur alltaf veri\u00f0 st\u00f3r hluti sj\u00e1lfsmyndar rokksins. \u00dea\u00f0 m\u00e1 segja a\u00f0 \u00fea\u00f0 hafi veri\u00f0 f\u00e1r\u00e1nleg hugmynd \u00feegar Queen var upp \u00e1 sitt besta en \u00ed dag l\u00edtur \u00fea\u00f0 stundum \u00fat fyrir a\u00f0 rokki\u00f0 s\u00e9 aftur komi\u00f0 utan gar\u00f0s.<\/p>\n

More Kicks<\/strong> er af n\u00fdju pl\u00f6tunni og s\u00fdnir mj\u00f6g vel \u00fea\u00f0 sem \u00e9g hef veri\u00f0 a\u00f0 nefna.<\/p>\n

\n

I was young and stupid
\nI didn’t feel no pain
\nI was looking for trouble
\nI didn’t feel no shame<\/p>\n<\/blockquote>\n

Sparki\u00f0 sem lagi\u00f0 v\u00edsar til er \u00fe\u00f3 auglj\u00f3slega trommuleikur og \u00fev\u00ed vi\u00f0eigandi a\u00f0 Tyler og Roger hafi saman teki\u00f0 sm\u00e1 trommueinv\u00edgi \u00ed kj\u00f6lfari\u00f0. Mj\u00f6g gaman. Miki\u00f0 rokk.<\/p>\n

Eina lagi\u00f0 sem spila\u00f0 var af Happiness?<\/em> var \u00ed h\u00e1lfger\u00f0um felulitum. \u00dea\u00f0 er Foreign Sand<\/strong>. \u00c1 \u00feeirri pl\u00f6tu var \u00fea\u00f0 flutt me\u00f0 japanska t\u00f3nlistarmanninum Yoshiki. Roger endurger\u00f0i lagi\u00f0 fyrir Outsider<\/em>, str\u00edpa\u00f0i \u00fea\u00f0 ni\u00f0ur \u00ed einfaldan og fallegan b\u00faning. En \u00e1horfendur \u00e1 \u00feessum t\u00far hafa teki\u00f0 sig til og gert \u00fea\u00f0 a\u00f0 hef\u00f0 a\u00f0 taka undir \u00e1 \u00f3venjulegan h\u00e1tt.<\/p>\n