Þegar brjálæðinu lýkur…
Á morgun eru sléttar fimm vikur í þingkosningarnar. Þá fyrst sé ég fram á að geta varpað mæðinni. Sjálfur er ég raunar ekki að snúast í svo mörgu fyrir kosningarnar, minn tími fer einkum í baráttuna gegn stríðinu, barmmerkjagerð o.fl. Það er hins vegar verra með Steinunni (sem boðar á blogginu sínu í dag að ætli að hlaupast á brott með Palla). Hún er í kosningastjórn VG í Reykjavík, á fullu í skólanum og þess utan hlaðin verkefnum í MS-félaginu og nú síðast tengt Femínistafélaginu. Við það bætist að sjálfsögðu friðarstúss og barmmerki. Sem sagt – ansi mikil vinna!
Ég er skíthræddur um að stelpan ofkeyri sig á þessu öllu saman og hún er orðin býsna tuskuleg á köflum. Hins vegar geri ég mér alveg grein fyrir því að það er tómt mál að tala um að skipa henni að draga saman seglin fyrir tíunda maí, þannig að fram að þeim tíma verður bara að bíta á jaxlinn.
Eftir fimm vikur verður hins vegar allt breytt. íðan gekk ég frá leigu á einum af sumarbústöðum Orkuveitunnar 16.-23. maí. Þangað verður farið með bækur, fartölvu og ekkert annað og svo bara dundað sér við smágrúsk í viku. – Niðurtalningin er hafin…